آئندہ 24 گھنٹوں میں ملک میں موسم کیسا رہے گا۔۔؟ محکمہ موسمیات نے پیش گوئی کردی۔
اشاعت کی تاریخ: 2nd, June 2025 GMT
آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے، جبکہ محکمہ موسمیات نے بیشتر اضلاع میں گرج چمک کے ساتھ بارش کی پیش گوئی کی گئی ہے۔ وفاقی دارالحکومت اسلام آباد اور گردونواح میں موسم گرم اور خشک رہنے کی توقع ہے۔ خیبرپختونخوا میں بھی مجموعی طور پر موسم گرم اور خشک رہے گا، تاہم چند مقامات پر بارش ہو سکتی ہے۔ پنجاب کے بیشتر اضلاع میں گرمی اور خشکی کا راج برقرار رہے گا، تاہم مری، گلیات اور گردونواح میں گرج چمک کے ساتھ بارش کی توقع ہے۔ اسی طرح بہاولنگر، ملتان، ساہیوال، پاکپتن، خانیوال اور ڈیرہ غازی خان میں بھی بارش کا امکان ظاہر کیا گیا ہے۔ سندھ کے بیشتر علاقوں میں موسم شدید گرم اور خشک رہے گا جبکہ بلوچستان کے اضلاع میں بھی گرمی اور خشکی غالب رہے گی۔ کشمیر اور گلگت بلتستان میں تیز ہواؤں کے ساتھ گرج چمک اور بارش کا امکان ہے، جس سے موسم قدرے خوشگوار ہو سکتا ہے۔ محکمہ موسمیات نے عوام کو گرمی سے بچاؤ کی احتیاطی تدابیر اختیار کرنے اور بارش والے علاقوں میں سفر کے دوران محتاط رہنے کی ہدایت کی ہے۔
.
ذریعہ
ذریعہ: Nawaiwaqt
پڑھیں:
امریکی محکمہ خزانہ نے ایران پر نئی پابندیاں عائد کر دیں
امریکی محکمہ خزانہ کے مطابق ان کمپنیوں سے لین دین کرنے والے غیر ملکی مالیاتی ادارے اور افراد بھی پابندیوں کی زد میں آسکتے ہیں۔ اسلام ٹائمز۔ امریکی محکمہ خزانہ نے ایران سے متعلق نئی پابندیاں عائد کر دی ہیں، چار ایرانی شہریوں اور چار کرپٹو ایکسچینجز پر پابندیاں عائد کی گئی ہیں۔ امریکی محکمہ خزانہ کے مطابق ان کمپنیوں سے لین دین کرنے والے غیر ملکی مالیاتی ادارے اور افراد بھی پابندیوں کی زد میں آسکتے ہیں۔ دوسری طرف ایرانی خبر ایجنسی نے کہا ہے کہ ایران نے امریکا کے مجوزہ حتمی منصوبے پر اب تک کوئی جواب نہیں بھیجا ہے۔
مہر نیوز کی ذرائع کے حوالے سے رپورٹ میں کہا گیا ہے کہ امریکی مجوزہ منصوبے پر ایران میں بات چیت جاری ہے، امریکی تجویز کا جائزہ لیا جا رہا ہے۔ ایرانی رپورٹ میں کہا گیا ہے کہ ماضی کے تجربات کی بنیاد پر، ایران ٹھوس اور حقیقی فوائد حاصل کرنے کا خواہاں ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ