وفاقی وزیر داخلہ محسن نقوی کی امت مسلمہ اور قوم کو عید الاضحیٰ کی مبارکباد
اشاعت کی تاریخ: 7th, June 2025 GMT
سٹی42: وفاقی وزیر داخلہ محسن نقوی نے عید الاضحیٰ کے پرمسرت موقع پر امت مسلمہ اور پاکستانی قوم کو دل کی گہرائیوں سے مبارکباد پیش کرتے ہوئے اس دن کی روحانی اور اجتماعی اہمیت کو اجاگر کیا ہے۔
محسن نقوی نے اپنے پیغام میں کہا کہ عید الاضحیٰ سنتِ ابراہیمی کی پیروی اور اطاعتِ الٰہی کا عظیم مظہر ہے، جو ہمیں قربانی، ایثار، صبر اور اللہ کی رضا کیلئے نفس کی خواہشات کو قربان کرنے کا درس دیتی ہے۔انہوں نے کہا کہ حضرت ابراہیمؑ اور حضرت اسماعیلؑ کی قربانی اطاعت اور صبر کی ایسی لازوال مثال ہے جو رہتی دنیا تک انسانیت کیلئے مشعل راہ ہے۔
سنتِ ابراہیمی کی ادائیگی، کھالوں کے حوالے سے پولیس کی اہم ایڈوائزری جاری
محسن نقوی نے مزید کہا کہ قربانی صرف جانور ذبح کرنا نہیں بلکہ اپنی ذاتی خواہشات کو اللہ کی رضا کی خاطر قربان کرنا ہی اصل روحِ عبادت ہے۔پاکستان کی سالمیت اور ترقی کی خاطر بھی ہمیں ذاتیات کو پسِ پشت ڈال کر اجتماعی مفادات کیلئے قربانی دینا ہوگی، جیسے معرکۂ حق میں قوم نے لازوال قربانیاں دیں۔
وفاقی وزیر داخلہ نے افواجِ پاکستان کی قربانیوں کو بھی بھرپور خراج تحسین پیش کرتے ہوئے کہا کہ مسلح افواج اور عوام کا اتحاد ملکی تاریخ کا روشن باب ہے۔ مادرِ وطن کے محافظوں، شہداء اور ان کے خاندانوں کو یاد رکھنا ہمارا قومی فریضہ ہے۔ ان عظیم جان نثاروں کو سلام پیش کرتے ہیں جنہوں نے قیامِ امن اور وطن کے دفاع کیلئے اپنی جانوں کے نذرانے پیش کیے۔
انہوں نے عوام سے اپیل کی کہ عید کے اس پرمسرت موقع پر یتیموں، بیواؤں، ناداروں اور مستحق افراد کو اپنی خوشیوں میں شامل کریں اور اصل عید کا لطف اُن کے چہروں کی مسکراہٹ میں تلاش کریں۔
عید قربان پر قومی کرکٹرز کی مبارکباد، نیک تمناؤں کا اظہار
عالمی صورتحال پر بات کرتے ہوئے وزیر داخلہ نے کہا کہ فلسطین اور مقبوضہ کشمیر کے مظلوم بہن بھائی ہمارے دلوں اور دعاؤں کا حصہ ہیں، ہمیں ان کی آزادی اور سلامتی کیلئے بھی دعا کرنی چاہیے۔
آخر میں انہوں نے دعا کی کہ یہ عید امتِ مسلمہ کیلئے رحمت، برکت، یکجہتی اور امن کا پیغام ثابت ہو۔
ذریعہ: City 42
کلیدی لفظ: سٹی42 وزیر داخلہ محسن نقوی کہا کہ
پڑھیں:
سرفراز بگٹی کی قوم کو عید الاضحیٰ کی مبارکباد
اپنے پیغام میں وزیراعلیٰ بلوچستان نے کہا کہ عید الاضحیٰ ایثار، قربانی اور اتحاد کا پیغام دیتی ہے۔ ہم سب کو اس موقع پر محروم طبقات کو یاد رکھنا چاہئے۔ اسلام ٹائمز۔ وزیراعلیٰ بلوچستان سرفراز بگٹی نے پوری قوم کو عید الاضحیٰ کی مبارکباد پیش کرتے ہوئے وطن عزیز کی سلامتی، محبت اور امن کیلئے دعا کی ہے۔ اپنے بیان میں انہوں نے کہا کہ عید الاضحیٰ ایثار، قربانی اور اتحاد کا پیغام دیتی ہے۔ ہم سب کو اس موقع پر محروم طبقات کو یاد رکھنا چاہئے۔ قربانی کا جذبہ قومی یکجہتی اور بھائی چارے کی بنیاد ہے۔ عوام کی خوشحالی اور صوبے کی ترقی ہماری اولین ترجیح ہے۔ وزیراعلیٰ بلوچستان نے دعا کی کہ یہ عید ہم سب کے لئے سلامتی، محبت اور امن کا پیغام لائے۔ انہوں نے بیان کے آخر میں کہا کہ تمام اہل وطن کو عید الاضحٰی کی دلی مبارکباد پیش کرتا ہوں۔
مسلمان ہوشیار رہیں، ٹرمپ دور حاضر کا دجال ہے، علامہ مرید نقوی