کراچی؛ جائیداد کے تنازع پربیٹےنے ماں، باپ، ماموں اوربھائی پر گولیاں چلا دیں
اشاعت کی تاریخ: 30th, May 2025 GMT
کراچی:
جائیداد کے لالچ میں خون سفید ہوگیا، شہر قائد میں ناخلف بیٹے نے ماں، باپ، ماموں اور اپنے چھوٹے بھائی پر گولیاں چلا دیں۔
ریسکیو ذرائع کے مطابق باغ کورنگی گلشن ملت سوسائٹی کے قریب گھر میں فائرنگ کا واقعہ پیش آیا، جس میں تین افراد زخمی ہو گئے، جنہیں جناح اسپتال منتقل کیا گیا۔
واقعے کی اطلاع ملتے ہی پولیس جائے وقوع پر پہنچی اور بیانات لینے کے ساتھ ساتھ شواہد اکٹھے کیے۔
پولیس کے مطابق فائرنگ کا واقعہ جائیداد کے تنازع کا شاخسانہ ہے، جس میں بیٹے نے فائرنگ کرکے ماں ، باپ ، ماموں اور چھوٹے بھائی کوزخمی کردیا۔ پولیس نے ملزم سرور خان کو گرفتار کرکے اسلحہ برآمد کرلیا ہے۔
.ذریعہ: Express News
پڑھیں:
امریکی ریاست پنسلوانیا میں فائرنگ کے واقعے میں 3 پولیس افسر ہلاک، 2 شدید زخمی
واشنگٹن(انٹرنیشنل ڈیسک) امریکی ریاست پنسلوانیا میں فائرنگ کے ایک واقعے میں 3 پولیس افسران ہلاک اور 2 شدید زخمی ہوگئے، حکام کے مطابق فائرنگ کرنے والا مسلح شخص پولیس کی جوابی کارروائی میں مارا گیا۔
خبر رساں ادارے رائٹرز کے مطابق یہ واقعہ بدھ کو کوڈورس ٹاؤن شپ، یارک کاؤنٹی میں اس وقت پیش آیا جب افسران ایک پرانے کیس کے سلسلے میں دوبارہ موقع پر پہنچے، ریاستی پولیس کمشنر کرنل کرسٹوفر پیریس نے بتایا کہ افسران ایک ایسی تفتیش پر کام کر رہے تھے جو ایک روز قبل شروع ہوئی تھی، اور یہ معاملہ گھریلو نوعیت کا تھا، انہوں نے مزید تفصیلات بتانے سے گریز کیا۔
فائرنگ کے نتیجے میں 3 افسر موقع پر ہلاک ہوگئے جبکہ 2 کو شدید زخمی حالت میں قریبی اسپتال منتقل کیا گیا جہاں ان کی حالت نازک مگر مستحکم بتائی گئی، مقامی میڈیا کی ایک رپورٹ کے مطابق اہلکار سرچ وارنٹ کی تعمیل کے لیے گئے تھے، پولیس نے بتایا کہ حملہ آور کو جوابی کارروائی میں ہلاک کر دیا گیا۔
پنسلوانیا کے گورنر جوش شاپیرو ہسپتال پہنچے اور اہلکاروں کو خراج عقیدت پیش کیا، انہوں نے کہا کہ ’یہ یارک کاؤنٹی اور پنسلوانیا ریاست کے لیے نہایت افسوسناک اور المناک دن ہے‘، انہوں نے متاثرہ خاندانوں کے لیے دعا کی اپیل کرتے ہوئے کہا کہ یہ خاندان اپنے پیاروں پر فخر کرتے ہیں جنہوں نے عوام کی حفاظت کے لیے اپنی جانیں قربان کیں۔
جوش شاپیرو نے مزید بتایا کہ انہیں امریکی اٹارنی جنرل پام بونڈی کی جانب سے فون موصول ہوا ہے جنہوں نے ہر ممکن وفاقی تعاون کی پیشکش کی ہے۔
Post Views: 3
منیشا کوئرالہ نے نیپال میں مظاہرین کیخلاف جاری پرتشدد کریک ڈاؤن پر آواز بلند کردی