بھارت کے روہت شرما کی ایک روزہ کرکٹ میں حاکمیت ختم، پاکستان کے ابرار احمد ٹاپ 10 میں شامل
اشاعت کی تاریخ: 19th, November 2025 GMT
بھارتی کپتان روہت شرما کی ون ڈے رینکنگ میں طویل حاکمیت ختم ہوگئی اور نیوزی لینڈ کے ڈیرل مچل آئی سی سی کی نئی ODI بیٹنگ رینکنگ میں دنیا کے نمبر ون بیٹر بن گئے ہیں۔ مچل نے یہ مقام ویسٹ انڈیز کے خلاف 7ویں سینچری بنانے کے بعد حاصل کیا تاہم انجری کے باعث وہ سیریز سے باہر ہو گئے تھے۔
یہ صرف دوسرا موقع ہے جب کسی کیوی بیٹر نے یہ مقام حاصل کیا ہو۔ اس سے قبل 1979 میں گلن ٹرنر نے ٹاپ پوزیشن سنبھالی تھی۔ نیوزی لینڈ کے کئی بڑے نام جن میں مارٹن کرو، کین ولیمسن اور روس ٹیلر شامل ہیں ٹاپ فائیو تک تو پہنچے لیکن کبھی نمبر ون نہیں بن سکے۔
مزید پڑھیں: جنوبی افریقہ کے خلاف بہترین کارکردگی پر ابرار احمد مین آف دی قرار
ٹیسٹ رینکنگ میں بڑی تبدیلیاںجنوبی افریقا کے کپتان ٹیمبا باوما پہلی بار ٹیسٹ بیٹنگ رینکنگ میں ٹاپ فائیو میں داخل ہوگئے ہیں۔ انہوں نے کولکتہ کی مشکل کنڈیشنز میں واحد نصف سینچری بنا کر ٹیم کو بھارت میں 15 سال بعد پہلی ٹیسٹ فتح دلانے میں اہم کردار ادا کیا۔
A fresh face atop the ICC Men’s ODI Batting Rankings ????https://t.
— ICC (@ICC) November 19, 2025
انگلینڈ کے جو روٹ ٹیسٹ بیٹنگ میں نمبر ون جبکہ ہیری بروک دوسرے نمبر پر موجود ہیں۔ بھارت کے زخمی اوپنر شبھمن گل ٹاپ 10 سے صرف ایک درجہ باہر ہیں۔
ٹیسٹ بولنگ میں جسپریت بمراہ بدستور نمبر ون ہیں، ان کے بعد میٹ ہنری اور نعمان علی موجود ہیں۔
پاکستان کے ابرار احمد ٹاپ 10 میںپاکستان کی سری لنکا کے خلاف 0-3 سے کلین سویپ جیت نے ایک اور بڑا فائدہ دیا ہے۔ لیگ اسپنر ابرار احمد 11 درجے ترقی پا کر نمبر 9 پر پہنچ گئے ہیں۔ ون ڈے بولنگ میں رشید خان پہلے، جوفرا آرچر دوسرے اور کشو مہاراج تیسرے نمبر پر ہیں۔
مزید پڑھیں: قومی کرکٹ ٹیم کے اسپنر ابرار احمد کا ولیمہ، محسن نقوی سمیت نامور کرکٹرز کی شرکت
ٹی20 رینکنگنیوزی لینڈ کے جیکب ڈفی، ویسٹ انڈیز کے خلاف 5 ٹی20 میچز میں سب سے زیادہ وکٹیں لینے پر 2 درجے ترقی کے ساتھ نمبر 2 پر آگئے ہیں۔ ان سے آگے ورون چکرورتی موجود ہیں جبکہ رشید خان تیسرے نمبر پر ہیں۔
نئی رینکنگ میں بھارت کے 4 کھلاڑی ٹاپ 10 میں موجود ہیں۔ روہت شرما نمبر 2، شبھمن گل نمبر 4، ویرات کوہلی نمبر 5، شریاس ایئر نمبر 8 جبکہ افغانستان کے ابراہیم زدران نمبر 3 پر موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابرار احمد بھارتی کپتان روہت شرما
ذریعہ
ذریعہ: WE News
کلیدی لفظ: بھارتی کپتان روہت شرما روہت شرما موجود ہیں کے خلاف
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار