بھارتیوں کو اپنی جان کی فکر پڑ گئی، ممبئی میں ریڈ الرٹ جاری
اشاعت کی تاریخ: 26th, May 2025 GMT
شدید بارش اور آندھی کے پیش نظر ممبئی میں ریڈ الرٹ جاری کردیا گیا۔ تمام شہریوں کو گھر میں رہنے کی ہدایت اور غیرضروری سفر سے بھی گریز کرنے کی ہدایت کردی گئی۔
ممبئی میں شدید موسمیاتی صورتحال کے پیش نظر حکومت نے ریڈ الرٹ جاری کر دیا ہے، جس کے باعث تمام شہریوں کو غیر ضروری سفر سے گریز کرتے ہوئے گھروں میں رہنے کی سخت ہدایت کی گئی ہے۔ محکمہ موسمیات نے خبردار کیا ہے کہ آنے والے چند گھنٹوں میں تیز بارشوں کے ساتھ شدید ہواؤں اور آندھی کا سامنا ہوسکتا ہے، جو شہر کا نظام زندگی بری طرح متاثر کرسکتی ہے۔
بھارتی محکمہ شہری دفاع نے شہریوں کو الرٹ جاری کرتے ہوئے کہا ہے کہ وہ کسی بھی قسم کی غیر ضروری نقل و حرکت سے اجتناب کریں اور اپنے اپنے محفوظ مقامات پر رہیں۔ بارش اور ہواؤں کی شدت کی وجہ سے ٹریفک جام، بجلی کے بند ہونے اور دیگر حادثات کا خدشہ بڑھ گیا ہے۔
مقامی انتظامیہ نے فوراً ریسکیو ٹیمیں متحرک کر دی ہیں تاکہ کسی بھی ہنگامی صورتحال میں فوری مدد فراہم کی جا سکے۔ اس کے علاوہ کئی مقامات پر سیلابی صورت حال پیدا ہونے کا امکان بھی ظاہر کیا جا رہا ہے، جس کے پیش نظر شہریوں کو احتیاط برتنے کی تاکید کی گئی ہے۔
ماہرین کا کہنا ہے کہ آنے والی بارشیں معمولی نہیں بلکہ طوفانی نوعیت کی ہو سکتی ہیں، لہٰذا شہریوں کی جانب سے حکومت کی ہدایات پر عمل درآمد نہایت ضروری ہے تاکہ جانی و مالی نقصان سے بچا جا سکے۔
ذریعہ: Daily Mumtaz
کلیدی لفظ: الرٹ جاری شہریوں کو
پڑھیں:
میئر نے نیشنل ہائی وے تک فلائی اوور منصوبے کا سنگ بنیاد رکھ دیا
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) میئر کراچی بیرسٹر مرتضیٰ وہاب نے 1.6 ارب روپے کی لاگت سے نیشنل ہائی وے تک فلائی اوور منصوبے کا سنگ بنیاد رکھ دیا، اس موقع پر ڈپٹی میئر کراچی سلمان عبداللہ مراد، سٹی کونسل میں ڈپٹی پارلیمانی لیڈر دل محمد، ٹاؤن ممبر و پارلیمانی لیڈر ابراہیم حیدری ٹاؤن سردار اختر عارفانی، چیئرمین یوسی۔3 کیٹل کالونی جاوید اقبال کاکو، رسول خان سواتی اور دیگر منتخب نمائندے بھی موجود تھے، میئر کراچی نے تقریب سے خطاب کرتے ہوئے کہا کہ یہ فلائی اوور خالد بن ولید روڈ پر ریلوے لائن کے اوپر تعمیر کیا جائے گا جو 5 -N کو مہران ہائی وے سے جوڑے گا، یہ اہم ترقیاتی منصوبہ 100 دن میں مکمل کیا جائے گا جس سے لاکھوں شہریوں کو سفری سہولت حاصل ہوگی، برساتی پانی کی نکاسی کے لیے ایک میٹر چوڑی لائن بھی بچھائی جائے گی تاکہ بارشوں کے دوران شہریوں کو مشکلات کا سامنا نہ ہو، شہر میں جدید انفرا اسٹرکچر کی فراہمی ہماری اولین ترجیح ہے اور اس منصوبے پر کام کا آغاز کراچی کو جدید شہر بنانے کی سمت ایک بڑا قدم ہے۔ شہریوں کو ان ترقیاتی منصوبوں کے ثمرات جلد حاصل ہوں گے اور ٹریفک کی روانی اور سفر میں آسانی کے لیے اس قسم کے اقدامات جاری رکھیں گے۔ بھینس کالونی سے مہران ہائی وے کے درمیان فلائی اوور کی تعمیر بھی اسی سلسلے کی ایک کڑی ہے جو شہریوں کے لیے سفر کو مزید آسان بنائے گی۔
پاکستان اسٹاک ایکسچینج کی بلند پرواز جاری؛ انڈیکس آج بھی نئی تاریخ ساز سطح پر