پاکستان بنگلہ دیش ٹی ٹوینٹی سیریز: بنگلہ دیش کا 10 رُکنی گروپ پاکستان پہنچ گیا
اشاعت کی تاریخ: 25th, May 2025 GMT
پاکستان اور بنگلہ دیش کے مابین ہونے والی ٹی ٹوینٹی سیریز کے لیے پہلے مرحلے میں بنگلہ دیش کا 10 رُکنی گروپ پاکستان پہنچ گیا ہے۔
پاکستان پہنچنے والے اس گروپ میں کھلاڑی اور سپورٹ اسٹاف شامل ہیں۔
یہ بھی پڑھیے: بنگلہ دیش کے خلاف ٹی20 سیریز کے لیے پاکستانی اسکواڈ کا اعلان، بابر، رضوان اور شاہین ڈراپ
اس گروپ میں حسن محمود، محمد تنویر الاسلام، پرویز حسین، تنظیم حسن اور ساقب جیسے کھلاڑی شامل ہیں جبکہ دیگر کھلاڑی کل لاہور پہنچیں گے۔
پاکستان اور بنگلہ دیش کے درمیان ٹی ٹوینٹی میچز کی سیریز 28 مئی سے یکم جون تک لاہور میں کھیلی جائے گی۔
اس سے قبل پاکستان نے سیریز کے لیے اپنے اسکواڈ کا اعلان کردیا تھا۔
اسکواڈ کا انتخاب ایچ بی ایل پی ایس ایل 10 میں کھلاڑیوں کی کارکردگی کی بنیاد پر کیا گیا ہے۔ یہ سیریز نئے ہیڈ کوچ مائیک ہیسن کے لیے بطور کوچ پہلا انٹرنیشنل اسائنمنٹ بھی ہوگی۔
مزید پڑھیں: پاک بنگلہ دیش سیریز: دونوں ملکوں کے بورڈز کا ون ڈے میچز سے متعلق بڑا فیصلہ
پاکستان کا 16 رکنی اسکواڈ:سلمان علی آغا (کپتان)
شاداب خان (نائب کپتان)
ابرار احمد
فہیم اشرف
فخر زمان
حارث رؤف
حسن علی
حسن نواز
حسین طلعت
خوشدل شاہ
محمد حارث (وکٹ کیپر)
محمد وسیم جونیئر
محمد عرفان خان
نسیم شاہ
صاحبزادہ فرحان (وکٹ کیپر)
صائم ایوب
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: بنگلہ دیش
پڑھیں:
بنگلہ دیش میں رمضان سے قبل انتخابات متوقع، چیف ایڈوائزر کی دسمبر تک تیاریاں مکمل کرنے کی ہدایت
بنگلہ دیش کی عبوری حکومت کے چیف ایڈوائزر محمد یونس نے آئندہ عام انتخابات کے سلسلے میں تمام تیاریاں دسمبر تک مکمل کرنے کی ہدایت دیتے ہوئے عندیہ دیا ہے کہ انتخابات آئندہ رمضان سے قبل منعقد کیے جا سکتے ہیں۔
چیف ایڈوائزر کے پریس سیکریٹری شفیق الاسلام نے میڈیا بریفنگ میں یہ معلومات فراہم کیں۔ انہوں نے کہاکہ آج قریباً 2 گھنٹے طویل اجلاس میں انتخابی تیاریوں سے متعلق امور پر غور کیا گیا، اور چیف ایڈوائزر نے کئی اہم ہدایات جاری کیں۔
یہ بھی پڑھیں: بنگلہ دیش: دسمبر میں الیکشن کا مطالبہ کرنے والی ’بی این پی‘ کے زیراہتمام ریلی کا انعقاد
شفیق الاسلام کے مطابق پہلی ہدایت امن و امان سے متعلق تھی، جس میں کہا گیا کہ تمام سیکیورٹی سے وابستہ تیاریاں دسمبر سے قبل مکمل ہونی چاہییں۔
انہوں نے بتایا کہ محمد یونس نے پولیس، بارڈر گارڈ بنگلہ دیش (بی جی بی) اور کوسٹ گارڈ سمیت قانون نافذ کرنے والے اداروں میں 17 ہزار نئے اہلکاروں کی بھرتی اور تربیت کا عمل انتخابات سے پہلے مکمل کرنے کا حکم دیا ہے۔ اور آئندہ مہینوں میں قانون کے سخت نفاذ پر بھی زور دیا۔
شفیق الاسلام کے مطابق اجلاس سے خطاب کرتے ہوئے چیف ایڈوائزر محمد یونس نے کہاکہ اگر انتخابی عملے کی کمی ہو تو فوراً بھرتی کا آغاز کریں اور ان کی مناسب تربیت یقینی بنائی جائے۔ اور یہ تمام انتظامات دسمبر سے قبل مکمل ہونے چاہییں۔
محمد یونس نے کہاکہ ماضی میں ہونے والے انتخابات اکثر محض دکھاوے کے لیے ہوتے تھے، لہٰذا اس بار ایک اصل انتخاب منعقد کرنے کے لیے بہتر تربیت اور مکمل تیاری کی ضرورت ہے۔ واضح ذمہ داریاں تفویض کی جائیں اور اگر ضرورت ہو تو فرضی انتخابات (ماک پولنگ) بھی منعقد کی جائیں۔
محمد یونس نے ووٹرز کو انتخابی عمل سے آگاہ کرنے کے لیے ویڈیو مواد تیار کرنے کی ہدایت دی۔ اور کہاکہ یہ مواد ٹیلی وژن اور سوشل میڈیا پر نشر کیا جائے اور ایمرجنسی رابطہ نمبرز کو عام کیا جائے تاکہ ووٹرز بوقتِ ضرورت براہِ راست کنٹرول روم سے رابطہ کرسکیں۔
چیف ایڈوائزر نے خواتین ووٹرز کے حقِ رائے دہی کے تحفظ پر خصوصی زور دیا۔ انہوں نے کہاکہ آدھے ووٹرز خواتین ہیں، کسی کو بھی ان کے ووٹ ڈالنے کے حق سے محروم نہیں کرنا چاہیے۔ انہوں نے خواتین اہلکاروں اور عملے کی مناسب تعیناتی کو یقینی بنانے کی ہدایت بھی دی۔
یہ بھی پڑھیں: بنگلہ دیش میں اگلے سال عام انتخابات کروادیں گے، محمد یونس کی مارکو روبیو سے ٹیلی فونک گفتگو
نئے ووٹرز کے لیے خصوصی انتظامات کی ہدایت دیتے ہوئے محمد یونس نے کہاکہ لوگوں نے گزشتہ 16 سال میں کوئی مناسب انتخاب نہیں دیکھا۔ ان کی یادوں میں صرف تشدد اور دھاندلی ہے۔ اس بار ووٹرز کا تجربہ مثبت ہونا چاہیے۔ ایسا تجربہ جو فخر اور دیرپا یاد بن جائے، خاص طور پر ان کے لیے جو پہلی بار ووٹ ڈالیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعلیٰ سطح اجلاس بنگلہ دیش تیاریاں چیف ایڈوائزر عام انتخابات محمد یونس مناسب تربیت وی نیوز
پائیدار ترقی کو لاحق خطرات سے نمٹنے کے عزائم کے ساتھ سیویل کانفرنس کا اختتام