برطانوی امتحانی بورڈ نے جی سی ایس ای اور اے لیول میں اے آئی مضمون متعارف کرادیا
اشاعت کی تاریخ: 3rd, June 2025 GMT
برطانوی امتحانی بورڈ لرننگ ریسورس نیٹ ورک (ایل آر این) بین الاقوامی GCSE اور A لیول کی سطح پر مصنوعی ذہانت (آرٹیفیشل انٹلیجنس) کے مضمون کو باضابطہ طور پر متعارف کرانے والا دنیا کا پہلا امتحانی بورڈ بن گیا ہے۔
لرننگ ریسورس نیٹ ورک دنیا بھر میں منظور شدہ اسکولوں اور مراکز کے ذریعے 14 سے 19 سال کی عمر کے طلباء کو اب آرٹیفیشل انٹلیجنس کی تعلیم فراہم کرے گا۔
ایل آر این کے چیف ایگزیکٹو پاکستانی نژاد ڈاکٹر محمد زوہیب طارق نے کہا کہ قابلیت کو سیکھنے والوں کو اے آئی تصورات، ایپلی کیشنز اور اخلاقی تحفظات کی سمجھ سے آراستہ کرنے کے لیے ڈیزائن کیا گیا ہے۔
اے آئی علمی وژن میں روایتی مضامین جیسے ریاضی یا طبیعیات کے برابر ہے اور بین الاقوامی سطح پر دستیاب ہے۔ انھوں نے کہا کہ برطانیہ جو اے آئی کی تعلیم میں قیادت کر رہا ہے۔
مصنوعی ذہانت میں دنیا کی پہلے مکمل اسکول کی اہلیت کا آغاز کر کے، ہم ایک عالمی معیار قائم کر رہے ہیں اور ہر جگہ کے طلباء کو اے آئی سے چلنے والے مستقبل کےلیے مضبوط تعلیمی بنیادیں بنانے کا موقع فراہم کر رہے ہیں۔
واضح رہے کہ آئی بی سی سی نے کیمبرج اور ایڈ کسل کے بعد اس تیسرے برطانوی بورڈ ایل آر این کو پاکستان میں GCSE اور A لیول کے امتحان لینے کی اجازت دی تھی اور اب تک پاکستان میں 50 سے زائد تعلیمی ادارے ایل آر این سے رجسٹرڈ ہوچکے ہیں۔
.
ذریعہ
ذریعہ: Jang News
کلیدی لفظ: اے ا ئی
پڑھیں:
سابق گورنر چودھری سرور کے بیٹے انس برطانیہ کے وزیر تجارت نامزد
لندن، لاہور (نمائندہ خصوصی، خصوصی نامہ نگار) سابق گورنر پنجاب چودھری محمد سرور کے بیٹے انس سرور برطانیہ کے نئے وزیر تجارت مقرر ہوگئے۔ برطانوی وزیر اعظم اینڈی برنہم نے انس سرور کو وزیر تجارت مقرر کر دیا ہے۔ وہ اپنی نئی تقرری کے بعد ہاؤس آف لارڈ کے ممبر بھی بن جائیں گے۔ انس سرور کو برطانیہ کے تینوں ہاؤسز کا ممبر بننے کا منفرد اعزاز بھی حاصل ہو گیا ہے، وہ اس سے پہلے برطانوی سیاست میں مختلف اہم ذمہ داریاں انجام دے چکے ہیں۔ برطانیہ بھر میں پاکستانیوں نے خوشی کا اظہار کیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع