پیپلزپارٹی نے ہمیشہ ملکی مفاد میں فیصلے کیے، اداروں کو مضبوط کیا: گورنر پنجاب
اشاعت کی تاریخ: 13th, November 2025 GMT
لاہور (نیوز رپورٹر) گورنر پنجاب سردار سلیم حیدر خان نے کہا کہ پیپلز پارٹی ملک کو سیاسی اور معاشی طور پر مستحکم اور مضبوط دیکھنا چاہتی ہے۔ پیپلز پارٹی نے ہمیشہ اداروں کو مضبوط کیا اور ملکی مفاد میں فیصلے کئے۔ مختلف سیاسی جماعتوں کے رہنمائوں اور ورکرز کا پیپلزپارٹی میں شمولیت اختیار کرنا پیپلزپارٹی کی مقبولیت کی دلیل ہے۔ یہ بات انہوں نے گورنر ہائوس لاہور میں پیپلز پارٹی کے رہنما عمران علی کھوکھر کی قیادت میں کالعدم مذہبی جماعت کے سابق ٹکٹ ہولڈر حاجی نواز گڈو اور دیگر سے ملاقات کے دوران کہی۔ ملاقات میں کالعدم مذہبی جماعت کے سابق ٹکٹ ہولڈرز حاجی نواز گڈو، ملک شہباز راجپوت، ملک ناصر راجپوت، ملک ارشاد راجپوت، ملک شہباز اور ملک ناصر نے ساتھیوں سمیت پیپلز پارٹی میں شمولیت کا اعلان کیا۔گورنر پنجاب نے پیپلز پارٹی میں شمولیت اختیار کرنے والوں کا خیر مقدم کیا اور ان کے گلے میں پارٹی کے مفلر پہنائے۔ گورنر پنجاب سردار سلیم حیدر خان نے کہا کہ کالعدم مذہبی جماعت سمیت مختلف سیاسی جماعتوں کے کارکنوں کا پیپلز پارٹی میں شمولیت اختیار کرنا اس بات کا واضح ثبوت ہے کہ آنے والا وقت پیپلز پارٹی کا ہوگا۔
.ذریعہ: Nawaiwaqt
کلیدی لفظ: پارٹی میں شمولیت گورنر پنجاب پیپلز پارٹی
پڑھیں:
پیپلز پارٹی کے سید خورشید شاہ ویل چئیر پر پارلیمنٹ پہنچے
اسلام آباد(نیوزڈیسک)پاکستان پیپلز پارٹی کے سیئنر رہنما ء خورشید شاہ کی اجلاس میں شرکت سے حکومت کے پاس 234 اراکین ہوگئے۔وزیر قانون اعظم نذیر تارڑ نے 27ویں آئینی ترمیم کی تحریک قومی اسمبلی میں پیش کردی، پاکستان پیپلز پارٹی کے سید خورشید شاہ ویل چئیر پر پارلیمنٹ پہنچے۔
جے یو آئی نے مخالفت میں ووٹ دیا، اپوزیشن ارکان نے قومی اسمبلی سے واک آؤٹ کیا۔
پیپلز پارٹی کے سید خورشید شاہ ویل چئیر پر پارلیمنٹ پہنچ، خورشید شاہ کی اجلاس میں شرکت سے حکومت کے پاس 234 اراکین ہوگئے۔
پاکستانی باکسر فاطمہ زہرا کی شاندار کامیابی، اسلامک گیمز میں پہلا میڈل یقینی بنالیا