بحیرہ عرب میں بننے والا طوفان ڈپریشن میں تبدیل،بھارت سےٹکرانے کو تیار
اشاعت کی تاریخ: 24th, May 2025 GMT
اسلام آباد(نیوز ڈیسک) محکمہ موسمیات کے مطابق بحیرہ عرب میں بننے والا کم دباؤ کا نظام اب شدت اختیار کرتے ہوئے ڈپریشن میں تبدیل ہو چکا ہے۔
تفصیلات کے مطابق محکمہ موسمیات کا کہنا ہے کہ یہ ڈپریشن 17.1 ڈگری شمالی اور 73.0 ڈگری مشرقی طول بلد پر موجود ہے، جو کراچی سے تقریباً 1058 کلومیٹر جنوب مشرق کی جانب واقع ہے۔
ادارے نے بتایا کہ یہ موسمی سسٹم مشرق کی جانب بڑھ رہا ہے اور اندازہ ہے کہ یہ بھارتی ریاست مہاراشٹرا کے ساحلی علاقے کونکن سے آج دوپہر کے وقت ٹکرا سکتا ہے۔
محکمہ موسمیات نے اس بات کی تصدیق کی ہے کہ فی الوقت پاکستان کے کسی بھی ساحلی علاقے کو اس سسٹم سے کوئی خطرہ نہیں ہے۔
ماہرین نے واضح کیا ہے کہ موسم کی صورتحال پر مسلسل نگرانی کی جا رہی ہے۔
محکمہ موسمیات نے یقین دہانی کرائی ہے کہ اگر کسی بھی قسم کی تبدیلی رونما ہوتی ہے تو عوام کو فوری طور پر آگاہ کیا جائے گا۔
عوام سے اپیل کی گئی ہے کہ غیر مصدقہ خبروں سے گریز کریں اور موسمی اطلاعات کے لیے صرف محکمہ موسمیات کے سرکاری ذرائع پر انحصار کریں۔
مزیدپڑھیں:فیلڈ مارشل کی جانب سے عشائیہ، صدر اور وزیراعظم سمیت سیاسی وعسکری قیادت کی شرکت
ذریعہ: Daily Ausaf
کلیدی لفظ: محکمہ موسمیات
پڑھیں:
پنجاب میں موسلا دھار بارش سے گرمی کا زور ٹوٹ گیا، کراچی میں ہلکی بوندا باندی کا امکان
data-id="863a0a8" data-element_type="widget" data-widget_type="theme-post-content.default">
لاہور سمیت پنجاب کے متعدد شہروں میں علی الصبح ہونے والی موسلا دھار بارش نے گرمی کا زور توڑ دیا اور فضاء کو خوشگوار بنا دیا، بارش کے باعث درخت اور سڑکیں دھل گئیں جبکہ شہریوں نے موسم کے بدلتے رنگ کا بھرپور لطف اٹھایا۔
محکمہ موسمیات کے مطابق آئندہ 2 سے 5 گھنٹوں کے دوران نئے موسمی سسٹمز کی تشکیل متوقع ہے، جس کے نتیجے میں صوبے کے مختلف حصوں میں مزید بارشوں کا امکان ہے۔
محکمہ موسمیات نے پیش گوئی کی ہے کہ لاہور سمیت جھنگ، ٹوبہ ٹیک سنگھ، فیصل آباد، پاکپتن، اوکاڑہ، قصور، ننکانہ صاحب، خانیوال، ڈیرہ غازی خان اور گردونواح میں گرج چمک کے ساتھ بارش اور تیز ہوائیں چلنے کی توقع ہے۔
موسمی ماہرین کے مطابق آج کم سے کم درجہ حرارت 26 ڈگری سینٹی گریڈ جبکہ زیادہ سے زیادہ 31 ڈگری سینٹی گریڈ رہنے کا امکان ہے۔
دوسری جانب محکمہ موسمیات کے مطابق شہر قائد میں کہیں کہیں بوندا باندی اور ہلکی بارش کا سلسلہ جاری رہنے کا امکان ہے، جس سے موسم مزید خوشگوار ہو جائے گا۔
محکمہ موسمیات کا کہنا ہے کہ آج شہر کا زیادہ سے زیادہ درجہ حرارت 33 سے 35 ڈگری سینٹی گریڈ کے درمیان رہنے کی توقع ہے، جبکہ ہوا میں نمی کا تناسب 79 فیصد ریکارڈ کیا گیا ہے، جس کے باعث قدرے حبس کا احساس بھی برقرار ہے۔
ادارے کے مطابق سمندری ہوائیں 15 کلو میٹر فی گھنٹہ کی رفتار سے شہر کی فضاء کو مرطوب رکھے ہوئے ہیں۔ گزشتہ 24 گھنٹوں کے دوران کراچی میں کم سے کم درجہ حرارت 29 ڈگری سینٹی گریڈ ریکارڈ کیا گیا۔
ایشین گیمز میں پاکستان کو پہلا میڈل دلوانے والے دین محمد پہلوان طویل انتقال کرگئے