صارفین اپنے علاقے کی بجلی کی صورتحال کیسے جانیں؟ کےالیکٹرک نے سائٹ لانچ کردی
اشاعت کی تاریخ: 4th, June 2025 GMT
شفافیت کو فروغ دینے کے اقدامات کے تحت کےالیکٹرک نے ایک خصوصی مائیکرو سائٹ لانچ کی ہے جس کے ذریعے اس کے نیٹ ورک سے منسلک صارفین اپنے علاقے کی بجلی کی صورتحال اور نقصانات کے پروفائل کی معلومات حاصل کر سکتے ہیں۔
یہ پورٹل صارفین کو ان کے علاقے کے پاور پروفائل کے بارے میں بروقت اور حقیقی معلومات فراہم کرتا ہے، تاکہ وہ بہتر طور پر آگاہ رہیں اور بجلی کی ترسیل پر اثر انداز ہونے والے عوامل کو سمجھ سکیں۔
صارفین اپنا کےالیکٹرک اکاؤنٹ نمبر درج کر کے جان سکتے ہیں کہ ان کا علاقہ بجلی کی فراہمی کے اعتبار سے کہاں کھڑا ہے، جس سے وہ بہتری کے لیے باخبر اقدامات اُٹھا سکتے ہیں۔
کےالیکٹرک کے ترجمان کا کہنا ہے کہ “یہ قدم آگاہی اور اجتماعی ذمہ داری کے رویے کو فروغ دینے کی ہماری مسلسل کاوشوں کا حصہ ہے، ہمارا مقصد صارفین کو معلومات کی رسائی دینا ہے تاکہ وہ جان سکیں کہ بروقت بلوں کی ادائیگی اور بجلی چوری میں کمی کس طرح محلوں کے لیے بجلی کی فراہمی کو بہتر بنا سکتی ہے، یہ عمل عوام کو مکمل معلومات سے باخبر رکھنے کا ذریعہ ہے۔”
ترجمان نے بتایا کہ کےالیکٹرک کے فیڈر نیٹ ورک کا 70 فیصد حصہ اب لوڈشیڈنگ سے مستثنیٰ ہے، جو ذمہ دارانہ استعمال اور بروقت ادائیگیوں کے مثبت نتائج کا منہ بولتا ثبوت ہے۔
نجکاری کے وقت یہ شرح صرف 6.
یہ پلیٹ فارم صارفین کو بجلی چوری کے قانونی نتائج سے بھی آگاہ کرتا ہے اور انھیں [email protected] کے ذریعے گمنام رپورٹنگ کے طریقے سے بھی آگاہی فراہم کرتا ہے۔
اس کے ساتھ، یہ رہنمائی بھی فراہم کرتا ہے کہ علاقے کے رہائشی بل کی ادائیگی کے کلچر کو فروغ دے کر فیڈر کی کارکردگی کو کس طرح بہتر بنا سکتے ہیں۔
کےالیکٹرک تمام صارفین سے اپیل کرتا ہے کہ وہ اس پورٹل کو ضرور استعمال کریں اور اپنے علاقے کے ترسیلی نظام کے استحکام کو یقینی بنانے میں فعال کردار ادا کریں۔ مائیکرو سائٹ کا لنک:
https://www.ke.com.pk/customer-services/know-your-area-status/
ذریعہ: Daily Ausaf
کلیدی لفظ: سکتے ہیں کرتا ہے بجلی کی
پڑھیں:
ٹرمپ اور مسک کے درمیان تنازعہ شدت اختیار کرتا ہوا
اسلام آباد (اُردو پوائنٹ ۔ DW اردو۔ 06 جون 2025ء) ٹیکس بل پر امریکی صدر اور حکومتی کارکردگی کا محکمہ (ڈی او جی ای) کے سابق مشیر ارب پتی ایلون مسک کے درمیان پچھلے چند دنوں کے دوران اختلافات کافی بڑھ گئے ہیں۔ مسک نے یہ تجویز پیش کی کہ امریکی صدر کا مواخذہ کیا جانا چاہیے۔
ٹرمپ کی طرف سے ’شاندار‘ ایلون مسک کو الوداع
سوشل میڈیا پوسٹس کی ایک سیریز میں، مسک نے ٹرمپ کے خلاف ذاتی حملے بھی شروع کیے، جو ’’ایپسٹین فائلز‘‘ تک پہنچ گیا۔
’’ایپسٹین فائلز‘‘ دراصل جنسی مجرم متوفی جیفری ایپسٹین سے متعلق وہ دستاویزات ہیں، جس میں ان کے اور اس کے ساتھیوں سے متعلق سفری نوشتہ جات اور مہمانوں کی فہرستیں شامل ہیں۔
(جاری ہے)
ایپسٹین فائلوں کا کچھ حصہ خفیہ ہے، جس سے تجسس اور سازشی نظریات کو تقویت ملتی رہی ہے۔
ٹرمپ اور مسک کے تعلقاتٹرمپ نے کہا کہ وہ نہیں جانتے کہ آیا مسک کے ساتھ ان کا ’’عظیم رشتہ‘‘ اسی طرح برقرار رہے گا، باوجودیکہ ارب پتی نے سوشل میڈیا پر ٹیکس بل کو ’’مکروہ‘‘ قرار دیا ہے۔
امریکہ میں ٹرمپ انتظامیہ کے خلاف سینکڑوں مظاہرے
ٹرمپ نے اوول آفس میں نامہ نگاروں کو بتایا،’’دیکھیں، ایلون اور میرے درمیان بہت اچھے تعلقات تھے۔ مجھے نہیں معلوم کہ یہ اب رہیں گے یا نہیں۔ میں حیران ہوں۔‘‘
ٹرمپ نے دعویٰ کیا کہ ٹیکس بل کے خلاف مسک کی مخالفت الیکٹرک گاڑیوں کے ٹیکس کریڈٹس کے خاتمے کی وجہ سے ہوئی، جس سے ٹیسلا کو ممکنہ طور پر نقصان پہنچے گا۔
امریکی صدر نے بعد میں اپنے میڈیا پلیٹ فارم ٹروتھ سوشل پر پوسٹ کیا، ’’میں نے ان کا ای وی مینڈیٹ چھین لیا‘‘ جس کے بعد مسک ’’بس پاگل ہو گیا‘‘۔
تاہم، مسک نے کہا کہ وہ اس بل کی اس لیے مخالفت کرتے ہیں کیونکہ اس سے وفاقی خسارے میں اضافہ ہو گا، ایکس پر ایک پوسٹ میں انہوں نے کہا ’’کانگریس امریکہ کو دیوالیہ پن میں ڈال رہی ہے۔
‘‘ایلون مسک کے بیانات اور یورپ میں ٹیسلا کے لیے خطرات
یہ سوشل میڈیا پر سلسلہ وار حملوں کا حصہ تھا جسے مسک نے بدھ کی شام شروع کیا۔ اس کے بعد ان کی پوسٹس سیاست سے ذاتیات کی طرف مڑ گئیں۔ اور مسک نے ٹرمپ اور جنسی مجرم جیفری ایپسٹین کو جوڑ دیا۔
مسک کا ایپسٹین فائلوں میں ٹرمپ کے ذکر کا دعویٰمسک نے بدھ کی شام کو ایک پوسٹ میں لکھا،’’واقعی بڑا بم گرانے کا وقت آگیا ہے۔
ٹرمپ کا ذکر ایپسٹین فائلوں میں ہے۔ یہی اصل وجہ ہے کہ انہیں پبلک نہیں کیا گیا۔ آپ کا دن اچھا گزرے ڈی جے ٹی۔‘‘مسک نے تاہم اپنے دعووں کے لیے کوئی ثبوت فراہم نہیں کیا۔
خیال رہے کہ امیر فنانسر جیفری ایپسٹین نے مقدمے کی سماعت کے انتظار میں خود کشی کرلی تھی۔ ٹرمپ کی ایپسٹین کے ساتھ پچھلی وابستگی میڈیا میں بھی بڑے پیمانے پر رپورٹ ہوئی ہے۔
ٹرمپ نے کہا ہے کہ 15 یا اس سے زیادہ سال پہلے دونوں کے درمیان تعلق ختم ہو گیا تھا اور انہوں نے ایپسٹین فائلوں کے اجراء پر عوامی طور پر اعتراض نہیں کیا تھا۔ یہ وہ دستاویزات ہیں جو ایپسٹین میں جنسی اسمگلنگ کی تحقیقات سے منسلک ہیں۔
یہ فائلیں فی الحال محکمہ انصاف کے زیر جائزہ ہیں۔
مسک کو ٹرمپ کی دھمکیٹرمپ نے ایپسٹین کے بارے میں مسک کی پوسٹس کا کوئی جواب نہیں دیا۔
لیکن بدھ کی شام دیر گئے، انہوں نے اپنے ٹروتھ سوشل پر ایک پوسٹ میں مسک کے سرکاری معاہدوں کو ختم کرنے کی دھمکی دی۔
ٹرمپ کی تجارتی جنگ، عالمی معیشت کی تباہی کا سبب؟
ٹرمپ نے کہا، ’’ہمارے بجٹ میں، اربوں اور اربوں ڈالر، پیسہ بچانے کا سب سے آسان طریقہ، ایلون کی سرکاری سبسڈی اور معاہدوں کو ختم کرنا ہے۔ میں ہمیشہ حیران تھا کہ بائیڈن نے ایسا کیوں نہیں کیا!‘‘
مسک نے حالیہ صدارتی انتخابات میں ٹرمپ کی وائٹ ہاؤس میں واپسی کی حمایت میں کم از کم 250 ملین ڈالر خرچ کیے۔
صدر بننے کے بعد ٹرمپ نے مسک کو لاگت میں کٹوتی کے محکمہ برائے حکومتی کارکردگی (ڈی او جی ای) کی سربراہی کا کام سونپا۔دریں اثنا خبر رساں ایجنسی روئٹرز کے مطابق وائٹ ہاؤس کے معاونین کا کہنا ہے کہ جمعے کے روز صدر ٹرمپ کی مسک کے ساتھ ایک فون کال طے ہے۔
ادارت: صلاح الدین زین
وزیراعظم محمد شہباز شریف 2 روزہ دورہ تاجکستان مکمل کرکے وطن روانہ