(سندھ بلڈنگ ) ناظم آبادمیں ناجائز تعمیرات کو ڈائریکٹر ضیاء کی سرپرستی
اشاعت کی تاریخ: 6th, June 2025 GMT
ضلع وسطی میں غیر قانونی عمارتوں کو انہدامی کارروائیوں سے محفوظ رکھنے والے ایس بی سی اے افسران نکلے
رہائشی پلاٹوں پر کمرشل تعمیر کی چھوٹ ، پلاٹ نمبر K70 پر دکانیں اور کمرشل استعمال کیلیے تیسری منزل قائم
انہدامی مہم کے دوران معاملات طے پانے والی بلڈروں کو چھوٹ ، ڈائریکٹر جنرل سے تاحال رابطہ نہیں ہوا
سندھ بلڈنگ ڈائریکٹر وسطی سید ضیا کے غیر قانونی دھندوں پر ڈی جی کی چشم پوشی ناظم آباد نمبر 1 پلاٹ نمبر K70 نایاب سینما کے برابر رہائشی پلاٹ پر دکانیں اور تین منزلہ عمارت تعمیر کی چھوٹ جرآت سروے جاری خلاف ضابطہ تعمیرات کو وسطی میں جاری انہدامی مہم میں بھی محفوظ رکھا گیا۔تفصیلات کے مطابق سندھ بلڈنگ کنٹرول اتھارٹی میں کچھ عرصہ قبل وسطی میں تعینات ہونے والے ڈائریکٹر سید ضیا کے غیر قانونی دھندے جاری ہیں جس پر ڈائریکٹر جنرل اسحاق کھوڑو نے چشم پوشی اختیار کر رکھی ہے موصوف نے سندھ بلڈنگ کنٹرول اتھارٹی کی سابقہ روایات کو برقرار رکھتے ہوئے رہائشی پلاٹوں پر کمرشل تعمیرات کی چھوٹ دے رکھی ہے زیر نظر تصویر میں واضح طور پر دیکھا جا سکتا ہے کہ ناظم آباد نمبر 1 پلاٹ نمبر K70 نایاب سینما کے برابر رہائشی پلاٹ پر دکانیں اور تجارتی مقاصد کے لئے تیسری منزل تعمیر کی جارہی ہے اور دلچسپ امر یہ ہے کہ گزشتہ دنوں وسطی میں جاری انہدامی مہم کے دوران بھی مذکورہ پلاٹ کو انہدام سے محفوظ رکھا گیا ہے سروے پر موجود نمائندہ سے گفتگو کرتے ہوئے عمران نامی شخص کا کہنا ہے کہ بلڈنگ افسران کی سرپرستی کے بغیر ایک منزل کی تعمیر بھی ناممکن ہے پھر کیسے ممکن ہے کہ ناظم آباد میں بلڈنگ افسران کی مرضی کے خلاف بلند عمارتیں تعمیر کی جا رہی ہیں جرآت سروے ٹیم کی جانب سے جاری تعمیرات پر موقف لینے کے لئے ڈی جی ہاس رابطہ کرنے کی کوشش کی گئی مگر رابطہ ممکن نہ ہو سکا۔
.
ذریعہ
ذریعہ: Juraat
کلیدی لفظ: رہائشی پلاٹ سندھ بلڈنگ تعمیر کی
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی