دسویں تھل ڈیزرٹ ریلی 2025 کا باقاعدہ اعلان،
اشاعت کی تاریخ: 28th, October 2025 GMT
محکمہ سیاحت پنجاب نے دسویں تھل ڈیزرٹ ریلی 2025 کے انعقاد کا باقاعدہ اعلان کر دیا ہے، جو 6 تا 9 نومبر تک لیہ، کوٹ ادو اور مظفرگڑھ میں منعقد ہوگی۔ لاہور میوزیم کے آڈیٹوریم میں منعقدہ پروموشنل تقریب میں سیکرٹری سیاحت ڈاکٹر احسان بھٹہ اور منیجنگ ڈائریکٹر ٹی ڈی سی پی عاصم رضا نے شرکت کی۔
ڈاکٹر احسان بھٹہ نے بتایا کہ یہ ریلی صرف موٹر اسپورٹس ایونٹ نہیں بلکہ جنوبی پنجاب کی ثقافتی عظمت، صوفی ورثہ، لوک موسیقی، دستکاری اور ریگستانی طرزِ زندگی کو اجاگر کرنے کا ایک جامع جشن ہے۔ انہوں نے کہا کہ ایسے ایونٹس مقامی فنکاروں اور ہنرمندوں کے لیے مواقع فراہم کرتے ہیں اور پاکستان کا مثبت اور پرامن چہرہ دنیا کے سامنے لاتے ہیں۔
عاصم رضا نے بتایا کہ دسویں ریلی کا ٹریک تقریباً 200 کلومیٹر طویل ہوگا اور ملک بھر سے سو کے قریب ڈرائیورز حصہ لیں گے، جن میں خواتین ڈرائیورز اور معروف ریلی چیمپئنز جیسے میر نادر مگسی، صاحبزادہ سلطان محمد علی، زین محمود اور خاکوانی برادران شامل ہیں۔
ریلی کے دوران لوک موسیقی کی محفلیں، اونٹ و گھوڑوں کے شوز، ٹینٹ پیگنگ، دستکاری بازار اور ثقافتی میلوں کا بھی اہتمام کیا جائے گا، جو جنوبی پنجاب کی ثقافت اور سیاحت کو اجاگر کرنے میں مددگار ثابت ہوں گے۔
ٹی ڈی سی پی کے مطابق ریلی کے بعد علاقے میں کئی ماہ تک معاشی سرگرمیوں اور آمدنی میں اضافہ دیکھا جائے گا، اور لیہ، کوٹ ادو اور مظفرگڑھ کی انتظامیہ نے مکمل تعاون فراہم کرنے کا یقین دلایا ہے۔
تقریب کے دوران ٹی ڈی سی پی، ڈسکور پاکستان اور پاک وہیلز کے درمیان مفاہمتی یادداشت پر دستخط کیے گئے، جس کے تحت ڈسکور پاکستان ریلی کا آفیشل میڈیا پارٹنر اور پاک وہیلز آفیشل ڈیجیٹل میڈیا پارٹنر ہوگی۔
یہ ریلی ملکی و غیر ملکی ڈرائیورز کو جنوبی پنجاب کے ورثے، ثقافت اور ایڈونچر اسپورٹس کے امتزاج سے عالمی سطح پر روشناس کرائے گی۔
ذریعہ: Daily Mumtaz
پڑھیں:
قومی ٹیم کے لیے جنوبی افریقہ کیخلاف ٹی20 میچز میں پنک تھیم کٹ متعارف کرنے کا مقصد کیا ہے؟
پاکستان کرکٹ بورڈ (پی سی بی) نے جنوبی افریقہ کے خلاف پہلے ٹی20 میچ سے قبل قومی ٹیم کی خصوصی پنک تھیم کٹ متعارف کرا دی ہے، میچ 28 اکتوبر کو راولپنڈی میں کھیلا جائے گا۔
پی سی بی کی جانب سے جاری بیان میں کہا گیا ہے کہ ہم ایک اہم مقصد کے لیے پنک رنگ اختیار کر رہے ہیں۔ یہ اقدام بریسٹ کینسر آگاہی مہم #PINKtober کے حصے کے طور پر کیا جا رہا ہے، جس کا مقصد عوام میں اس بیماری کے حوالے سے شعور اجاگر کرنا ہے۔
یہ بھی پڑھیے: فیفا کا شاہین شاہ آفریدی کو خراج تحسین، 10 نمبر جرسی پہننے والے عظیم کھلاڑیوں میں شامل
اس موقع پر پاکستانی کھلاڑی پنک رنگ کی خصوصی جرسی پہنیں گے، جب کہ جنوبی افریقہ کے کھلاڑی اور میچ آفیشلز پنک ربنز لگا کر یکجہتی کا اظہار کریں گے۔ کھلاڑیوں، میچ آفیشلز، معاون عملے اور کمنٹیٹرز کی جانب سے بھی ربنز پہنے جائیں گے تاکہ اس نیک مقصد کی حمایت کی جا سکے۔
پی سی بی کے سی ای او سمیر احمد سید نے اپنے بیان میں کہان کہ پی سی بی کو فخر ہے کہ وہ کرکٹ کے پلیٹ فارم کو استعمال کرتے ہوئے ایسے سماجی مسائل پر آگاہی پیدا کر رہا ہے جو ہماری کمیونٹی کو متاثر کرتے ہیں۔ بریسٹ کینسر کے بارے میں آگاہی، ابتدائی تشخیص اور باقاعدہ اسکریننگ بے شمار زندگیاں بچا سکتی ہے۔
View this post on Instagram
A post shared by Pakistan Cricket (@therealpcb)
انہوں نے مزید کہا کہ یہ اقدام پی سی بی کی کارپوریٹ سماجی ذمہ داری کا حصہ ہے، اور ہم تمام شراکت داروں، ٹیموں، آفیشلز، نشریاتی اداروں اور شائقین کے مشکور ہیں جنہوں نے اس مہم میں حصہ لیا۔
میچ کے دوران استعمال ہونے والے سٹمپس پر بھی پنک برانڈنگ ہوگی، جبکہ اسٹیڈیم کے ڈیجیٹل اسکرینز پر آگاہی پیغامات دکھائے جائیں گے۔
یہ پہلا موقع ہے کہ پی سی بی نے کسی بین الاقوامی میچ میں ایسی مہم کا آغاز کیا ہے۔ اس سے قبل پاکستان سپر لیگ (پی ایس ایل) کے دوران متعدد بار ‘پنک ڈے’ ایونٹس منعقد کیے جا چکے ہیں۔
یہ بھی پڑھیے: کیا آئی پی ایل فرنچائز نے اسلام آباد یونائیٹڈ کی جرسی کا ڈیزائن چرایا؟
سیریز کا دوسرا اور تیسرا ٹی20 31 اکتوبر اور یکم نومبر کو لاہور کے قذافی اسٹیڈیم میں کھیلا جائے گا، جبکہ 3 ون ڈے میچز 4 سے 8 نومبر تک فیصل آباد کے اقبال اسٹیڈیم میں ہوں گے۔
یہ فیصل آباد میں 2008 کے بعد پہلی بار بین الاقوامی کرکٹ کی واپسی ہوگی، جب پاکستان نے بنگلادیش کو سات وکٹوں سے شکست دی تھی۔ اب تک پاکستان اور جنوبی افریقہ کے درمیان 24 ٹی ٹوئنٹی میچز ہو چکے ہیں، جن میں دونوں ٹیموں نے 12، 12 میچز جیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
علامہ مقصود ڈومکی کی آغا سراج درانی کی وفات پر اہلخانہ سے تعزیت