اسلام آباد تھانوں کو اسپیشل انیشیٹو پولیس اسٹیشن میں تبدیل کرنیکا فیصلہ
اشاعت کی تاریخ: 31st, May 2025 GMT
---فائل فوٹو
دارالحکومت اسلام آباد کے تھانوں کو اسپیشل انیشیٹو پولیس اسٹیشن میں 30 دن میں تبدیل کرنے کا فیصلہ کیا گیا ہے۔
آئی جی اسلام آباد سید علی ناصر رضوی کی زیرِ صدارت اجلاس ہوا۔
اسلام آباد پولیس کے ترجمان کے مطابق اجلاس میں فیصلہ کیا گیا ہے کہ شہر کے تھانوں کی تزئین وآرائش 25 جون تک مکمل کی جائے گی۔
اسلام آباد پولیس کے ترجمان کے مطابق تھانوں میں آئی ٹی انفرا اسٹرکچر اور ہیومن ریسورس کو بہتر بنایا جائے گا، اسلام آباد کے تھانوں کو قومی اور ملی یکجہتی کی تھیم دیے جائیں گے۔
اسلام آباد پولیس کے ترجمان کا کہنا ہے کہ ڈی آئی جی اسلام آباد، ہیڈکوارٹرز، اے آئی جی لاجسٹک اور ایس ایس پی آپریشنز پر مشتمل کمیٹی تشکیل دے دی گئی ہے۔
اسلام آباد پولیس کے ترجمان کے مطابق اقدام کا مقصد شہریوں کو عوام دوست پولیسنگ مہیا کرنا ہے، اسلام آباد پولیس جدید طرز کی پولیسنگ پر عمل پیرا ہے۔
.
ذریعہ
ذریعہ: Jang News
کلیدی لفظ: اسلام آباد پولیس کے
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی