عید الاضحیٰ کے روز ملک بھر میں موسم کیسا ہو گا؟
اشاعت کی تاریخ: 30th, May 2025 GMT
ملک بھر میں عید الاضحیٰ 7 جون کو منائی جائے گی، اس عید کے موقع پر چونکہ فرزندانِ توحید نے قربانی کے جانور ذبح کرنا ہوتے ہیں تو عید سے قبل ہر شخص کے ذہن میں سوال ہوتا ہے کہ موسم کیسا ہو گا خاص طور پر بارش تو نہیں ہو گی؟ کیونکہ اس گرمی میں بارش اور خراب موسم میں قربانی کرنے اور پھر گوشت بنانے میں مشکلات دو چند ہوجاتی ہیں۔
محکمہ موسمیات کی جانب سے آج کل تو بارش اور طوفان کے پیشگوئی کی جا رہی ہے اور گزشتہ روز بھی ملک کے مختلف حصوں میں بارش بھی ہوئی ہے، تاہم یہ دیکھتے ہیں 7 جون کو ملک کے مختلف حصوں میں موسم کیسا رہے گا؟
یہ بھی پڑھیں: ذوالحج کا چاند نظر نہیں آیا، پاکستان میں عیدالاضحیٰ 7 جون کو ہوگی، چیئرمین رویت ہلال کمیٹی کا اعلان
بی بی سی ویدر کے مطابق وفاقی دار الحکومت اسلام آباد میں عید الاضحیٰ کے روز یعنی 7 جون کو موسم خشک رہے گا، بارش کا کوئی امکان نہیں ہے، درجہ حرارت زیادہ سے زیادہ 37 اور کم سے کم 22 ڈگری رہنے کا امکان ہے۔
لاہور میں عید الاضحیٰ کے روز موسم خشک رہے گا، بارش کا کوئی امکان نہیں ہے، درجہ حرارت زیادہ سے زیادہ 42 اور کم سے کم 27 ڈگری رہنے کا امکان ہے۔
مزید پڑھیں: مہنگائی کے اس دور میں ’آسان قربانی‘ کی اسکیم کیا ہے؟
کراچی میں بھی عید الاضحیٰ یعنی 7 جون کو موسم خشک رہے گا، بارش کا کوئی امکان نہیں ہے، درجہ حرارت زیادہ سے زیادہ 35 اور کم سے کم 27 ڈگری رہنے کا امکان ہے۔
پشاور میں عید الاضحی کے روز موسم خشک رہے گا، بارش کا کوئی امکان نہیں ہے، درجہ حرارت زیادہ سے زیادہ 40 اور کم سے کم 26 ڈگری رہنے کا امکان ہے۔
کوئٹہ میں عید الاضحیٰ کے دن 7 جون کو موسم خشک رہے گا، بارش کا کوئی امکان نہیں ہے، درجہ حرارت زیادہ سے زیادہ 35 اور کم سے کم 17 ڈگری رہنے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد بارش پشاور خشک درجہ حرارت عید قرباں کراچی کوئٹہ لاہور موسم.ذریعہ: WE News
کلیدی لفظ: اسلام اباد پشاور کراچی کوئٹہ لاہور بارش کا کوئی امکان نہیں ہے درجہ حرارت زیادہ سے زیادہ ڈگری رہنے کا امکان ہے موسم خشک رہے گا میں عید الاضحی اور کم سے کم جون کو کے روز
پڑھیں:
چیف جسٹس یحییٰ آفریدی کا مقدمات کی درجہ بندی میں تاخیر پر تشویش کا اظہار
چیف جسٹس یحییٰ آفریدی نے مقدمات کی درجہ بندی میں تاخیر پر تشویش کا اظہار کردیا۔
تفصیلات کے مطابق سپریم کورٹ میں چیف جسٹس یحییٰ آفریدی کی زیر صدارت عدالتی اصلاحات پر پانچویں انٹرایکٹو سیشن کا انعقاد کیا گیا۔
سیشن کا اعلامیہ جاری کر دیا گیا، جس کے مطابق سیشن میں سپریم کورٹ افسران، ماہرین اور جوڈیشل اکیڈمی و ایل جے سی پی کے نمائندگان نے شرکت کی۔
اعلامیہ کے مطابق 89 اصلاحاتی اقدامات میں سے 26 مکمل، 44 عملدرآمد میں اور 14 جلد شروع کیے جائیں گے، مقدمات کی درجہ بندی اور سکیننگ میں تاخیر پر چیف جسٹس نے تشویش کا اظہار کیا۔
چیف جسٹس نے یحییٰ آفریدی نے ہدایت کی کہ آئندہ جائزہ اجلاس سے قبل تمام التواء شدہ امور مکمل کیے جائیں، عدالتی اصلاحات سے زیر التوا مقدمات میں نمایاں کمی آئی ۔
سیشن میں شہری مرکزیت، شفافیت اور مؤثر انصاف کی فراہمی عدلیہ کا ترجیحی ہدف قرار دیا گیا، چیف جسٹس نے عدالتی و تکنیکی ٹیم کی کاوشوں کو سراہتے ہوئے اصلاحات کے تسلسل پر زور دیا۔
برہان وانی صرف ایک مجاہد نہیں ایک نظریہ ہے، پیر مظہر