نادیہ حسین اور شوہر کیخلاف بینک فراڈ کیس میں پیشرفت
اشاعت کی تاریخ: 2nd, June 2025 GMT
کراچی: ایڈیشنل ڈسٹرکٹ اینڈ سیشن جج ساؤتھ نے 53 کروڑ کے بینک فراڈ کیس میں اداکارہ نادیہ حسین سمیت 3 ملزم کی درخواست ضمانت پر فیصلہ ایک بار پھر موخر کردیا۔
ایڈیشنل ڈسٹرکٹ اینڈ سیشن جج ساؤتھ کی عدالت کے روبرو 53 کروڑ کے بینک فراڈ کیس میں اداکارہ نادیہ حسین سمیت 3 ملزم کی درخواست ضمانت کی سماعت ہوئی۔
نادیہ حسین اور دیگر ملزمان پیش ہوئے۔ عدالت نے نادیہ حسین، امتیازاحمد اور فیصل کی درخواستوں پر فیصلہ ایک بار پھر موخر کردیا۔
عدالت نے ریمارکس دیئے کہ درخواستوں پر فیصلہ 11 جون کو سنایا جائے گا۔ واضح رہے کہ نادیہ حسین، امتیاز احمد اور فیصل عبوری ضمانت پر ہیں۔ استغاثہ کے مطابق امتیاز اور فیصل پر الزام ہے کہ انہوں عاطف خان کے ساتھ ملکر فراڈ کیا۔
یاد رہے کہ عدالت نے اداکارہ نادیہ حسین کے شوہر عاطف خان کی ضمانت مسترد کردی تھی۔
.ذریعہ: Express News
کلیدی لفظ: نادیہ حسین
پڑھیں:
فیصل بینک اور Faureeنے اسلامک ڈیجیٹل سپلائی چین فنانس اینڈ ایگری ڈیجیٹائزیشن پلیٹ فارم متعارف کرادیا
پاکستان کے معروف اسلامی بینکوں میں سے ایک فیصل بینک لمیٹڈ (ایف بی ایل) نے اسلامک فنانس میں ڈیجیٹل تبدیلی کی جانب ایک اہم قدم اٹھاتے ہوئے جدید فن ٹیک ادارے Fauree کے ساتھ مفاہمت کی یادداشت (ایم او یو) پر دستخط کیے ہیں، جس کا مقصد ایک مکمل اسلامی ڈیجیٹل سپلائی چین فنانس (ایس سی ایف) اور ایگری ڈیجیٹائزیشن ایکو سسٹم کی تیاری اور نفاذ ہے۔ ایم او یو پر فیصل بینک کے فِلیٹ اینڈ ایگری کے ہیڈ آف کمرشل بینکنگ اسمال بزنسز انٹرپرائز (سی بی ایس ایم ای) الطاف حسین ثاقب اور Fauree کے شریک بانی و سی ای او اظہر تصدق نے دستخط کیے۔
اسٹریٹجک شراکت داری پر دستخط کی تقریب فیصل بینک آفس لاہور میں منعقد ہوئی، جس کے تحت ٹیکنالوجی پر مبنی شریعت کے مطابق مشترکہ طور پر ڈیجیٹل مالی سلوشنز تیار کیے جائیں گے، جیسے انوائس فنانسنگ، انوینٹری فنانسنگ، ڈسٹری بیوٹر فنانسنگ اور زرعی ویلیو چین شراکت داروں کے لیے تیار کردہ ایگری ڈیجیٹائزیشن پلیٹ فارم شامل ہیں۔
فیصل بینک کے صدر و سی ای او یوسف حسین نے کہا، ”پاکستان میں اسلامی بینکاری کے شعبے میں زرعی ڈیجیٹائزیشن کے بانی ادارے کی حیثیت سے یہ شراکت داری پورے ملک میں پیش گوئی پر مبنی، پیپر لیس اسلامک فنانسنگ سلوشنز کو وسعت دینے اور بہتر بنانے کے ہمارے عزم کو تقویت دیتی ہے۔ سی بی ایس ایم ای اور ایگری ورٹیکلز میں شامل بہترین ٹیکنالوجی کے ساتھ ہم شرعی اصولوں کے مطابق فصلوں، مویشیوں اور سپلائی چینز کے لیے جدید اور فوری مالی سہولتیں فراہم کرنے کے لیے پُرعزم ہیں۔“
شریک بانی اور سی ای او Fauree اظہر تصدق نے کہا، ”یہ تعاون پاکستان کی زرعی معیشت میں ایک اہم پیش رفت ہے۔ فیصل بینک کی اسلامی مالیاتی مہارت کو جدید ڈیجیٹل پلیٹ فارم کے ساتھ مربوط کرکے ہم پاکستان کا پہلا شریعت کے مطابق ڈیجیٹل سپلائی چین فنانس ایکو سسٹم تیار کرنے جا رہے ہیں۔ ملٹی پروڈکٹ اپروچ کے ذریعے ہمارا مقصد ایگری ویلیو چینز اورایس ایم ای سپلائی نیٹ ورکس کو مکمل طور پر ڈیجیٹائز کرنا ہے، جس میں فارم لیول فنانسنگ سے لے کر برآمدکنندگان کے لیے ورکنگ کیپیٹل سپورٹ تک شامل ہیں۔“
یہ اشتراک اسمارٹ ایس سی ایف پلیٹ فارم (سپلائرز، ڈسٹری بیوٹرز اور ریٹیلرز کے لیے ڈیجیٹل فنانسنگ) اور ایگری ٹیک انٹیگریشنز (ریئل ٹائم، کراپ اگنوسٹک فنانسنگ اور سہولت کاری) کے ذریعے مالی شمولیت اور آپریشنل کارکردگی بڑھانے کے ایک نئے دور کا آغاز ثابت ہوگا۔
فیصل بینک اور Fauree ایک قابلِ اعتماد ڈیجیٹل مالیاتی نظام کی بنیاد رکھ رہے ہیں، جو کم مراعات یافتہ طبقات کو شریعت کے مطابق قابل رسائی اور جدید ٹیکنالوجی پر مبنی مالی سہولتیں فراہم کرے گا۔
اشتہار
یرغمالیوں کی رہائی اور غزہ جنگ بندی کے لیے حالات سازگار ہیں: اسرائیلی آرمی چیف