’کوئی سرجری نہیں کرائی، مجھے بخش دیں‘، علیزے شاہ برہم
اشاعت کی تاریخ: 22nd, May 2025 GMT
شوبز انڈسٹری کی معروف اداکارہ علیزے شاہ نے اپنی سرجری کروانے کے حوالے سے خاموشی توڑ دی۔
علیزے شاہ نے ایک ویڈیو شیئر کی ہے جس میں انہوں نے کسی بھی قسم کی سرجری کروانے کی واضح الفاظ میں تردید کی ہے۔
ادکارہ کا کہنا تھا کہ ’اللہ کا واسطہ ہے، نہیں کروائی میں نے کوئی سرجری، بخش دیں مجھے پلیز، کہاں سے لگتا ہے ہے سرجری کرائی ہے میں نے۔ میں نے صرف تھوڑا سا وزن کم کیا ہے‘۔
View this post on Instagram
A post shared by Galaxy Lollywood (@galaxylollywood)
ایک اور ویڈیو میں اداکارہ نے کہا کہ انہوں نے جب ڈرامہ سیریل عہد وفا میں کام کیا تھا تو اس وقت وہ صرف 17 سال کی تھیں، اور پروڈکشن ہاؤس میں سب لوگوں کو یہ بات پتا ہے کہ ڈرامے کے کانٹریکٹ پر میری امی نے دستخط کیے تھے کیوں کہ میرا شناختی کارڈ نہیں بنا ہوا تھا۔ انہوں نے مزید کہا کہ آپ لوگ مجھ سے کیوں یہ توقع کرتے ہیں کہ 6 سال کے طویل عرصے بعد بھی میں اسی طرح دکھائی دوں۔
واضح رہے کہ اداکارہ ڈراما سیریل عہد وفا سے شہرت کی بلندیوں پر پہنچیں اور اس کے بعد کئی ہٹ ڈراموں میں نظر آئیں۔ آج کل وہ سوشل میڈیا پر اپنی بولڈ تصاویر کی وجہ سے وائرل ہیں جس پر انہیں صارفین کی جانب سے شدید تنقید کا سامنا ہے اس کے علاوہ ان پر پلاسٹک سرجری کرانے کا الزام بھی لگایا جاتاہے۔
حال ہی میں معروف اداکارہ صبا فیصل سے سوال کیا گیا کہ میں کچھ اداکاراؤں کے نام لوں گی آپ کو یہ بتانا ہے کہ ان کی خوبصورتی کتنے فیصد قدرتی ہے۔
یہ بھی پڑھیں: ماڈل علیزے شاہ کا سوشل میڈیا سے تعلق ختم کرنے کا فیصلہ، آخری پوسٹ میں کیا کہا؟
اس پر صبا فیصل نے جہاں ماہرہ خان، عائزہ خان، اقرا عزیز اور درِ فشاں کو 100 فیصد قدرتی خوبصورت قرار دیا وہیں ہانیہ عامر کو 70 فیصد، ریما اور مہوش حیات کو 60 فیصد، علیزے کو 20 فیصد، متھیرا کو 11 فیصد جبکہ خود کو 10 فیصد قدرتی خوبصورت قرار دیا۔
اس کے علاوہ کچھ عرصے قبل ادکارہ نازش جہانگیر نے ایک پوڈ کاسٹ میں کہا تھا علیزے پہلے بہت پیاری تھیں، وہ بالکل گڑیا جیسی دکھتی تھیں لیکن پھر انہوں نے کاسمیٹک سرجری کروالی اور اپنے چہرے کو بگاڑ لیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامے صبا فیصل علیزے شاہ علیزے شاہ سرجری عہد وفا.
ذریعہ
ذریعہ: WE News
کلیدی لفظ: پاکستانی ڈرامے صبا فیصل علیزے شاہ علیزے شاہ سرجری عہد وفا علیزے شاہ انہوں نے
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار