سی ٹی ڈی کے مختلف شہروں میں آپریشنز، 34 دہشتگرد گرفتار کرنے کا دعویٰ
اشاعت کی تاریخ: 31st, May 2025 GMT
ترجمان سی ٹی ڈی کے مطابق کارروائی لاہور، ننکانہ، گوجرانوالہ، جہلم، فیصل آباد و دیگر شہروں میں کی گئی۔ لاہور سے فتنہ الخوارج کے 2 دہشتگرد گرفتار کرکے دھماکہ خیز مواد برآمد کیا گیا ہے۔ گرفتار کئے گئے دہشتگردوں کی شناخت محمد اشفاق، اسماعیل خان، نصیراللہ اور دیگر کے ناموں سے ہوئی ہے۔ اسلام ٹائمز۔ سی ٹی ڈی نے پنجاب کے مختلف شہروں میں 415 انٹیلی جنس بیسڈ آپریشن کئے ہیں، ان انٹیلی جنس بیسڈ آپریشنز کے دوران 34 دہشت گرد گرفتار کرنے کا دعویٰ کیا گیا ہے۔ ترجمان سی ٹی ڈی کے مطابق کارروائی لاہور، ننکانہ، گوجرانوالہ، جہلم، فیصل آباد و دیگر شہروں میں کی گئی۔ لاہور سے فتنہ الخوارج کے 2 دہشت گرد گرفتار کرکے دھماکہ خیز مواد برآمد کیا گیا ہے۔
گرفتار کئے گئے دہشت گردوں کی شناخت محمد اشفاق، اسماعیل خان، نصیراللہ اور دیگر کے ناموں سے ہوئی ہے۔ ترجمان سی ٹی ڈی کے مطابق دہشت گرد قانون نافذ کرنیوالے اداروں اور حساس مقامات پر حملوں کی منصوبہ بندی مکمل کرچکے تھے۔ رواں ماہ کے دوران 5 ہزار 45 کومبنگ آپریشنز کے دوران 604 مشتبہ افراد کو گرفتار کیا گیا۔ ترجمان کا مزید کہنا ہے کہ کومبنگ آپریشنز میں 2 لاکھ 9 ہزار 518 افراد سے پوچھ گچھ کی گئی۔
ذریعہ
ذریعہ: Islam Times
کلیدی لفظ: سی ٹی ڈی کے کیا گیا
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ