اداروں کیخلاف مذموم سازش اور لوگوں کے ذہن خراب کرنے والوں کو منہ کی کھانی پڑی، امیر مقام
اشاعت کی تاریخ: 1st, June 2025 GMT
وفاقی وزیر کا چکدرہ میں خطاب کرتے ہوئے کہنا تھا کہ قائد نواز شریف کے بھائی شہباز شریف نے 14 مہینوں میں جو کچھ وطن عزیز کے لیے کیا وہ قابل تعریف ہے۔ اسلام ٹائمز۔ وفاقی وزیر اور پاکستان مسلم لیگ (ن) خیبر پختونخوا کے صدر امیر مقام نے کہا ہے کہ افواج پاکستان نے بھارت کو عبرت ناک شکست سے دوچار کیا اور مودی کی فرعونیت خاک میں ملادی ہے، اداروں کے خلاف مذموم سازش اور لوگوں کے ذہن خراب کرنے والوں کو بھی منہ کی کھانی پڑی ہے۔ وفاقی وزیر اور صدر پاکستان مسلم لیگ (ن) خیبر پختونخوا امیر مقام نے خیبر پختونخوا کے علاقے چکدرہ میں خطاب کرتے ہوئے کہا ہے کہ آج عوام کا جم غفیر چکدرہ میں امڈ آیا ہے جسے دیکھ کر ثابت ہوگیا کہ کوئی مائی کا لعل سبز انقلاب کا راستہ نہیں روک سکتا۔ انہوں نے کہا کہ قائد نواز شریف کے بھائی شہباز شریف نے 14 مہینوں میں جو کچھ وطن عزیز کے لیے کیا وہ قابل تعریف ہے۔
امیر مقام نے کہا کہ بنیان مرصوص آپریشن میں بھارت کو بھرپور جواب دے کر افواج پاکستان نے پوری قوم کا سر فخر سے بلند کر دیا ہے، پوری قوم سپہ سالار عاصم منیر اور افواج پاکستان کو شاباش دے رہی ہے، بھارت عبرت ناک شکست سے دوچار ہوا اور افواج پاکستان نے مودی کی فرعونیت کو خاک میں ملادیا۔ انہوں نے کہا کہ یہ صرف بھارت کی نہیں بلکہ ان کے تمام حواریوں اور آلہ کاروں کی بھی شکست ہے۔ وفاقی وزیر نے تشویش کا اظہار کیا کہ مؤثر مہم کے ذریعے اداروں کے خلاف مذموم سازش کی گئی مگر لوگوں کی ذہنیت خراب کرنے والوں کو بھی منہ کی کھانی پڑی۔
انہوں نے کہا کہ وزیر اعظم شہباز شریف نے حالت جنگ میں دلیرانہ فیصلے کیے اور پوری قوم کو ساتھ لے کر چلے، آج کی حکمران لیڈر شپ، موجودہ فوجی قیادت اور مخلص قوم کے ہوتے ہوئے کوئی طاقت ہمیں شکست نہیں دے سکتی۔ امیر مقام نے کہا کہ جس طرح نواز شریف نے کشکول توڑا تھا اسی طرح بہت جلد آئی ایم ایف کو خیر باد کہہ کر اس کشکول کو دوبارہ توڑ دیں گے، مسلم لیگ کا ایجنڈا سازشیں کرنا اور نوجوانوں کو ورغلا کر غلط راستے پر ڈالنا نہیں بلکہ قوم کی ترقی اور خوش حالی ہے۔ ان کا کہنا تھا کہ ہمارے نوجوان باصلاحیت ہیں اور ان کی صلاحیتوں کو ملک و قوم کی ترقی و خوش حالی کے لیے استعمال میں لائیں گے۔
ذریعہ
ذریعہ: Islam Times
کلیدی لفظ: افواج پاکستان وفاقی وزیر نے کہا کہ شریف نے
پڑھیں:
ویزہ اوور سٹے پر ڈی پورٹ ہونے والوں کا نام پاسپورٹ کنٹرول لسٹ میں ڈالنا غیر قانونی قرار
اسلام آباد (اُردو پوائنٹ اخبارتازہ ترین۔ 03 جون2026ء) اسلام آباد ہائیکورٹ نے بیرونِ ملک سے صرف ویزہ اوور سٹے یعنی ویزہ کی مقررہ مدت سے زائد قیام کی بنیاد پر ڈی پورٹ ہونے والے پاکستانی شہریوں کے حق میں فیصلہ سناتے ہوئے ان کا نام پاسپورٹ کنٹرول لسٹ میں شامل کرنے کے حکومتی عمل کو غیر قانونی قرار دے دیا۔ اطلاعات کے مطابق اسلام آباد ہائیکورٹ نے ایک کیس کی سماعت کے دوران ریمارکس دیتے ہوئے واضح کیا ہے کہ اگر کوئی پاکستانی شہری کسی دوسرے ملک میں محض اپنے ویزے کی مدت ختم ہونے یعنی اوور سٹے کی وجہ سے پاکستان واپس ڈی پورٹ کیا جاتا ہے، تو اس کا نام پاسپورٹ کنٹرول لسٹ میں شامل کرنا سراسر قانون کی خلاف ورزی ہے۔ عدالت عالیہ نے اپنے فیصلے میں شہریوں کے بنیادی حقوق کی پاسداری پر زور دیتے ہوئے ریمارکس دیئے کہ محض ویزہ اوور سٹے کی بنیاد پر بیرونِ ملک سے ڈی پورٹ ہونا کسی بھی شہری کے بیرونِ ملک سفر کرنے اور وہاں روزگار حاصل کرنے کے آئینی حق پر پابندی لگانے کا جواز ہرگز نہیں بن سکتا۔(جاری ہے)
فیصلے میں واضح کیا گیا ہے کہ حکومت یا متعلقہ ادارے کسی بھی شہری کے سفر پر اس وقت تک پابندی عائد نہیں کر سکتے جب تک کہ اس کے خلاف کسی باقاعدہ سنگین جرم کا ثبوت نہ ہو، وہ ملک کے لیے کوئی سکیورٹی خدشہ نہ بن چکا ہو، یا اس کے خلاف کسی اور مجرمانہ سرگرمی کا ناقابلِ تردید ثبوت موجود نہ ہو۔
اہم خبر ، دوسرے ملک میں صرف اوور اسٹے پر ڈی پورٹ ہونے والے شہری کا نام پاسپورٹ کنٹرول لسٹ میں ڈالنے کو اسلام آباد ہائیکورٹ نے غیر قانونی قرار دے دیا " جب تک کوئی جرم ثابت نا ہو تب تک سفری پابندی عائد کرنا غیر آئینی غیر قانونی ہے " اسلام آباد ہائیکورٹ کا فیصلہ pic.twitter.com/zbQ5TmsKcV
— Saqib Bashir (@saqibbashir156) June 3, 2026 امید ظاہر کی جارہی ہے کہ اس فیصلے سے ان ہزاروں پاکستانیوں کو ریلیف ملنے کی توقع ہے جو نادانستگی میں یا مجبوری کے تحت بیرونِ ملک ویزے کی مدت ختم ہونے پر ڈی پورٹ کر دیئے جاتے تھے اور پاکستان پہنچنے پر ایف آئی اے یا پاسپورٹ حکام ان کا نام کنٹرول لسٹ میں ڈال کر ان کا پاسپورٹ بلاک کر دیتے تھے، جس سے ان کے دوبارہ بیرونِ ملک جانے کے تمام راستے بند ہو جاتے تھے، عدالت نے اب اس عمل کو قانون کے منافی قرار دے دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ