چین نے خضدار میں سکول بم دھماکے کی شدید الفاظ میں مذمت کردی
اشاعت کی تاریخ: 22nd, May 2025 GMT
بیجنگ(ڈیلی پاکستان آن لائن)چین نے خضدار میں سکول بم دھماکے کی شدید الفاظ میں مذمت کی ہے۔خضدار بم دھماکے پر ترجمان چینی دفتر خارجہ نے ردعمل دیتے ہوئے کہا بلوچستان میں سکول بس پر حملے کا نوٹس لیا ہےہم متاثرین کے لیے گہرے افسوس کا اظہار کرتےہیں،جاں بحق افراد کے لواحقین اور زخمیوں سے دلی ہمدردی ہے۔چینی ترجمان نےکہا کہ بیجنگ ہر قسم کی دہشت گردی کی سختی سے مخالفت کرتا ہے،دہشت گردی کے خلاف پاکستان کی کوششوں کی بھرپور حمایت جاری رکھے گا۔
مزید :.ذریعہ: Daily Pakistan
پڑھیں:
فرانس: دہشت گردی کا الزام، افغان شہری گرفتار
data-id="863a0a8" data-element_type="widget" data-widget_type="theme-post-content.default">
فرانس میں سیکیورٹی اداروں نے 20 سالہ افغان شہری کو گرفتار کر لیا جس کا تعلق داعش خراسان سے ہے۔
عالمی خبر ایجنسی کے مطابق فرانسیسی انسداد دہشت گردی پراسیکیوشن (PNAT) نے ملزم پر دہشت گرد تنظیم میں شمولیت اور دہشت گردی کی مالی معاونت کے الزامات عائد کیے ہیں۔
اسے گزشتہ ہفتے شہر لیون سے گرفتار کیا گیا اور بعد ازاں ریمانڈ پر جیل بھیج دیا گیا۔
تحقیقات کے مطابق ملزم جہادی نظریات کا حامی ہے اور داعش خراسان سے رابطے میں تھا۔
وہ تنظیم کی مالی امداد کے علاوہ اس کی پروپیگنڈا ویڈیوز کا ترجمہ اور سوشل میڈیا پر تشہیر میں بھی ملوث تھا۔
فرانسیسی اخبار لی پاریزین کی رپورٹ کے مطابق ملزم کئی سال قبل افغانستان سے فرانس آیا تھا اور گرفتاری کے وقت لیون کے ایک حراستی مرکز میں موجود تھا۔
رپورٹ میں بتایا گیا کہ وہ ٹک ٹاک اور اسنیپ چیٹ پر شدت پسندانہ مواد پھیلا رہا تھا اور ماضی میں دہشت گردی کی تعریف کرنے کے الزام میں پہلے سے زیرِ تفتیش تھا۔
یاد رہے کہ داعش خراسان افغانستان، پاکستان اور وسطی ایشیا کے کچھ ممالک میں سرگرم ہے اور مارچ 2024 میں ماسکو کے ایک کنسرٹ ہال پر حملے سمیت کئی خونریز کارروائیوں کی ذمہ داری قبول کر چکی ہے۔
پاکستان اور میٹا کا ڈیجیٹل تعاون بڑھانے پر اتفاق