اسٹاک ایکسچینج میں زبردست تیزی، انڈیکس میں 1,700 پوائنٹس کا اضافہ
اشاعت کی تاریخ: 19th, November 2025 GMT
پاکستان اسٹاک ایکسچینج میں مثبت رجحان واپس لوٹ آ یا، جہاں بدھ کوٹریڈنگ کے دوران انڈیکس میں تقریباً 1,700 پوائنٹس کا اضافہ ریکارڈ کیا گیا۔
دوپہر 12 بج کر 50 منٹ پر بینچ مارک کے ایس ای 100 انڈیکس 1,696.40 پوائنٹس یعنی 1.05 فیصد اضافے کے ساتھ 162,631.53 پر ٹریڈ کر رہا تھا۔
یہ بھی پڑھیں:اسٹاک ایکسچینج میں تیزی کا رجحان برقرار، انڈیکس میں 500 پوائنٹس کا اضافہ
کاروبار کے دوران آٹو موبائل اسمبلرز، سیمنٹ، کمرشل بینکس، فرٹیلائزر، آئل اینڈ گیس ایکسپلوریشن، آئل مارکیٹنگ کمپنی، پاور جنریشن اور ریفائنری سمیت اہم شعبوں میں خریداری کا رجحان دیکھا گیا۔
Market is up at midday ????
⏳ KSE 100 is positive by +1091.
— Investify Pakistan (@investifypk) November 19, 2025
اٹک ریفائنری لمیٹڈ، حب پاور کمپنی، ماری پیٹرولیم، آئل اینڈ گیس ڈیولپمنٹ کمپنی، پاکستان آئل فیلڈز، پاکستان پیٹرولیم لمیٹڈ، حبیب بینک لمیٹڈ، مسلم کمرشل بینک، میزان بینک اور یونائیٹڈ بینک لمیٹڈ کے شیئرز تمام مثبت زون میں ٹریڈ ہو رہے تھے۔
گزشتہ روز یعنی منگل کو پاکستان اسٹاک ایکسچینج شدید فروخت کے دباؤ کا شکار رہی اور مارکیٹ بھر میں مندی غالب رہی، کے ایس ای 100 انڈیکس 752.05 پوائنٹس گر کر 160,935.13 پر بند ہوا، جو 0.47 فیصد کمی کے برابر ہے۔
مزید پڑھیں: اسٹاک ایکسچینج میں سرمایہ کاروں کا اعتماد بحال، انڈیکس 160,000 کی سطح عبور کرگیا
عالمی سطح پر، بدھ کو ایشیائی مارکیٹیں دباؤ میں رہیں کیونکہ مصنوعی ذہانت سے متعلق کمپنیوں کی، خصوصاً چپ ساز کمپنی این ویڈیا کی مالیاتی رپورٹ سے قبل، قدر کے بارے میں خدشات نے سرمایہ کاروں کو محتاط کر دیا تھا۔
ٹیکنالوجی پر مبنی نیسڈیک انڈیکس گزشتہ روز 1.2 فیصد گر گیا، جو مسلسل دوسرے دن کی کمی تھی، قدر کے حوالے سے پیدا ہونے والے شبہات نے اسے اکتوبر کے آخر میں قائم کردہ ریکارڈ لیول سے 6 فیصد نیچے دھکیل دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل اینڈ گیس ڈیولپمنٹ کمپنی اٹک ریفائنری لمیٹڈ انڈیکس این ویڈیا پاکستان اسٹاک ایکسچینج پاکستان پیٹرولیم لمیٹڈ چپ ساز حب پاور کمپنی حبیب بینک لمیٹڈ رجحان شیئرز ماری پیٹرولیم مسلم کمرشل بینک مصنوعی ذہانت میزان بینک یونائیٹڈ بینک لمیٹڈ
ذریعہ
ذریعہ: WE News
کلیدی لفظ: انڈیکس این ویڈیا پاکستان اسٹاک ایکسچینج پاکستان پیٹرولیم لمیٹڈ چپ ساز حب پاور کمپنی حبیب بینک لمیٹڈ ماری پیٹرولیم مصنوعی ذہانت یونائیٹڈ بینک لمیٹڈ اسٹاک ایکسچینج میں
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ