چین کا پاکستان سے غیر متزلزل اتحاد، بھارت کے خلاف عسکری کشیدگی پر واضح پیغام
اشاعت کی تاریخ: 26th, May 2025 GMT
پاکستان کی خودمختاری پر کوئی سمجھوتہ نہیں، حالیہ پاک بھارت عسکری جھڑپوں کے بعد چین نے پاکستان کے ساتھ اپنے غیر متزلزل اتحاد کا بھرپور اعادہ کرتے ہوئے اسے آہنی دوست قرار دیا اور اس کی خودمختاری و علاقائی سالمیت کی مکمل حمایت کا اعلان کیا ہے۔بیجنگ نے عالمی طاقتوں کو خبردار کرتے ہوئے دوٹوک پیغام دیا کہ چین سے نہ الجھیں۔چین اور پاکستان کے درمیان عسکری اشتراکِ عمل، بالخصوص جدید چینی دفاعی ٹیکنالوجی کے استعمال نے عالمی طاقتوں کو حیران کر دیا ہے۔مقامی انگریزی اخبار کی ایک رپورٹ کے مطابق چینی خارجہ پالیسی کے ممتاز ماہر اور سینٹر فار چائنا اینڈ گلوبلائزیشن کے نائب صدر وِکٹر ژیکائی گائو نے اس جھڑپ کو چین پاکستان دفاعی تعاون کی گہرائی کا ثبوت قرار دیا اور کہا کہ یہ واقعہ چین کی عالمی سطح پر ابھرتی عسکری برتری کی عکاسی کرتا ہے۔ انہوں نے انکشاف کیا کہ پاکستان ایئر فورس نے اس کارروائی میں جو ہتھیار استعمال کیے، وہ بڑی حد تک چین میں تیار شدہ یا چین اور پاکستان کے اشتراک سے بنائے گئے تھے، جو دونوں ممالک کے درمیان آپریشنل اتحاد کی نئی بلندیوں کو ظاہر کرتا ہے۔وکٹر گائو نے چین کے تیار کردہ جے-10 سی طیاروں کی کارکردگی کو سراہتے ہوئے کہا کہ یہ جنگی جہاز یورپی اور روسی طیاروں سے کہیں بہتر ثابت ہوئے۔ ان کے بقول یہ صرف ایک تکنیکی کامیابی نہیں بلکہ عالمی طاقتوں خصوصا امریکہ اور اس کے اتحادیوں ے لیے ایک واضح تذکیر ہے کہ اب چین کی عسکری صلاحیت دنیا کی بہترین طاقتوں میں شامل ہو چکی ہے۔انہوں نے خبردار کیا کہ چین کے خلاف کسی بھی قسم کی اشتعال انگیزی یا مداخلت کے سنگین نتائج برآمد ہوں گے۔وِکٹر گا نے زور دے کر کہا کہ چین پاکستان تعلقات اب صرف نظریاتی یا سفارتی حد تک محدود نہیں رہے بلکہ ایک مکمل عملی عسکری اتحاد میں تبدیل ہو چکے ہیں۔ ان کا کہنا تھا کہ چین کبھی بھی کسی ملک کو پاکستان کی سرحدوں یا خودمختاری کی خلاف ورزی کی اجازت نہیں دے گا۔انہوں نے کہا کہ یہ شراکت داری نہ صرف جنوبی ایشیا میں طاقت کا توازن قائم رکھے گی بلکہ خطے میں امن و استحکام کی ضمانت بھی بنے گی۔عالمی سطح پر وِکٹر گائو نے امریکی قیادت میں قائم کواڈ اتحاد اور صدر بائیڈن کی سرد جنگ جیسی پالیسیوں کو شدید تنقید کا نشانہ بناتے ہوئے کہا کہ یہ پالیسیاں دنیا میں پراکسی جنگوں اور عدم استحکام کو ہوا دیتی ہیں۔ انہوں نے موجودہ امریکی صدر ڈونلڈ ٹرمپ کی دوطرفہ اور نسبتا غیر مداخلتی حکمتِ عملی کو کم نقصان دہ قرار دیا۔وِکٹر گائو نے غزہ میں اسرائیلی حملوں پر امریکہ کی خاموشی اور شراکت داری کو بھی کڑی تنقید کا نشانہ بناتے ہوئے کہا کہ یہ انسانیت پر ایک شرمناک داغ ہے۔ انہوں نے امریکہ پر زور دیا کہ وہ انصاف، امن اور رحم دلی کی پالیسی اپنائے، نہ کہ دنیا بھر میں جنگ و جدل کو فروغ دے۔اپنے بیان کے اختتام پر وکٹر گا نے کہا کہ یہ پورا واقعہ اس بات کا ثبوت ہے کہ چین اب صرف ایک علاقائی طاقت نہیں بلکہ ایک ابھرتی ہوئی عالمی قوت ہے۔ اس کی پاکستان کے ساتھ شراکت داری محض علامتی نہیں بلکہ ایک مضبوط حکمتِ عملی ہے جو کسی بھی بیرونی دبا سے مرعوب نہیں ہوگی۔انہوں نے کہا کہ ہماری ٹیکنالوجی جنگ میں آزمودہ ہے، ہمارے اتحاد پائیدار ہیں، اور اشتعال انگیزی کے لیے ہماری برداشت محدود ہے۔
.ذریعہ: Nawaiwaqt
پڑھیں:
بھارت پاکستان سے ہونے والی شرمناک شکست کو آج تک ہضم نہیں کر پایا، وزیر اطلاعات عطااللہ تارڑ
وفاقی وزیر اطلاعات و نشریات عطااللہ تارڑ نے کہا ہے کہ بھارت اب بھی پاکستان کے خلاف سازشوں میں مصروف ہے، ہماری کوسٹ گارڈ فورس نے ایک ایسے ملاح کو گرفتار کیا جو بھارتی ایجنسیوں کے لیے جاسوسی میں ملوث تھا۔ گرفتار شخص نے دورانِ تفتیش اپنی پوری کہانی دنیا کے سامنے بیان کر دی۔
اسلام آباد میں میڈیا سے گفتگو کرتے ہوئے عطااللہ تارڑ نے کہاکہ افواجِ پاکستان نے فیلڈ مارشل سید عاصم منیر کی قیادت میں اپنے سے چار گنا بڑے دشمن کو شکست دی، اور بھارت کو ایک شرمناک ناکامی کا سامنا کرنا پڑا، جسے وہ آج تک تک ہضم نہیں کر پایا۔
مزید پڑھیں: بھارت پاکستان کا پانی روک سکتا ہے نہ اس کا رخ موڑ سکتا ہے، اسحاق ڈار
انہوں نے کہاکہ مسلسل کوششوں اور محنت کے نتیجے میں پاکستان نے سفارتی میدان میں نمایاں کامیابیاں حاصل کی ہیں۔ ملک کے مفاد کے لیے کام کرنے والے تمام سفارت کاروں کی خدمات کو ہمیشہ یاد رکھا جائے گا۔ پاکستان اب معاشی ترقی کے نئے اہداف حاصل کرنے کے لیے پرعزم ہے۔
بھارت کو یہ غلط فہمی تھی کہ وہ ایک ابھرتی ہوئی طاقت ہے۔
ہم پر وہ جنگ مسلط کی گئی جس کی ہمیں کوئی خواہش نہیں تھی۔ جب دشمن نے برتری ثابت کرنے کی کوشش کی تو پوری قوم نے متحد ہو کر دشمن کو منہ توڑ جواب دیا۔ اور افواجِ پاکستان نے، فیلڈ مارشل سید عاصم منیر کی قیادت میں، اپنے سے چار… pic.twitter.com/aRCcHzG7jz
— WE News (@WENewsPk) November 3, 2025
انہوں نے کہا کہ دہشتگردی سے سب سے زیادہ نقصان پاکستان نے برداشت کیا، مگر اب عالمی برادری پاکستان کی قربانیوں اور کامیابیوں کو تسلیم کرتی ہے۔
وفاقی وزیر نے کہاکہ پاکستان پر دہشتگردی کی پشت پناہی کے بے بنیاد الزامات لگائے گئے، خاص طور پر پہلگام واقعے کے بعد فوری طور پر الزام عائد کرنا غیر منصفانہ تھا۔
عطا تارڑ کے مطابق پاکستان خود دہشتگردی کا سب سے بڑا شکار ہے، اور دنیا اس بات کو تسلیم کرتی ہے کہ پاکستان کی وزارتِ خارجہ اور سفارت کاروں نے ملک کا وقار عالمی سطح پر بلند کیا۔
انہوں نے مزید کہاکہ وزیراعظم نے پہلگام واقعے پر بھارت کو غیر جانب دار تحقیقات کی پیشکش کی، جس کی حمایت دوست ممالک نے بھی کی۔
عطا تارڑ کا کہنا تھا کہ جب بھی پاکستان پر جنگ مسلط کی گئی، مسلح افواج نے بھرپور جواب دیا۔ ان کے مطابق فیلڈ مارشل سید عاصم منیر کی قیادت میں قوم نے فتح حاصل کی، اور اس جدوجہد میں فضائیہ کا کردار تاریخ میں سنہری حروف سے لکھا جائے گا۔
وزیر اطلاعات نے کہا کہ بھارتی میڈیا جھوٹے پروپیگنڈے میں مصروف رہا، تاہم پاکستان میں ذمہ دارانہ صحافت نے عالمی توجہ حاصل کی۔ ’معرکہ حق‘ میں کامیابی کے بعد قوم کا سر فخر سے بلند ہے۔
عطا تارڑ نے کہاکہ پاکستان ایک فکری اور بیانیاتی جنگ لڑ رہا ہے، جہاں ایک طرف بھارت کا جھوٹا بیانیہ ہے تو دوسری جانب پاکستان کے واضح اور ٹھوس حقائق نے دنیا کو اصل صورتحال دکھا دی۔
مزید پڑھیں: پہلگام حملے کی تحقیقات سے قبل بھارت پاکستان پر حملہ کرکے عالمی قوانین کی خلاف ورزی کا مرتکب
ان کا مزید کہنا تھا کہ وزیراعظم کے حالیہ دورہ سعودی عرب کے دوران معاشی و اسٹریٹجک فریم ورک کا آغاز ایک بڑی پیش رفت ہے۔ اب حکومت کی ترجیح بیرونی سرمایہ کاری میں اضافہ، وسط ایشیائی ممالک کے ساتھ اقتصادی تعلقات کو مضبوط بنانا، اور پاکستانی بندرگاہوں کے ذریعے علاقائی تجارت کو فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارتی سازشیں دہشتگردی عطااللہ تارڑ وفاقی وزیر اطلاعات وی نیوز
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ