کراچی سے لاہور جانے والی شالیمار ایکسپریس ٹرین کو حادثہ، متعدد مسافر زخمی
اشاعت کی تاریخ: 21st, May 2025 GMT
لاہور:چک جھمرہ کے گاؤں چھوٹی گھرتل کے قریب کچے پھاٹک پر ٹریکٹر ٹرالی کے ڈرائیور کی غفلت کی وجہ سے شالیمار ایکسپریس ٹرین کو حادثہ پیش آیا جس کے باعث متعدد مسافر زخمی ہوگئے۔
شالیمار ٹرین کو حادثہ رات 2 بجے کے قریب پیش آیا، جس کے باعث شالیمار ایکسپریس کی متعدد بوگیاں پٹری سے اتر کر الٹ گئیں۔ حادثے کے باعث فیصل آباد آنے اور جانے والی ٹرینوں کو روک دیا گیا۔
عینی شاہدین کے مطابق ٹرین آنے سے کچھ دیر قبل ٹریکٹر ٹرالی ریلوے ٹریک میں پھنس گئی تاہم جب ٹریکٹر ٹرالی کے ڈرائیور نے دیکھا کہ ٹرین قریب آگئی ہے تو ڈرائیور نے فوراً ٹریکٹر کی پن نکالی اور ٹریکٹر کو ٹرالی سے الگ کر کے ٹریکٹر لے کر بھاگ گیا۔
عینی شاہدین کا کہنا ہے کہ ٹرین اینٹوں سے بھری ٹرالی سے ٹکرا کر ریلوے لائن سے تقریباً ایک کلومیٹر نیچے اتر گئی، جس کی وجہ سے ٹرین ڈرائیور اور اسسٹنٹ ڈرائیور زخمی ہوئے۔
ساہیانوالہ سے سالار وآلہ تک کا ریلوے ٹریک بھی ٹوٹ گیا ہے جس کی وجہ سے فیصل آباد سے لاہور اور وزیر آباد کے لیے تمام ریلوے ٹریفک مکمل طور پر بند کر دی گئی ہے۔
سی ای او ریلوے عامر بلوچ شالیمار ایکسپریس حادثے کے موقع پر موجود ہیں، ریلوے انتظامیہ کی جانب سے ٹریک کی بحالی کے لیے کوششیں جاری ہیں۔
Post Views: 5.ذریعہ: Daily Mumtaz
کلیدی لفظ: شالیمار ایکسپریس
پڑھیں:
کراچی میں تیز رفتار ٹرالر کی ٹکر سے موٹر سائیکل سوار جاں بحق، دوسرا زخمی
data-id="863a0a8" data-element_type="widget" data-widget_type="theme-post-content.default">
کراچی: لانڈھی کے علاقے اسپتال چورنگی کے قریب تیز رفتار ٹرالر نے موٹر سائیکل سواروں کو ٹکر مار دی، جس کے نتیجے میں 20 سالہ نوجوان کاشان موقع پر جاں بحق جب کہ اس کا دوست 19 سالہ جواد شدید زخمی ہوگیا۔
حادثے کے بعد علاقے میں خوف و ہراس پھیل گیا اور موقع پر جمع ہونے والے شہریوں نے غفلت برتنے والے ڈرائیور کے خلاف سخت کارروائی کا مطالبہ کیا۔
ریسکیو ذرائع کے مطابق جاں بحق نوجوان کی لاش اور زخمی کو فوری طور پر جناح اسپتال منتقل کیا گیا، جہاں زخمی کا علاج جاری ہے۔ پولیس نے موقع پر پہنچ کر کارروائی کرتے ہوئے ٹرالر کے ڈرائیور سلیمان خان کو گرفتار کرلیا اور گاڑی کو تحویل میں لے لیا ہے۔ پولیس حکام کا کہنا ہے کہ حادثے کے اسباب جاننے کے لیے مزید تفتیش جاری ہے۔
کراچی میں بھاری ٹریفک کے باعث پیش آنے والے حادثات معمول بن چکے ہیں۔ شہر کی مرکزی شاہراہوں پر تیز رفتار ٹریلرز، ڈمپرز اور واٹر ٹینکرز شہریوں کی جان کے لیے خطرہ بن چکے ہیں۔ ان گاڑیوں کے ڈرائیور اکثر لاپروائی سے ڈرائیونگ کرتے ہیں جب کہ ٹریفک پولیس اس معاملے میں بے بس نظر آتی ہے۔
یاد رہے کہ گزشتہ روز بھی گارڈن کے علاقے رامسوامی میں بھی ایک تیز رفتار ڈمپر کی ٹکر سے نوجوان اپنی جان گنوا بیٹھا تھا، جس کی حال ہی میں شادی ہوئی تھی۔
شہریوں کا کہنا ہے کہ کراچی میں بھاری گاڑیوں کی نقل و حرکت پر سخت پابندیاں صرف کاغذوں تک محدود ہیں، عملی طور پر کسی قانون پر عملدرآمد نہیں کیا جا رہا۔
کراچی، نادرن بائی پاس پر پلاسٹک کے گودام میں آگ لگ گئی