اردن اور ازبکستان نے پہلی بار فیفا ورلڈ کپ کے لیے کوالیفائی کرلیا
اشاعت کی تاریخ: 6th, June 2025 GMT
اردن اور ازبکستان نے 2026 کے فیفا ورلڈ کپ کے لیے اپنی جگہ پکی کر لی ہے۔ عمان کے خلاف 0-3 کی شاندار فتح نے نہ صرف اردنی ٹیم کو گروپ بی میں سرفہرست 2 ٹیموں میں شامل کیا بلکہ یہ کامیابی ان کے فٹبال کی تاریخ میں ایک نیا باب بھی رقم کر گئی۔ اس میچ میں علی علوان نے ہیٹ ٹرک اسکور کرکے فتح میں کلیدی کردار ادا کیا۔
ادھر جنوبی کوریا کی ٹیم ’ٹیگوک واریئرز‘ نے بھی عراق کو 0-2 سے شکست دے کر مسلسل گیارہویں بار ورلڈ کپ میں جگہ بنائی۔ اس میچ میں عراق کے علی الحمادی کو ابتدا ہی میں سرخ کارڈ دکھایا گیا، جس کے بعد کم جن گیو اور او ہیون گیو نے گول اسکور کرکے میچ کو یکطرفہ بنا دیا۔ جنوبی کوریا کی اس جیت سے اردن کی راہ مزید ہموار ہوئی۔
مزید پڑھیں: فیفا ورلڈ کپ 2026: جاپان نے سب سے پہلے کوالیفائی کرلیا
ایک اور اہم پیشرفت میں ازبکستان نے بھی پہلی بار ورلڈ کپ کے لیے کوالیفائی کر لیا۔ ابو ظہبی میں متحدہ عرب امارات کے خلاف 0-0 سے ڈرا میچ کھیل کر ازبک ٹیم نے گروپ اے میں ایران کے بعد دوسرا خودکار کوالیفائی مقام حاصل کیا۔ اس کامیابی میں گول کیپر اُتکیر یوسوپوف کا ناقابل تسخیر دفاع نمایاں رہا۔
اردن اور ازبکستان کی یہ تاریخی فتوحات ایشیائی فٹبال میں ابھرتی ہوئی قوتوں کی عکاسی کرتی ہیں، جبکہ ان ممالک کے شائقین کے لیے یہ لمحہ ایک خواب کی تعبیر ہے۔ ان پیشرفتوں سے ظاہر ہوتا ہے کہ 2026 کا ورلڈ کپ ایشیا کے لیے کئی حوالوں سے یادگار ثابت ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اردن ازبکستان فیفا فیفا ورلڈ کپ 2026.ذریعہ: WE News
کلیدی لفظ: ازبکستان فیفا فیفا ورلڈ کپ 2026
پڑھیں:
سٹاک مارکیٹ میں نئی تاریخ رقم، پہلی بار ایک لاکھ 21 ہزار پوائنٹس کی حد عبور
کراچی(نیوز ڈیسک)پاکستان سٹاک مارکیٹ میں ہنڈرڈ انڈیکس پہلی بار ایک لاکھ 21 ہزار پوائنٹس کی حد عبور کر گیا۔
کاروباری ہفتے کے تیسرے روز بھی کاروبار کے آغاز پر سٹاک ایکسچینج میں تیزی دیکھنے میں آئی ہے، 600 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 21 ہزار 104 پوائنٹس کی سطح پر پہنچ گیا۔
واضح رہے کہ گزشتہ کاروباری دن کے اختتام پر ہنڈرڈ انڈیکس 1573 پوائنٹس کے اضافے کیساتھ ایک لاکھ 20 ہزار 450 پوائنٹس کی سطح پر بند ہوا تھا۔
یاد رہے کہ پاکستان سٹاک مارکیٹ میں انڈیکس کا سابقہ ریکارڈ 1 لاکھ 20 ہزار 796 پوائنٹس تھا۔
Post Views: 4
چین نے ہانگ کانگ میں عالمی ثالثی ادارہ قائم کر دیا