عیدالاضحیٰ کے حوالے سے محکمہ داخلہ سندھ کا خصوصی مراسلہ جاری
اشاعت کی تاریخ: 29th, May 2025 GMT
کراچی:
عیدالاضحیٰ کے حوالے سے محکمہ داخلہ سندھ نے خصوسی مراسلہ جاری کردیا۔
محکمہ داخلہ سندھ کے اعلان کے مطابق بغیر اجازت کھالیں جمع کرنا ممنوع قرار دیا گیا ہے۔ اسی طرح صرف رجسٹرڈ فلاحی اداروں ہی کو کھالیں جمع کرنے کی اجازت ہوگی اور ڈپٹی کمشنر کی اجازت کے بغیر کھالیں جمع کرنا جرم تصور ہوگا۔
نوٹی فکیشن کے مطابق لاؤڈ اسپیکر اور بینرز کے ذریعے کھالوں کے اعلان پر پابندی عائد کردی گئی ہے۔ زبردستی کھالیں لینے والوں کے خلاف سخت کارروائی ہوگی جب کہ اجازت یافتہ ادارے صرف مقررہ وقت میں کھالیں جمع کر سکیں گے۔
محکمہ داخلہ سندھ کے مراسلے میں مزید کہا گیا ہے کہ خلاف ورزی پر کھالیں ضبط کر کے منظور شدہ اداروں کو دی جائیں گی۔ قانون نافذ کرنے والے ادارے موقع پر چیکنگ کریں گے۔
اس کے علاوہ عید کے دوران اسلحہ لائسنس معطل رہے گا۔
مراسلے کے مطابق اجتماعی قربانی کی اجازت بھی کمشنرز اور ڈپٹی کمشنرز دیں گے جب کہ خلاف ورزی سامنے آنے پر پولیس دفعہ 188 کے تحت مقدمہ درج کرے گی۔
.
ذریعہ
ذریعہ: Express News
کلیدی لفظ: محکمہ داخلہ سندھ کھالیں جمع
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار