حکومت کا 200 ملین ڈالر مالیت کی گوشت برآمدات کے ہدف کے لیے جامع پالیسی تیار کرنے کا فیصلہ
اشاعت کی تاریخ: 28th, October 2025 GMT
وفاقی وزیرِ تجارت جام کمال خان نے کہا کہ حکومت گوشت کی برآمدی بنیاد کو مضبوط بنانے اور پاکستان کو اعلیٰ قدر والی بین الاقوامی منڈیوں، خصوصاً ملائیشیا، تک بہتر رسائی دلانے کے لیے پرعزم ہے۔
ان کا کہنا تھا کہ وزیرِ اعظم کی ہدایت پر کمیٹی کو ایک جامع پالیسی تشکیل دینے کا کام سونپا گیا ہے، جو نہ صرف قلیل المدتی برآمدی مسائل بلکہ طویل المدتی اصلاحات کو بھی مدنظر رکھے گی۔
یہ بھی پڑھیں: پاکستان ملائیشیا کو 200 ملین ڈالرز کا گوشت برآمد کرے گا، وزیراعظم شہباز شریف کی ملائیشین ہم منصب کے ہمراہ گفتگو
وزارتِ تجارت میں پاکستان اور ملائیشیا کے درمیان گوشت کے شعبے میں تعاون سے متعلق ایک اہم اجلاس کی صدارت کرتے ہوئے وفاقی وزیرِ تجارت نے واضح کیا کہ ملائیشیا پاکستان کے لیے ایک موزوں منڈی ثابت ہو سکتی ہے۔
ان کا مؤقف تھا کہ ایسا اس وقت ہی ممکن ہے جب قیمتوں میں مسابقت، معیار پر عمل اور سپلائی کے تسلسل کو مؤثر انداز میں یقینی بنایا جائے۔
ان کے مطابق نئی پالیسی میں بیماریوں پر قابو، حلال سرٹیفکیشن، اور بنیادی ڈھانچے کی بہتری جیسے نکات پر خصوصی توجہ دی جائے گی، جس کے لیے صوبائی حکومتوں اور نجی شعبے کے ساتھ قریبی تعاون کیا جائے گا۔
اجلاس میں پاکستان کی گوشت کی برآمدات میں اضافے اور ایک جامع پالیسی فریم ورک کی تیاری پر پیش رفت کا جائزہ لیا گیا۔
مزید پڑھیں: پاکستان اور ملائیشیا کا پائیدار اقتصادی تعلقات کو مزید فروغ دینے کا عزم، وزیراعظم کا دورہ مکمل، مشترکہ اعلامیہ جاری
اجلاس سے خطاب کرتے ہوئے ہارون اختر خان نے بتایا کہ پاکستان کی ملائیشیا کو گوشت برآمد کرنے کی موجودہ صلاحیت تقریباً 200 ملین ڈالر تک ہے، لیکن اس ہدف کے حصول کے لیے فوری اقدامات درکار ہیں۔
انہوں نے کہا کہ برآمدی صلاحیت کو بڑھانے میں فٹ اینڈ ماؤتھ ڈیزیز اور ہڈی والے گوشت کی برآمد پر پابندی جیسی رکاوٹیں دور کرنا ناگزیر ہیں۔
مزید پڑھیں:
ان کے مطابق، پاکستان کو مسابقت میں نقصان اس لیے ہوتا ہے کہ بھارتی برآمد کنندگان کو ہڈی والے گوشت کی اجازت حاصل ہے، جب کہ پاکستان کو بیماری کے خدشات کے باعث صرف بغیر ہڈی والے گوشت کی برآمد تک محدود رہنا پڑتا ہے۔
وفاقی وزیرِ غذائی تحفظ رانا تنویر حسین نے یقین دہانی کرائی کہ وزارتِ قومی غذائی تحفظ و تحقیق بیماریوں پر قابو پانے اور مویشیوں کے معیار کو بہتر بنانے کے لیے مکمل تعاون فراہم کرے گی۔
انہوں نے بتایا کہ پنجاب میں فٹ اینڈ ماؤتھ ڈیزیز کے کنٹرول اور فیڈ لاٹ فیٹننگ کے منصوبوں پر خاطر خواہ کام ہو چکا ہے اور اب ان اقدامات کو دیگر صوبوں تک وسعت دی جائے گی۔
اجلاس میں اس بات پر اتفاق کیا گیا کہ بیماریوں کے کنٹرول، مویشیوں کی نسل میں بہتری، خوراکی معیار کے فروغ اور سرکاری سہولت کاری کے لیے مختلف کمیٹیاں تشکیل دی جائیں گی، تاکہ اس شعبے کی ترقی کو ادارہ جاتی بنیادوں پر فروغ دیا جا سکے۔
مزید پڑھیں: پاکستان اور ملائیشیا کا پائیدار اقتصادی تعلقات کو مزید فروغ دینے کا عزم، وزیراعظم کا دورہ مکمل، مشترکہ اعلامیہ جاری
اس کے ساتھ وزارتِ سائنس و ٹیکنالوجی کو بھی عملدرآمدی عمل میں شامل کرنے کی تجویز دی گئی، تاکہ حلال سرٹیفکیشن اور بین الاقوامی معیار پر عمل درآمد کو یقینی بنایا جا سکے۔
اجلاس میں فیصلہ کیا گیا کہ سندھ حکومت کو بھی اس عمل کا حصہ بنایا جائے گا کیونکہ کراچی بندرگاہ گوشت کی برآمدات میں کلیدی کردار ادا کرتی ہے۔
مزید پڑھیں: پاکستان پہلگام حملے کی تحقیقات میں ملائیشیا کی شرکت کا خیر مقدم کرےگا، شہباز شریف
اجلاس کے اختتام پر وفاقی وزیر جام کمال خان نے تمام وزارتوں اور اسٹیک ہولڈرز کو ہدایت کی کہ وہ مقررہ مدت کے اندر اپنی سفارشات اور رپورٹس مکمل کریں۔
انہوں نے کہا کہ حکومت تحقیق پر مبنی منصوبہ بندی، نجی و سرکاری اشتراک اور معیاری برآمدات کے فروغ کے ذریعے پاکستان کو عالمی سطح پر حلال گوشت کا ایک معتبر اور پائیدار سپلائر بنانے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیک ہولڈرز پاکستان جام کمال خان حلال سرٹیفکیشن حلال گوشت رانا تنویر حسین فریم ورک کراچی بندرگاہ گوشت ملائیشیا وفاقی وزیرِ غذائی تحفظ.ذریعہ: WE News
کلیدی لفظ: اسٹیک ہولڈرز پاکستان جام کمال خان حلال گوشت رانا تنویر حسین کراچی بندرگاہ گوشت ملائیشیا وفاقی وزیر غذائی تحفظ گوشت کی برآمد وفاقی وزیر پاکستان کو مزید پڑھیں کے لیے
پڑھیں:
پاکستان اور اے ڈی بی کے درمیان 257 ملین ڈالر کے ترقیاتی معاہدے طے پا گئے
پاکستان اور اے ڈی بی کے درمیان 257 ملین ڈالر کے ترقیاتی معاہدے طے پا گئے WhatsAppFacebookTwitter 0 12 December, 2025 سب نیوز
اسلام آباد:(آئی پی ایس)
پاکستان اور ایشیائی ترقیاتی بینک کے درمیان 257 ملین ڈالر کے ترقیاتی معاہدے طے پا گئے ہیں جبکہ معاہدوں پر دستخط بھی ہوگئے ہیں۔
معاہدوں پر سیکرٹری اقتصادی امور محمد حمیر کریم اور ایشیائی ترقیاتی بینک کی کنٹری ڈائریکٹر ایما فین نے دستخط کیے جبکہ حکومت پنجاب کی جانب سے سیکرٹری اسکول ایجوکیشن ڈیپارٹمنٹ اور سیکرٹری اسپیشلائز ہیلتھ کیئر ڈیپارٹمنٹ نے دستخط کیے۔
اس حوالے سے ترجمان وزارت اقتصادی امور کا کہنا ہے کہ پنجاب میں تعلیم و صحت کے شعبوں کی بہتری کے لیے دو اہم پروگرامز شروع کیے جائیں گے۔ اے ڈی بی نے پنجاب کے لیے 107 ملین ڈالر کا ایس ٹی ای ایم ایجوکیشن پروگرام منظور کیا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکہوٹہ میں مسافر وین ڈرائیور کی غفلت سے دریا میں جاگری، 3 افراد جاں بحق کہوٹہ میں مسافر وین ڈرائیور کی غفلت سے دریا میں جاگری، 3 افراد جاں بحق پنجاب کے تمام تعلیمی بورڈز میں ڈیجیٹل امتحانی اصلاحات کا آغاز اللہ تعالیٰ نے ہماری افواج کو محافظ حرمین شریفین ہونے کا شرف عطا فرمایا ہے، سربراہ جامعۃ الرشید عمران خان اور بشریٰ بی بی کو مسلسل تنہائی میں رکھا جا رہا ہے: سہیل آفریدی امریکا چاہتا ہے یوکرین ڈونباس شہر سے دستبردار ہوجائے، زیلنسکی کا بڑا انکشاف عالمی برادری افغان حکومت پر ذمہ داریوں کی ادائیگی کیلئے زور ڈالے، وزیراعظم شہباز شریفCopyright © 2025, All Rights Reserved
رابطہ کریں ہماری ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر