چوہدری لطیف اکبر کی آرمی چیف کو فیلڈ مارشل بننے پر کشمیری عوام کی جانب سے مبارکباد
اشاعت کی تاریخ: 20th, May 2025 GMT
آزاد کشمیر قانون ساز اسمبلی کے اسپیکر چوہدری لطیف اکبر نے افواج پاکستان کے سربراہ سید عاصم منیر کو فیلڈ مارشل بننے پر کشمیری عوام کی جانب سے مبارکباد پیش کی ہے۔
اپنے ایک بیان میں چوہدری لطیف اکبر نے کہاکہ آپریشن ’بنیان مرصوص‘ کی منصوبہ بندی، حکمت عملی اور کامیابی تاریخی کارنامہ ہے۔
چوہدری لطیف اکبر نے کہاکہ فیلڈ مارشل کا اعزاز چیف آف آرمی اسٹاف عاصم منیر کو مبارک ہو، آرمی چیف عاصم منیر کی قیادت میں افواج پاکستان نے بہادری، جراتمندی اور جدید ترین جنگی حکمت عملی کے جوہر دکھائے۔
انہوں نے کہاکہ افواج پاکستان کے سربراہ جنرل عاصم منیر کی بھارت کے خلاف پُر اعتماد اور کامیاب منصوبہ بندی نے تاریخی فتح یابی سے ہمکنار کیا۔
اسپیکر اسمبلی نے کہاکہ چیف آف آرمی اسٹاف عاصم منیر کو مثالی کارکردگی پر فیلڈ مارشل کے عہدے پر ترقی دی گئی۔
واضح رہے کہ اسپیکر آزاد کشمیر اسمبلی چوہدری لطیف اکبر نے آپریشن بنیان مرصوص کی کامیابی پر پاک فوج سے اظہار یکجہتی کے لیے مظفرآباد میں ریلی کا بھی اہتمام کیا تھا، جس میں آزاد کشمیر کے وزرا سمیت تمام مکاتب فکر سے تعلق رکھنے والے افراد شریک ہوئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسپیکر آزاد کشمیر اسمبلی چوہدری لطیف اکبر ریلی مبارکباد وی نیوز.
ذریعہ
ذریعہ: WE News
کلیدی لفظ: اسپیکر ا زاد کشمیر اسمبلی چوہدری لطیف اکبر ریلی وی نیوز چوہدری لطیف اکبر نے فیلڈ مارشل نے کہاکہ
پڑھیں:
وفاقی بجٹ کب پیش کیا جائےگا، وفاقی وزیر طارق فضل چوہدری نے بتا دیا
وفاقی وزیر پارلیمانی امور طارق فضل چوہدری نے کہا ہے کہ وفاقی بجٹ 10 جون کو پیش کیا جائےگا۔
نجی ٹی وی سے گفتگو کرتے ہوئے انہوں نے وضاحت کی کہ بجٹ سے پہلے کوئی قانون سازی نہیں ہورہی۔
واضح رہے کہ قبل ازیں قومی اسمبلی کا بجٹ اجلاس 5 جون کو طلب کیا گیا تھا، تاہم آج قومی اقتصادی کونسل کا 3 جون کو ہونے والا اجلاس اچانک ملتوی کردیا گیا تھا، جس کے بعد واضح ہوگیا تھا کہ 5 جون کو بجٹ پیش نہیں ہوگا۔
قومی اقتصادی کونسل کا اجلاس ملتوی ہونے کے بعد میڈیا پر یہ خبریں سامنے آئی تھیں کہ حکومت بجٹ سے قبل کوئی اہم قانون سازی کرنا چاہتی ہے، تاہم طارق فضل چوہدری نے ایسی خبروں کی تردید کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تاریخ کا اعلان طارق فضل چوہدری وفاقی بجٹ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ