عراقی وزیرِ اعظم شیاع السودانی کا اتحاد پارلیمانی انتخابات میں سرفہرست
اشاعت کی تاریخ: 13th, November 2025 GMT
عراق کے وزیرِ اعظم محمد شیاع السودانی کی قیادت میں قائم اتحاد نے عراق کے پارلیمانی انتخابات میں سب سے زیادہ ووٹ حاصل کیے ہیں۔
آزاد اعلیٰ انتخابی کمیشن کے مطابق السودانی کے اتحاد نے منگل کے انتخابات میں 13 لاکھ 17 ہزار ووٹ حاصل کیے۔
یہ بھی پڑھیں: عراق میں پارلیمانی انتخابات مکمل، عوامی بےچینی اور سیاسی جمود برقرار
اس سے قبل خبررساں ادارے رائٹرز نے انتخابی کمیشن کے 2 عہدیداروں کے حوالے سے رپورٹ کیا تھا کہ محمد شیاع السودانی کا اتحاد پہلے نمبر پر آیا ہے۔
#BREAKING: Iraqi Prime Minister Mohammed Shia al-Sudani says his Reconstruction and Development coalition came first in Tuesday’s parliamentary elections, securing over one million votes.
In a post on X, he writes that the result reflects their belief that ‘Iraq comes first,’… pic.twitter.com/K01ghoWTeC
— Zoom News (@zoomnewskrd) November 12, 2025
محمد شیاع السودانی منگل کے انتخابات میں اپنی دوسری مدتِ وزارتِ عظمیٰ کے حصول کے لیے میدان میں تھے۔
تاہم، بہت سے نوجوان ووٹرز جو سیاسی نظام سے مایوس ہیں، ان انتخابات کو صرف پرانی جماعتوں کے درمیان عراق کی تیل کی دولت کی تقسیم کا ذریعہ سمجھتے ہیں۔
مزید پڑھیں: کردستان ورکرز پارٹی کا اپنی فورسز ترکیہ سے شمالی عراق منتقل کرنے کا اعلان
دوسری جانب السودانی نے خود کو ایک ایسے رہنما کے طور پر پیش کیا جو برسوں کی عدم استحکام کے بعد عراق کو کامیابی کی راہ پر گامزن کر سکتا ہے۔
ان کا کہنا تھا کہ انہوں نے ان ہی جماعتوں کے خلاف اقدامات کیے جنہوں نے انہیں اقتدار تک پہنچایا تھا۔
عراق کی 329 رکنی پارلیمنٹ میں کوئی بھی جماعت تنہا حکومت نہیں بنا سکتی، اس لیے مختلف سیاسی جماعتوں کو حکومت تشکیل دینے کے لیے اتحاد بنانا پڑتا ہے، جو ایک طویل اور پیچیدہ عمل ہے اور اکثر کئی ماہ تک جاری رہتا ہے۔
مزید پڑھیں: پاکستان اور عراق کی فضائیہ کا مشترکہ مشقوں اور تربیتی اقدامات پر اتفاق
انتخابی کمیشن کے مطابق عراق کے پارلیمانی انتخابات میں کل ووٹر ٹرن آؤٹ 56.11 فیصد رہا۔
نتائج کے ابتدائی اعلان کے بعد اپنے ٹیلی وژن خطاب میں وزیرِ اعظم السودانی نے کہا کہ ووٹر ٹرن آؤٹ واضح ثبوت ہے کہ ہم نے ایک اور کامیابی حاصل کی ہے، جو سیاسی نظام پر عوام کے اعتماد کی بحالی کی عکاسی کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انتخابی کمیشن پارلیمانی انتخابات پارلیمنٹ تیل ٹرن آؤٹ دولت عراق محمد شیاع السودانی وزیر اعظم ووٹرذریعہ: WE News
کلیدی لفظ: پارلیمانی انتخابات پارلیمنٹ تیل دولت محمد شیاع السودانی ووٹر پارلیمانی انتخابات محمد شیاع السودانی انتخابات میں
پڑھیں:
بین الپارلیمانی سپیکرز کانفرنس میں شرکت کیلئے غیر ملکی وفود اسلام آباد پہنچ گئے
اسلام آباد(ڈیلی پاکستان آن لائن) بین الپارلیمانی سپیکرز کانفرنس میں شرکت کیلئے سعودی عرب، آذربائیجان، ازبکستان، کینیا، فلسطین، مراکش، روانڈا، مالدیپ، ملائیشیا اور فلپائن کے وفود اسلام آباد پہنچ گئے۔
نجی ٹی وی چینل دنیا نیوز کے مطابق چیئرمین سینیٹ سید یوسف رضا گیلانی کی قیادت میں بین الپارلیمانی سپیکرز کانفرنس بین الاقوامی پارلیمانی تعاون کا تاریخی سنگِ میل ہے، بین الپارلیمانی سپیکرز کانفرنس 11 تا 12 نومبر 2025ء اسلام آباد میں منعقد ہوگی، کانفرنس عالمی امن، ترقی اور بین الاقوامی پارلیمانی روابط کے فروغ میں اہم کردار ادا کرے گی۔
فخر ہے کہ اس ملک کو ایسے وزیراعظم ملے جو خود کو احتساب کیلئے پیش کرتے ہیں: ایمل ولی خان
سینیٹر ندیم احمد بھٹو، سینیٹر سرمد علی ودیگر سمیت سینئر افسران کی جانب سے غیر ملکی مہمانوں کا پرتپاک استقبال کیا گیا، سینیٹ آف پاکستان کے سینئر ڈائریکٹر جنرل طارق بن وحید نے متعدد وفود کا خیر مقدم کیا۔
سعودی عرب کے وفد کی قیادت نائب چیئرمین شوریٰ کونسل عبداللہ بن عدم فلاتعہ کر رہے ہیں، کینیا کے ڈپٹی سپیکر فراح مالم محمد اور فلسطینی سپیکر روحی احمد محمد فتوح کی قیادت میں وفود پاکستان پہنچے۔
آذربائیجان کے ڈپٹی سپیکر علی احمد یوف اور ازبکستان کے ڈپٹی چیئرمین صودق سیفووف کی سربراہی میں وفود شریک ہیں، مراکش کے سپیکر محمد ولد الرشید، روانڈا کے سینیٹ صدر فرانکیوس ژیویر اور مالدیپ کے سپیکر عبد الرحیم عبداللہ کے وفود بھی اسلام آباد پہنچ گئے۔
معروف ادبی شخصیت ڈاکٹر عارفہ سیدہ زہرا انتقال کر گئیں
ملائیشیا کے نائب صدر ایوانِ بالا نور جزلان بن محمد اور فلپائن کے پارلیمانی وفد بھی اسلام آباد پہنچ چکے ہیں۔
بارباڈوس کے سپیکر آرتھر یوجین ہولڈر اور سیربیا کے ڈپٹی سپیکر ایڈن ڈرلیک کی قیادت میں وفود کا پاکستان آمد پر پرجوش استقبال کیا گیا، الجیریا کے پارلیمانی وفد کی قیادت رکنِ پارلیمنٹ سعد اروس کر رہے ہیں۔
بین الپارلیمانی سپیکرز کانفرنس چیئرمین سینیٹ سید یوسف رضا گیلانی کی دوراندیش قیادت اور پارلیمانی سفارتکاری کا عملی مظہر ہے، اس سے مختلف ممالک کے پارلیمانی وفود کے درمیان باہمی تعلقات مزید مضبوط ہوں گے۔
وفاقی دارالحکومت کے بلدیاتی الیکشن جلد کروانے کی درخواست پر فیصلہ محفوظ
مزید :
اللہ پر یقین میری سب سے بڑی طاقت ہے، عثمان خواجہ