کراچی: کورنگی میں ڈاکوؤں کی فائرنگ سے جاں بحق بچی آہوں، سسکیوں میں سپرد خاک، واردات کا مقدمہ درج
اشاعت کی تاریخ: 28th, May 2025 GMT
کورنگی میں شہری اور ڈاکوؤں کے درمیان فائرنگ کے تبادلے میں ڈاکوؤں کی فائرنگ سے جاں بحق ہونے والی کمسن بچی کو مقامی قبرستان میں آہوں اور سسکیوں میں سپرد خاک کردیا گیا، واقعے کا مقدمہ 3 نامعلوم مسلح ملزمان کے خلاف درج کرلیا گیا۔
پیرکی شب عوامی کالونی تھانے کے علاقے کورنگی ساڑھے تین سیکٹر35 اے میں ڈکیتی کی واردات کے دوران شہری اورڈاکوؤں کے درمیان فائرنگ کے تبادلے میں ڈاکوؤں کی فائرنگ سے جاں بحق ہونے والی 12 سالہ بچی عارفہ وقارکی نمازجنازہ منگل کی صبح جامعہ مسجد مدنی میں ادا کردی گئی۔
نمازجنازہ میں مقتولہ بچی کے اہلخانہ ،عزیزواقارب اورعلاقہ مکینوں کی بڑی تعداد میں شرکت کی، مقتولہ بچی کو باغ کورنگی میں واقع مقامی قبرستان میں آہوں اورسسکیوں میں سپرد خاک کردیا گیا۔
مقتولہ عارفہ 5 بہن بھائیوں میں دوسرے نمبر پر تھی، مقتولہ بچی کے اہلخانہ کے مطابق بچی گھر کے باہر بیٹھی تھی کے ڈاکوؤں نے شہری سے موٹر سائیکل چھیننے کی کوشش کی شہری کے پاس پستول موجود تھا ڈاکوؤں اور شہری کے درمیان فائرنگ کا تبادلہ ہوااور اس دوران ایک گولی عارفہ کو جالگی۔
علاقہ مکینوں کا کہنا تھا کہ ضلع کورنگی میں لوٹ مارکی وارداتیں روز کا معمول ہیں مسلح لیٹروں کو کوئی روکنے والا نہیں ہے۔
مقتولہ بچی کے اہلخانہ اور علاقہ مکینوں نے ارباب اختیار سے انصاف فراہم کرنے کا مطالبہ کیا ہے۔
ادھر بچی عارفہ کے جاں بحق ہونے کے واقعےکا مقدمہ عوامی کالونی تھانے میں مقدمہ مقتولہ بچی کے والدوقار احمد کی مدعیت میں3نامعلوم مسلح ملزمان کے خلاف درج کیا گیا۔
پولیس حکام کے مطابق2 موٹر سائیکل سوار 3نامعلوم مسلح ملزمان نے ڈکیتی کی واردات کے دوران وجیہہ الدین نامی لڑکے سے نقدی، آئی فون 16 پرومیکس اور نئی موٹر سائیکل چھینی اورمزاحمت پر فائرنگ کردی۔
وجیہہ الدین نامی لڑکے کی جانب سے بھی ملزمان پر جوابی فائرنگ کی گئی لیکن ملزمان فرارہونے میں کامیاب ہو گئے۔
مسلح ملزمان کی فائرنگ سے گلی میں موجود 12 سالہ عارفہ وقار شدید زخمی ہوگئی جسے قریبی اسپتال منتقل کیا گیا جہاں وہ دوران علاج دم توڑ گئی۔
پولیس نے مقدمے کے اندراج کے بعد واقعے کی تفتیش شروع کردی ہے، امید ہے کہ بچی کےقتل میں ملوث ملزمان کو جلد گرفتار کرلیا جائے گا۔
Tagsپاکستان.
ذریعہ: Al Qamar Online
کلیدی لفظ: پاکستان
پڑھیں:
کوئٹہ: غیرت کے نام پر قتل، کہانی کا نیا موڑ، مقتولہ بانو کی مبینہ والدہ کا ویڈیو بیان منظرِ عام پر آگیا
کوئٹہ کے نواحی علاقے ڈگاری میں غیرت کے نام پر قتل کی جانے والی خاتون بانو کی مبینہ والدہ گل جان کا ویڈیو بیان سامنے آ گیا ہے، جس میں انہوں نے قتل کو ’بلوچی رسم و رواج‘ کے مطابق قرار دیتے ہوئے سرداروں اور معتبرین کی رہائی کا مطالبہ کیا ہے۔
ویڈیو بیان میں گل جان کا کہنا تھا کہ ان کی بیٹی بانو کوئی کم سن لڑکی نہیں تھی بلکہ 5 بچوں کی ماں تھی۔ اس کے بچے نور احمد (18 سال)، واصد (14 سال)، فاطمہ (12 سال)، صدیقہ (9 سال) اور ذاکر (6 سال) ہیں۔
یہ بھی پڑھیے بلوچستان: غیرت کے نام پر قتل، ایف آئی آر میں کیا لکھا گیا؟
انہوں نے کہا کہ بحثیت بلوچ، کسی کا دل نہیں مانتا کہ ایک ماں اپنے بچوں کو چھوڑ کر کسی کے ساتھ بھاگ جائے، لیکن جب ایسا ہوا تو ہمیں غیرت پر فیصلہ کرنا پڑا۔
گل جان نے اپنے بیان میں کہا کہ بانو احسان اللہ نامی شخص کے ساتھ 25 دن تک فرار رہی، جو نہ صرف ان کے گھر کے قریب رہتا تھا بلکہ بارہا ان کے بیٹوں کو دھمکیاں بھی دیتا رہا اور متنازع ویڈیوز بنا کر بھیجواتا تھا۔ خاتون کے مطابق، اس کے بیٹے جلال کو بھی جان سے مارنے کی دھمکیاں دی گئیں۔
گل جان نے یہ تسلیم کیا کہ ان کی بیٹی کو قتل کیا گیا اور دعویٰ کیا ’ہم نے جو کچھ کیا وہ غیرت کے تحت اور بلوچی رسم و رواج کے مطابق کیا، نہ کہ کسی جرگے یا عدالت کے ذریعے۔‘
یہ بھی پڑھیے ڈیگاری واقعہ: بانو اور احسان کا پوسٹ مارٹم کرنے والی پولیس سرجن کیا بتاتی ہیں؟
انہوں نے وزیر اعلیٰ بلوچستان سرفراز بگٹی سے براہِ راست اپیل کی کہ ہمارے سردار اور معتبرین کو رہا کیا جائے۔ ہمارے گھروں پر چھاپے مارے جا رہے ہیں، اور مرد حضرات موجود نہیں ہیں، ہمیں انصاف چاہیے، ہم نے ناحق کچھ نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بانو قتل کیس بلوچستان دوہرا قتل غیرت کے نام پر قتل
گورنر سندھ کالیاری کادورہ ‘بلڈنگ متاثرین سے ملاقاتیں