ائیر فرانس نے بھی پاکستانی فضائی حدود کا استعمال شروع کردیا
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
فرانس کی قومی ائیر لائن، ائیر فرانس، نے پاکستان کی فضائی حدود کا استعمال دوبارہ شروع کر دیا ہے۔
پاکستان نے 24 اپریل کو پاک بھارت کشیدگی کے دوران بھارتی ائیرلائنز اور طیاروں کے لیے اپنی فضائی حدود بند کر دی تھی۔ دونوں ممالک کے درمیان جھڑپوں کے بعد کئی غیر ملکی ائیرلائنز نے پاکستان کی فضائی حدود استعمال کرنا بند کر دیا تھا، تاہم اب صورتحال معمول پر آ جانے کے بعد دیگر ائیرلائنز نے پاکستانی فضائی روٹس کو دوبارہ کھول لیا تھا۔ ائیر فرانس وہ واحد ائیر لائن تھی جو اس وقت تک پاکستان کی فضائی حدود استعمال نہیں کر رہی تھی، لیکن اب ائیر فرانس نے بھی اپنے طیاروں کو پاکستانی حدود سے گزارنا شروع کر دیا ہے۔
ائیر فرانس کی پروازیں، جیسے کہ پیرس-دہلی، ممبئی-پیرس، بینکاک، سنگاپور، منیلا، ہوچی منہہ اور دیگر ممالک کی پروازیں اب پاکستان کی فضائی حدود سے گزر کر اپنے مقامات تک پہنچتی ہیں۔
پاکستانی فضائی حدود استعمال نہ کرنے کی وجہ سے ائیر فرانس کو کئی ہفتوں تک طویل اور پیچیدہ راستوں کا انتخاب کرنا پڑا تھا۔
.ذریعہ: Jasarat News
کلیدی لفظ: پاکستان کی فضائی حدود
پڑھیں:
ساکران روڈ پر گھر میں فائرنگ سے ایک شخص جاں بحق
data-id="863a0a8" data-element_type="widget" data-widget_type="theme-post-content.default">
250916-02-12
کراچی (اسٹاف رپورٹر) شہر کے مختلف علاقوں میں حادثات و واقعات میں بچی اور خاتون سمیت 4 افراد جاںبحق ہوگئے‘ دیگر واقعات میں 5 افراد زخمی ہوئے۔ تفصیلات کے مطابق حب چوکی ساکران روڈ چڑھائی کے قریب گھر میں فائرنگ سے 30سالہ عزیز الرحمن ولد عبدالفتح نامی شخص جاں بحق ہوگیا۔ ابراہیم حیدری تھانے کی حدود کورنگی سیکٹر 51C (A&S) ریزیڈنسی کے قریب خود کو گولی مار کر 21 سالہ سیکورٹی گارڈ نعمان نے خود کشی کرلی۔ سرجانی میں 51 سی گھر سے 9 سالہ بچی کی پھندا لگی لاش ملی۔ متوفیہ کی لاش کو قانونی کارروائی کے لیے عباسی شہید اسپتال منتقل کر کے تفتیش کا آغاز کر دیا گیا۔ فیڈرل بی ایریا بلاک 21 کے گھر سے خاتون کی کئی روز پرانی لاش ملی‘ متوفیہ کی لاش کو متعلقہ تھانے سے ضابطے کی کارروائی کے بعد ایدھی ہوم سہراب گوٹھ سرد خانے منتقل کر دیا گیا۔ دوسری جانب پاک کالونی تھانے کی حدود پرانا گولیمار میں نامعلوم سمت سے آنے والی گولی لگنے سے 35 سالہ شائستہ زخمی ہوگیا۔ لانڈھی تھانے کی حدود کورنگی نمبر 6 نیوی روڈ کے قریب ڈکیتی کے دوران مزاحمت پر فائرنگ سے 35 سالہ شہروز ولد محمد افضل زخمی ہوا۔ شاہ لطیف تھانے کی حدود ملیر رزاق آباد دھنی پرتو گوٹھ ٹیلیفون ایکس چینج کے قریب جھگڑے کے دوران فائرنگ سے 28 سالہ راشد ولد غلام قادر زخمی ہوگیا۔ سہراب گوٹھ تھانے کی حدود نیو کراچی بھٹی چوک کے قریب فائرنگ سے 30سالہ عرفان ولد علی گوہر زخمی ہوا ۔
ڈکی بھائی کیخلاف جوئے کی ایپ کی تشہیر کے مقدمے میں اہم پیشرفت