عیدالاضحیٰ: اسلام آباد میں ون ویلنگ، ہوائی فائرنگ اور غیرقانونی اسلحے کیخلاف کریک ڈاؤن کا فیصلہ
اشاعت کی تاریخ: 30th, May 2025 GMT
ترجمان اسلام آباد پولیس کے مطابق آئی جی اسلام آباد سید علی ناصر رضوی کی زیر صدارت آپریشنل کمانڈرز کانفرنس منعقد ہوئی۔
کانفرنس کے آغاز میں شہید سدھیر عباسی کے لئے فاتحہ خوانی اور زخمی جعفرجہانگیر کی صحت یابی کے لئے دعا کی گئی۔
آئی جی اسلام آباد سید علی ناصر رضوی کی زیر صدارت آپریشنل کمانڈرز کانفرنس۔ عیدالاضحیٰ کی سکیورٹی انتظامات کے حوالے سے اہم فیصلے۔
تمام مویشی منڈیوں میں فراڈ، جعلی کرنسی اور کسی بھی مدد کے لئے پولیس ڈیسک قائم کئے جائیں گے۔ 832 مقامات پر نماز عید ادا کی جائے گی جس کے لئے خصوصی ناکہ… pic.
— Islamabad Police (@ICT_Police) May 30, 2025
کانفرنس میں عیدالاضحیٰ کی سکیورٹی انتظامات اور کرائم کے حوالے سے بریفنگ ہوئی۔ اس موقع پر آئی جی اسلام آباد سید علی ناصر رضوی خطاب کرتے ہوئے کہا کہ عید بین المذاہب اور بین المسالک ہم آہنگی و ایثار کی علامت ہوتی ہے۔
انہوں نے کہا کہ اسلام آباد میں 6 مویشی منڈیاں لگی ہیں جہاں پر 1000 سے زائد پولیس افسران اور سکیورٹی گارڈ فرائض سرانجام دیں گے۔ تمام مویشی منڈیوں میں فراڈ، جعلی کرنسی اور کسی بھی مدد کے لیے پولیس ڈیسک قائم کیے جائیں گے۔
یہ بھی پڑھیں:ڈاکوؤں کی فائرنگ سے اسلام آباد پولیس کا آفیسر شہید، سپاہی زخمی
سید علی ناصر رضوی نے کہا کہ832 مقامات پر نماز عید ادا کی جائے گی جس کے لیے خصوصی ناکہ جات، مارکیٹ پوائنٹس پر ڈیوٹی لگائی جائے گی۔
آئی جی اسلام آباد نے کہا کہ عید کی شب 44 خصوصی پوائنٹس پر مزید 1000 پولیس افسران ڈیوٹی سر انجام دیں گے۔
یہ بھی پڑھیں:اسلام آباد پولیس کے زیراہتمام پاک فوج کے حق میں ریلی کا انعقاد
آئی جی اسلام آباد نے کہا کہ خصوصی پٹرولنگ پلان کے تحت 982 پولیس افسران گشت پر مامور ہوں گے۔ عوامی اور سیرو تفریح کے مقامات پر 1040 پولیس افسران فرائض سرانجام دیں گے۔
انہوں نے کہا کہ عید کی چھٹیوں کے دوران گھروں میں چوری کے حوالے خصوصی ڈیوٹیز، گشت اور نیںبرہوڈ واچ سسٹم کو ایکٹو کیا جائے گا۔ ٹریفک کے حوالے سے خصوصی پلان ترتیب دیا جائے گا۔
سید علی ناصر رضوی نے ہدایت کی کہ تمام تجارتی مراکز میں پولیس ہیلپ ڈیسک بنائے جائیں گے تاکہ لوگوں کو فوری مدد فراہم کی جائے۔
انہوں نے کہا کہ مارگلہ ہلزمیں خصوصی پٹرولنگ پلان وضع کیا گیا ہے۔ ون ویلنگ، ہوائی فائرنگ اور غیرقانونی اسلحہ کے خلاف کریک ڈاؤن ہوگا۔
یہ بھی پڑھیں:نوکری کا جھانسہ دیکر شہری کو قتل کرنے والے 4 ملزمان گرفتار: اسلام آباد پولیس
انہوں نے کہا کہ منڈی مویشیاں اپنی مختص کردہ مقامات پر ہی لگیں گی۔ تمام افسران مختلف مارکیٹس کا وزٹ کریں گے اور بھکاریوں کے خلاف سخت ایکشن ہوگا۔
سید علی ناصر رضوی نے ہدایت کی کہ سرچ اور سویپ آپریشنز میں تیزی لائی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشنل کمانڈرز کانفرنس آئی جی اسلام آباد پویشی منڈی سید علی ناصر رضوی عیدالاضحیٰ
ذریعہ
ذریعہ: WE News
کلیدی لفظ: آپریشنل کمانڈرز کانفرنس ا ئی جی اسلام ا باد سید علی ناصر رضوی عیدالاضحی آئی جی اسلام آباد سید علی ناصر رضوی انہوں نے کہا کہ پولیس افسران اسلام ا باد مقامات پر باد پولیس کے حوالے کے لئے
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی