سسرال میں پہلی عید الاضحیٰ؛ ماورا حسین کی قربانی کے بکروں کیساتھ تصاویر وائرل
اشاعت کی تاریخ: 7th, June 2025 GMT
معروف اداکارہ نے عیدالاضحیٰ پر قربانی کے لائے گئے جانوروں کی آؤ بھگت میں مصروف ہیں جس کی تصاویر سوشل میڈیا پر وائرل ہوگئیں۔
ماورا حسین اپنے سوشل میڈیا اکاؤنٹس کے ذریعے مداحوں سے رابطے میں رہتی ہیں۔ صرف انسٹاگرام پر ان کے فالورز کی تعداد 98 لاکھ ہے۔
ماروا حسین شادی کے بعد پہلی عید الاضحیٰ سسرال میں منا رہی ہیں۔ ان کی شادی فروری میں قریبی دوست اور اداکار امیر گیلانی سے ہوئی ہے۔
اپنے گھر میں پہلی عید الاضحیٰ پر ماورا حسین نے قربانی کے دو خوبصورت بکروں کے ساتھ تصاویر بنوائیں۔
ماورا حسین قربانی کے بکروں کی خوب آؤ بھگت کر رہی ہیں اور قربانی کے جانور بھی اداکارہ سے کافی مانوس نظر آ رہے ہیں۔
اداکارہ ماورا نے ان تصاویر میں نیلے اور سی گرین لباس زیب تن کر رکھا ہے جس میں وہ نہایت خوبصورت نظر آ رہی ہیں۔
ان کے مداحوں نے ان تصاویر پر مسرت کا اظہار کرتے ہوئے جانوروں سے محبت کے جذبے کو سراہا اور پیشگی عید مبارک بھی ادا کی۔
TagsShowbiz News Urdu.
ذریعہ: Al Qamar Online
کلیدی لفظ: ماورا حسین قربانی کے
پڑھیں:
چاروں صوبوں کے گورنرز کی عید الاضحیٰ کی مبارکباد
---فائل فوٹوزچاروں صوبوں کے گورنرز کامران ٹیسوری، فیصل کریم کنڈی، سردار سلیم حیدر خان اور جعفر مندوخیل نے عوام کو عیدالاضحیٰ کی دلی مبارکباد دی ہے۔
گورنر سندھ کامران ٹیسوری نے کہا کہ عید قربان ایثار، اخوت اور یکجہتی کا عملی پیغام ہے، خوشیوں میں مستحقین کو شامل کرنا قربانی کی اصل روح ہے، دعا ہے پاکستان میں امن، وحدت اور فلاح کی فضائیں قائم رہیں، عید کے بابرکت موقع پر ملکی استحکام اور قومی وحدت کے لیے دعاگو ہوں۔
گورنر خیبر پختونخوا فیصل کریم کنڈی کا کہنا ہے کہ عیدالاضحیٰ ایثار، قربانی، خلوص اور انسانیت کے جذبے کی تجدید کا دن ہے۔ عید الاضحیٰ کی خوشیوں میں غریب، نادار اور مستحق افراد کو بھی شریک کریں، عید کے ایام اخوت، ہمدردی اور اتحاد و یگانگت کا پیغام دیتے ہیں، اسلام امن، رواداری اور بھائی چارے کا دین ہے، ہم ملک و ملت کے استحکام، ترقی اور خوشحالی کے لیے متحد رہیں۔
صدر مملکت آصف علی زرداری اور وزیراعظم شہباز شریف نے قوم کو عیدالاضحیٰ کی مبارکباد دی ہے۔
گورنر پنجاب سردار سلیم حیدر خان نے کہا کہ غریب، نادار اور مستحق افراد کا خیال رکھیں، عیدکی خوشیوں میں شامل کریں، دعا ہے ملک میں امن، استحکام اور خوشحالی آئے، اللّٰہ تعالیٰ کشمیر اور فلسطین کے مسلمانوں کے مصائب میں کمی کرے، ہمیں آج ملکی سلامتی کےلیے جانیں قربان کرنے والے شہدا کو نہیں بھولنا چاہیے، ہمیں چاہیے آج نفرتیں بھی ختم کردیں اور آپس میں محبتیں بانٹیں،
گورنر بلوچستان جعفر مندوخیل نے کا کہنا ہے کہ عیدالاضحیٰ قربانی کا دن ہے جو محبت، ہمدردی اور رواداری کے جذبے کو ابھارتا ہے، عوام عید کی خوشیاں بانٹنے کے ساتھ اپنے ماحول میں صفائی کو ترجیح دیں، ہمارا مذہبی فریضہ ہے کہ ضرورت مندوں، یتیموں، بیواؤں اور غریب لوگوں کے ساتھ نعمتیں بانٹیں، قانون نافذ کرنے والے ادارے عوام کےجان و مال کی حفاظت کے لیے ٹھوس اقدامات کریں، ضلعی انتظامیہ جانوروں کی کھالوں اور آلائشوں کو جمع کرنے اور ٹھکانے لگانے کا بندوبست کرے۔
انہوں نے کہا کہ موجودہ حکومت کی کاوشوں سے اب صوبے کے اچھے دن آنے والے ہیں، صوبے میں روزگار کے نئے مواقع ملنے کے ساتھ خوشحالی آئے گی، دوست ملک چین بھی ہمارےساتھ ہوگا، میرے حالیہ دورے میں چین نے بلوچستان میں مزید سرمایہ کاری کی خواہش کی ہے، اس کے لیے ہمیں سازگار اور پرامن ماحول بنانا ہوگا، چین خصوصا کان کنی، تعلیم اور دوسرے شعبوں میں کام کرنا چاہتا ہے۔
سی ٹی ڈی کے مختلف شہروں مین آپریشنز، 34 دہشت گرد گرفتار کرنے کا دعویٰ