وزیرِاعظم کی ترک صدر سے ملاقات، برادرانہ تعلقات میں نئی جہت
اشاعت کی تاریخ: 26th, May 2025 GMT
وزیرِاعظم شہباز شریف کی ترک صدر رجب طیب اردوان سے ملاقات کی جس میں پاکستان اور ترکیہ کے برادرانہ تعلقات میں نئی جہت کا بھرپور اعادہ کیا۔
چیف آف آرمی اسٹاف فیلڈ مارشل سید عاصم منیر بھی وزیرِاعظم شہباز شریف کے ہمراہ اس ملاقات میں شریک تھے۔
پاکستانی وفد میں نائب وزیرِاعظم محمد اسحاق ڈار، وفاقی وزیرِ اطلاعات و نشریات عطااللّٰہ تارڑ، وزیراعظم کے معاون خصوصی سید طارق فاطمی اور پاکستان کے سفیر برائے ترکی ڈاکٹر یوسف جُنید بھی شامل تھے۔
صدرِ ترکیہ رجب طیب ایردوان نے وزیرِاعظم شہباز شریف اور اُن کے ہمراہ آئے ہوئے وفد کے اعزاز میں ایک پُرتکلف عشائیے کا بھی اہتمام کیا۔
اس موقع پر انہوں نے جنوبی ایشیا کی حالیہ پیش رفت کے تناظر میں پاکستان کے مؤقف کی غیر متزلزل حمایت پر ترک حکومت اور عوام کا دل کی گہرائیوں سے شکریہ ادا کیا۔
انہوں نے ترکیہ کی اصولی پالیسی اور ترک عوام کی طرف سے پاکستان کے ساتھ اظہارِ یکجہتی کو ایک عظیم حوصلہ افزائی اور مضبوطی کا ذریعہ قرار دیا۔
وزیرِاعظم نے ’’معرکۂ حق‘‘ اور ’’آپریشن بنیان مرصوص‘‘ میں مسلح افواجِ پاکستان کے عزم، قربانی اور قوم کی بے مثال حب الوطنی کو بھرپور انداز میں خراجِ تحسین پیش کرتے ہوئے کہا کہ اس قومی جذبے نے وطنِ عزیز کے دفاع میں شاندار کامیابی کو یقینی بنایا۔
معاشی اشتراک اور سرمایہ کاری کے فروغ پر زور دیتے ہوئے وزیرِاعظم نے کہا کہ دونوں ممالک مشترکہ منصوبہ جات کے ذریعے قابلِ قدر پیش رفت کر سکتے ہیں، خاص طور پر قابلِ تجدید توانائی، انفارمیشن ٹیکنالوجی، دفاعی پیداوار، انفراسٹرکچر کی ترقی اور زراعت جیسے شعبے باہمی تعاون کے وسیع امکانات سے بھرپور ہیں۔
دونوں رہنماؤں نے دوطرفہ تعلقات کے تمام پہلوؤں کا جامع جائزہ لیا اور اس عزم کا اعادہ کیا کہ پاکستان اور ترکیہ کے اسٹریٹجک شراکت داری کو نئی بلندیوں تک پہنچایا جائے گا۔
انہوں نے 13 فروری 2025 کو اسلام آباد میں منعقد ہونے والے ساتویں اعلیٰ سطحی تزویراتی تعاون کونسل (HLSCC) کے اجلاس میں طے پانے والے فیصلوں پر عمل درآمد کا بھی جائزہ لیا اور سالانہ پانچ ارب ڈالر کی دوطرفہ تجارت کے ہدف کو جلد از جلد حاصل کرنے پر اتفاق کیا۔
علاقائی اور عالمی امور پر گفتگو کے دوران وزیرِاعظم شہباز شریف اور صدر اردوان نے ایک دوسرے کے بنیادی قومی مفادات کی غیر مشروط حمایت کا اعادہ کیا، بالخصوص جموں و کشمیر کے دیرینہ مسئلے پر ترکیہ کے اصولی مؤقف پر پاکستان نے بھرپور شکریہ ادا کیا۔
دونوں رہنماؤں نے غزہ میں جاری سنگین انسانی بحران پر گہری تشویش کا اظہار کرتے ہوئے فوری جنگ بندی اور فلسطینی عوام تک بلاروک ٹوک انسانی امداد کی فراہمی کا مطالبہ کیا۔
ملاقات کا اختتام اس پختہ عزم کے ساتھ ہوا کہ پاکستان اور ترکیہ کے مابین ہمہ جہتی تعاون کو مزید وسعت دی جائے گی اور دونوں ممالک علاقائی امن، پائیدار ترقی اور اپنی اقوام کی مشترکہ خوشحالی کے لیے قریبی اشتراک عمل جاری رکھیں گے۔
.ذریعہ: Jang News
کلیدی لفظ: وزیر اعظم شہباز شریف پاکستان کے ترکیہ کے اور ترک
پڑھیں:
ٹیکس اصلاحات کے مثبت نتائج آ رہے ہیں، کرپشن کے خاتمے میں مصروف: شہباز شریف، نوازشریف سے ملاقات
اسلام آباد‘ لاہور (اپنے سٹاف رپورٹر سے‘ نوائے وقت رپورٹ) وزیرِ اعظم محمد شہباز شریف نے مالی سال 2025ء میں 59 لاکھ ریکارڈ ٹیکس گوشوارے جمع ہونے پر ایف بی آر حکام کی کارکردگی کی تعریف اور ذمہ داری کا ثبوت دینے پر عوام کا شکریہ ادا کرتے ہوئے کہا ہے کہ 9 لاکھ نئے ٹیکس فائلرز کا ٹیکس نیٹ میں آنا حکومت کی پالیسیوں پر عوام کے اعتماد کا عکاس ہے۔ ہفتے کو وزیراعظم آفس کے میڈیا ونگ سے جاری بیان کے مطابق وزیراعظم نے کہا کہ اللہ کے فضل و کرم سے ٹیکس نظام کی اصلاحات سے مثبت نتائج سامنے آ رہے ہیں، ایف بی آر میں میرٹ کی بالادستی کو اولین ترجیح دی ہے۔ قابل اور محنتی افسران کی حوصلہ افزائی اور ناقص کارکردگی کی حوصلہ شکنی کے نظام سے ایف بی آر میں پرفارمنس کلچر متعارف کرایا گیا۔ وزیرِ اعظم نے کہا کہ ایف بی آر کی ڈیجیٹائزیشن کی نگرانی بذات خود ہر اجلاس کی ہفتہ وار صدارت میں کی، ٹیکس گوشواروں کو آسان اور سہل بنایا گیا، بندرگاہوں پر خود کار کلیئرنس کے نظام سے کرپشن کے خاتمے اور پرفارمنس کی بہتری کو یقینی بنایا گیا۔ وزیرِ اعظم نے کہا کہ غیر رسمی معیشت کے خاتمے کیلئے پوائنٹ آف سیل کی تعداد میں اضافے سے سیلز ٹیکس کی چوری کو روکا گیا، ٹیکس آمدن میں گزشتہ برس کی نسبت 9 ارب کا اضافہ حکومت کی ایف بی آر اصلاحات کا منہ بولتا ثبوت ہے۔ وزیرِ اعظم نے کہا کہ ایف بی آر کے نظام کی مزید اصلاحات کا سلسلہ تسلسل سے جاری ہے، کرپشن اور غیر رسمی معیشت کے مکمل خاتمے کیلئے دن رات مصروف عمل ہیں۔ وزیر اعظم شہبازشریف نے گلگت بلتستان کے عوام اور پوری قوم کو گلگت بلتستان کے یومِ آزادی کے پرمسرت موقع پر دلی مبارکباد پیش کی ہے۔ وزیر اعظم شہبازشریف نے کہا کہ یکم نومبر 1947 کو گلگت بلتستان کے بہادر عوام نے جرات، اتحاد اور حب الوطنی کا مظاہرہ کرتے ہوئے ڈوگرہ راج سے آزادی حاصل کی اور پاکستان کے ساتھ الحاق کا تاریخی فیصلہ کیا۔ یہ دن اس عظیم قربانی، عزم اور وطن سے محبت کی یاد دلاتا ہے جس نے خطے کی تاریخ بدل دی۔ گلگت بلتستان کے عوام کو ترقی کے تمام مواقع فراہم کیے جائیں گے تاکہ وہ قومی دھارے میں بھرپور کردار ادا کر سکیں۔ آج کا دن ہمیں اس عہد کی تجدید کا پیغام دیتا ہے کہ ہم اپنی آزادی، اتحاد اور ترقی کے سفر کو نئی توانائی اور جذبے کے ساتھ جاری رکھیں گے۔ وزیراعظم نے دعا کی کہ اللہ تعالی گلگت بلتستان اور پاکستان کو امن، ترقی اور خوشحالی سے نوازے۔ وزیراعظم شہباز شریف نے جاتی امرا میں قائد مسلم لیگ ن نواز شریف سے ملاقات کی جس میں ملکی سیاسی‘ معاشی صورتحال اور دیگر اہم امور پر تبادلہ خیال کیا گیا۔ شہباز شریف اور نواز شریف نے پارٹی امور اور حکومتی پالیسیوں پر مشاورت کی۔ وزیراعظم شہباز شریف نے نواز شریف کو حکومتی اقدامات پر بریفنگ دی۔ نواز شریف نے قومی معاملات پر وزیراعظم کو رہنمائی فراہم کی۔
سوئی ناردرن کی گیس نرخوں میں 189 روپے اضافے کی درخواست