پنجاب میں ایک گھر پر بجلی کے 2 میٹر نہیں لگیں گے؟
اشاعت کی تاریخ: 2nd, June 2025 GMT
وزرات پاور ڈویژن کی جانب سے لیسکو، فیسکو، میپکو سمیت دیگر پاور ڈویژن کو ہدایات جاری کی گئی ہیں کہ اب سے ایک گھر میں ایک سے زائد بجلی کا سنگل فیز میٹر نہیں لگایا جائے گا ۔
پاور ڈویژن کی جانب سے جاری کردی نئی ہدایت کے مطابق اگر کوئی گھر ایک سے زائد میٹر لگوانا چاہتا تو اس گھر کا الگ سے پورشن ہونا چاہیے، جس میں نیچے والے گھر سے الگ راستہ ہو اور اوپر والے پورشن میں ایک کچن لازمی ہو۔
یہ بھی پڑھیں:
داخلی اور خارجی راستہ الگ ہو، گھر کے اندر بجلی کنکشن کے لیے دونوں پورشنز کا الگ الگ الیکٹرک سرکٹ ہو، لاہور ڈیولپمنٹ اتھارٹی ان بائی لاز کی تصدیق بھی کرے گا کہ یہاں پر 2 پورشن بنائے گئے ہیں۔
سنگل فیز کنکشن پر 2 میٹر لگوانے پر پابندی کیوں؟پاور ڈویژن کی ہدایت کی مطابق صارفین 50 روپے کے اسٹامپ پیپر پر جو خاندان وہاں پر سکونت اختیار کر رہے ہوں گے، وہ الگ الگ حلف دیں گے کہ وہ الگ الگ رہتے ہیں اور ان کا داخلی اور خارجی راستہ بھی الگ ہے۔
پاور ڈویژن نے کہا ہے کہ 5 کلو واٹ تک کنکشن لینے والوں پر ان شرائط کا اطلاق نہیں ہوگا، پانچ کلو واٹ پر صارفین کو تھری فیز میٹر کی بنیاد پر کنکشن فراہم کیا جائے گا۔
پاور ڈویژن کی جانب سے جاری ہونے والی ہدایات میں بتایا گیا ہے کہ ایک گھر پر 2 میٹر لگانے پر پابندی کی سب سے بڑی وجہ یہ ہے کہ صارفین نے اپنے گھروں پر 3 سے 4 میٹر لگوا رکھے ہیں ،حکومت نے 2 سو یونٹ سے کم بجلی استعمال کرنے والوں کو ریلیف دے رکھا ہے۔
مزید پڑھیں:
’یہی وجہ ہے کہ صارفین 3 سے 4 میٹر لگوا کر بجلی کے ہر میٹر پر 2 سو سے کم یونٹ استعمال کرتے ہیں، جس سے وہ غربیوں کو ملنے والے ریلیف کے حقدار ہوجاتے ہیں، حالانکہ وہ صارفین ایک ماہ میں 7 سے 8 سو یونٹ بجلی استعمال کرتے ہیں ،جس سے حکومت کو نقصان ہو رہا ہے۔‘
لیسکو ذرائع کے مطابق جن گھروں پرپہلے سے ایک سے زائد سنگل فیز میٹر موجود ہیں ان کے خلاف بڑے آپریشن کی تیاری کی جارہی ہے، تمام صارفین کے ریکارڈ چیک کرنے کے بعد اہکار چھاپے ماریں گے اور ایک سے زائد میٹر استعمال کرنے والوں کے بجلی کنکشن کاٹ دیے جائیں گے، نئے ایک سے زائد میٹر لگوانے والے گھر کا نقشہ اور پچاس روپے کے اسٹامپ پیپر پر ہر خاندان الگ الگ سے اپنا حلف دے گا۔
لیسکو حکام کے مطابق جولائی کے مہینے میں ان نئے قوانین کا اطلاق ہو جائے گا، نئے قوانین کے حوالے سے آگاہی مہم بھی شروع کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹامپ پیپر الیکٹرک سرکٹ پاور ڈویژن حلف سنگل فیز صارفین لاہور ڈیولپمنٹ اتھارٹی لیسکو حکام میٹر وزرات پاور ڈویژن یونٹ بجلی.
ذریعہ
ذریعہ: WE News
کلیدی لفظ: اسٹامپ پیپر پاور ڈویژن حلف سنگل فیز صارفین لیسکو حکام میٹر وزرات پاور ڈویژن یونٹ بجلی پاور ڈویژن کی ایک سے زائد سنگل فیز الگ الگ
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
ٹی20 ورلڈ کپ 2026: پاکستان نے سپر 8 کے لیے جگہ پکی کر لی