سربراہ پاک فضائیہ سے چینی سفیر کی ملاقات،باہمی تعاون کے اہم امور پر گفتگو
اشاعت کی تاریخ: 20th, May 2025 GMT
سربراہ پاک فضائیہ سے چینی سفیر کی ملاقات،باہمی تعاون کے اہم امور پر گفتگو WhatsAppFacebookTwitter 0 20 May, 2025 سب نیوز
اسلام آباد (سب نیوز )پاکستان میں چین کے سفیر جیانگ زیڈونگ نے ائیر ہیڈ کوارٹرز اسلام آباد کے دورے کے دوران سربراہ پاک فضائیہ ائیر چیف مارشل ظہیر احمد بابر سدھو سے ملاقات کی۔ دونوں معززین نے صنعتی تعاون، دفاعی شعبے اور خطے کی بین الااقوامی تزویراتی صورتحال سمیت متعدد امور پر تبادلہ خیال کیا۔ معززین نے علاقائی سلامتی کی موجودہ صورتحال کے پیشِ نظر ہم آہنگی اور تعاون پر مبنی لائحہ عمل اختیار کرنے اور نئے ابھرتے ہوئے چیلنجز سے نمٹنے کے لیے آپریشنل تیاریوں اور باہمی شرکتداری کی ضرورت پر زور دیا۔
ائیر چیف نے معزز مہمان کا پرتپاک استقبال کرتے ہوئے اس امر کا اظہار کیا کہ پاکستان اور چین کے مابین تاریخی اور لازوال تعلقات قائم ہیں جو باہمی اعتماد، تزویراتی ہم آہنگی اور علاقائی امن و استحکام کی مشترکہ خواہشات کا مظہر ہیں۔ انہوں نے دونوں ممالک کو “آئرن برادرز” کا نام دیا، اور اس امر پر زور دیا کہ چین اور پاکستان کے روابط گزشتہ دہائیوں میں بہت مضبوط ہوئے جبکہ مستقبل میں باہمی تعاون اور شراکت داری کے زریعے مزید تقویت پائیں گے۔ سربراہ پاک فضائیہ نے بھرپور حمایت اور غیر متزلزل دوستی پر چین کا شکریہ ادا کیا۔ انہوں نے پاکستان کو دفاعی جدت سے ہم کنار کرنے، تکنیکی ترقی، بالخصوص انسانی وسائل، ٹیکنالوجی کی منتقلی اور تحقیق و ترویج کے شعبوں میں چین کی جانب سے پاکستان کو فراہم کردہ مدد پر، اظہارِ تشکر کیا۔ دونوں معززین نے ابھرتے ہوئے خطرات کے مقابلے میں مشترکہ جوابی کاروائیوں، وسیع پیمانے پر مشترکہ آپریشنل مشقوں اور کثیرالجہتی فریم ورک کے قیام کے لیئے نئے مواقع تلاش کرنے پر بھی اتفاق کیا۔
چینی سفیر نے مشرقی محاذ پر حالیہ مڈبھیڑ کے دوران پاک فضائیہ کے اہلکاروں کی جانب سے پیش کردہ بے مثال آپریشنل مہارت کی تعریف کی اور اس فتح کو پاک فضائیہ کے اعلی معیار اور قومی دفاع کے اسکے غیر متزلزل عزم سے منسوب کیا۔ انہوں نے مثالی پیشہ ورانہ مہارت اور دشمن کی جارحیت کو ناکام بنانے کے لیے، پاک فضائیہ کی جانب سے چینی ساختہ آلات اور ٹیکنالوجی کے مثر استعمال پراسکی تعریف کی۔ معزز مہمان نے قومی مفادات کے تحفظ اور ممکنہ خطرات سے نمٹنے کے لیے خود انحصاری اور مقامی صلاحیتوں کے استعمال پر پاک فضائیہ کی آپریشنل کارکردگی اور اسکی موجودہ قیادت کی تزویراتی ذہانت کا اعتراف کیا۔
سفیر نے چین کی جانب سے بھرپور حمایت کا اعلان کرتے ہوئے پاک فضائیہ کو اسکی فضائی دفاعی صلاحیتوں کے فروغ کے لیے مکمل تکنیکی مدد فراہم کرنے کی یقین دہانی کرائی۔ انہوں نے خود انحصاری کے میدان میں پاکستان کی جانب سے کی گئی پیش رفت کی بھی تعریف کی اور اس امر پر زور دیا کہ پاک فضائیہ کی مقامی سطح پر سرمایہ کاری کے امید افزا نتائج برآمد ہونا شروع ہو چکے ہیں۔ معزز سفیر نے مزید کہا کہ ملکی سطح پر ٹیکنالوجی کے فروغ میں مسلسل بہتری پاکستان کی دفاعی صلاحیتوں کو مزید تقویت بخشے گی۔یہ ملاقات پاکستان اور چین کی جانب سے باہمی تعاون کے ذریعے اپنی لازوال تزویراتی شراکت داری کو فروغ دینے کے مشترکہ عزم کا منہ بولتا ثبوت ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان میں نوجوان نسل اور سگریٹ نوشی پاکستان میں نوجوان نسل اور سگریٹ نوشی منگلا کے طالب علم سے فیلڈ مارشل تک، پاک فوج کے سب سے سینئر آفیسرجنرل عاصم منیر کے کیریئر پر ایک نظر وفاقی حکومت اور کے پی حکومت کے درمیان این ایف سی ایوارڈ پر معاملات طے پاگئے قازقستان کے سفیر یرژان کیستافین کی چیئر مین سی ڈی اے سے ملاقات، اسلام آباد کی ترقی، خوشحالی ، بیوٹیفکیشن اور ماحول دوست پودے... حکومت نے یو اے ای کے تین بینکوں سے ایک ارب ڈالر قرض مانگ لیا چین کا پاکستان کی خود مختاری اور علاقائی سالمیت کے تحفظ میں ساتھ دینے کا اعلان
Copyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: سربراہ پاک فضائیہ باہمی تعاون
پڑھیں:
جنوبی افریقہ کی فضائیہ کے سربراہ کا ایئر ہیڈ کوارٹرز کا دورہ،سربراہ پاک فضائیہ سے ملاقات
جنوبی افریقہ کی فضائیہ کے سربراہ کا ایئر ہیڈ کوارٹرز کا دورہ،سربراہ پاک فضائیہ سے ملاقات WhatsAppFacebookTwitter 0 2 July, 2025 سب نیوز
اسلام آباد (سب نیوز )جنوبی افریقہ کی فضائیہ کے سربراہ لیفٹیننٹ جنرل وائز مین سیمومبیمبو نے آج ائیر ہیڈ کوارٹرز اسلام آباد کے دورے کے دوران سربراہ پاک فضائیہ، ائیر چیف مارشل ظہیر احمد بابر سدھو سے ملاقات کی۔ ملاقات کے دوران، سربراہان نے پیشہ ورانہ دلچسپی کے امور پر تبادلہ خیال کرنے کے ساتھ ساتھ دونوں فضائی افواج کے مابین تعاون کے فروغ پر اتفاق کیا۔
لیفٹیننٹ جنرل وائز مین سیمو مبیمبو کی آمد پر پاک فضائیہ کے ایک چاق و چوبند دستے نے انہیں گارڈ آف آنر پیش کیا۔ملاقات کے دوران چیف آف دی ایئر اسٹاف نے مشترکہ اقدار اور دوطرفہ تعلقات پر زور دیتے ہوئے انہیں پاکستان اور جنوبی افریقہ کے مابین دیرینہ دوستی کا مظہر قرار دیا۔ انہوں نے پاک فضائیہ کی جدید عسکری صلاحیتوں اور خود انحصاری کے زریعے اسے جدید خطوط پر استوار کرنے کے اپنے وژن سے آگاہ کیا۔ ائیر چیف نے خصوصی تربیتی پروگرامز اور صلاحیت میں بہتری جیسے اقدامات کے ذریعے جنوبی افریقہ کی فضائیہ کی عسکری صلاحیتوں کو تقویت دینے کے پاک فضائیہ کے عزم کا بھی اظہار کیا۔
لیفٹیننٹ جنرل وائز مین سیمو مبیمبو نے پاک فضائیہ کی جانب سے شاندار مہمان نوازی پر ائیر چیف کا تہہ دل سے شکریہ ادا کیا۔ انہوں نے پاک فضائیہ کی بھرپور آپریشنل تیاریوں، اسکی ملٹی ڈومین عسکری صلاحیتوں اور پاک فضائیہ کی جانب سے ایک بااعتماد ڈیٹرنس پوزیشن برقرار رکھنے پر اسکی تعریف کی۔ دونوں فضائی افواج کے مابین مشترکہ اقدار اور باہمی تعاون کی اہمیت کا اعتراف کرتے ہوئے، جنوبی افریقہ کی فضائیہ کے سربراہ نے دونوں ممالک کی فضائی افواج کے مابین رسمی تعلقات کو مزید مستحکم کرنے کی اپنی دیرینہ خواہش کا اظہار کیا۔ انہوں نے ہوا بازی سے متعلقہ شعبوں، بلخصوص آپریشنل امور، مینٹینینس اور تربیتی شعبے میں باہمی تعاون کے لیئے مل کر کام کرنے کی اپنی خواہش کا اظہار کیا۔
جنوبی افریقہ کی فضائیہ کے تربیتی نظام کو بہتر بنانے کا موضوع بھی گفتگو کا خاصہ رہا، اسی تناظر میں، لیفٹیننٹ جنرل وائز مین سیمو مبیمبو نے اکیڈمی کی سطح پر شروع ہونے والے ایک جدید اور جامع تربیتی فریم ورک کو تیار کرنے میں پاک فضائیہ سے معاونت طلب کی۔ انہوں نے عالمی معیار کے ہوابازوں اور فضائی جنگجوں سی تربیت کے لیئے پاک فضائیہ کی ثابت شدہ مہارت سے فائدہ اٹھانے کی اپنی بھرپور خواہش کا اظہار کیا۔ معزز مہمان نے پاک فضائیہ کی اہم آپریشنل مشقوں میں جنوبی افریقہ کی فضائیہ کے افسروں کی بطور سامعین شرکت میں بھی دلچسپی ظاہر کی۔ پاک فضائیہ کے انجینئرنگ انفراسٹرکچر کی تکنیکی مہارت اور کم لاگت سے کی جانے والی مینٹینینس صلاحیتوں کا اعتراف کرتے ہوئے، معزز مہمان نے جنوبی افریقہ کی فضائیہ کی جانب سے پاک فضائیہ کے سی130 بیڑے کے معائنے اور مینٹینینس کے طریقہ کار کا جائزہ لینے کی اپنی خواہش بھی ظاہر کی۔
اپنے دورے کے دوران، لیفٹیننٹ جنرل وائز مین سیمو مبیمبو کو نیشنل آئی ایس آر اینڈ انٹیگریٹڈ ایئر آپریشنز سینٹر اور پاک فضائیہ کی سائبر کمانڈ میں جامع بریفنگ بھی دی گئی، جہاں معزز مہمان نے جدید عسکری شعبہ جات میں پاک فضائیہ کی جانب سے حاصل کردہ جدید ترین تکنیکی صلاحیتوں کو سراہا۔جنوبی افریقہ کی فضائیہ کے سربراہ کا ائیر ہیڈ کوارٹرز اسلام آباد کا یہ دورہ دفاعی تعاون کو تقویت دینے، باہمی اعتماد اور آپریشنل معاونت پر مبنی موجودہ تزویراتی شراکت داری کو فروغ دینے کی دونوں ممالک کی دیرینہ خواہش کا منہ بولتا ثبوت ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرغزہ جنگ بندی معاہدے کیلئے ٹرمپ کی تجاویز کا جائزہ لے رہے ہیں: حماس غزہ جنگ بندی معاہدے کیلئے ٹرمپ کی تجاویز کا جائزہ لے رہے ہیں: حماس اگر کسی نے ریاست پر حملہ آور ہونے کی جرات کی تو جواب پہلے سے بھی سخت ہوگا، طلال چوہدری ایف آئی اے کی کارروائی، حوالہ ہنڈی اور غیرقانونی کرنسی ایکسچینج میں ملوث ملزم گرفتار محرم الحرام،مون سون ،چیئر مین سی ڈی اے کی مربوط کوارڈینیشن کی ہدایت میرے بیٹے عباس آفریدی کی موت حادثہ نہیں قتل ہے، سابق سینیٹر شمیم آفریدی پی ٹی آئی اجلاس؛ یہاں ہرکوئی کمپرومائزڈ ہے، کوئی کسی کے کہنے پر لگا ہوا ہے، علی امین گنڈاپورCopyright © 2025, All Rights Reserved
رابطہ کریں ہمارے بارے ہماری ٹیم
دھاندلی زدہ سابق حکومت چلنے دی نہ اس حکومت کو چلنے دیں گے، مولانا فضل الرحمان