کراچی؛ پولیس اہلکار کی فائرنگ سے نوجوان جاں بحق، دوسرا زخمی
اشاعت کی تاریخ: 10th, June 2025 GMT
کراچی:
اورنگی ٹاؤن میں موٹر سائیکلیں ٹکرانے پر پولیس اہلکار نے عدم برداشت کا مظاہرہ کرتے ہوئے فائرنگ کرکے نوجوان کو قتل کر دیا اور فائرنگ کی زد میں آکر دوسرا نوجوان زخمی ہوگیا جبکہ عزیز آباد تھانے میں تعینات اہلکار موقع سے فرار ہوگیا۔
کراچی کے علاقے اورنگی ٹاؤن کی توحید کالونی میں پولیس اہلکار کی فائرنگ سے جاں بحق ہونے والے نوجوان کی شناخت 27 سالہ فہیم اور زخمی نوجوان کی شناخت 21 سالہ انس کے نام سے ہوئی اور زخمی نوجوان کو طبی امداد فراہم کی جا رہی ہے جبکہ مقتول کی لاش ضابطے کی کارروائی کے لیے عباسی شہید اسپتال منتقل کی گئی۔
ایس ایچ او مومن آباد معراج انور نے بتایا کہ واقعہ دو موٹر سائیکلوں کے درمیان تصادم کے نتیجے میں پیش آیا ہے اور ابتدائی معلومات کے مطابق مقتول اور ملزم ایک ہی محلے کے رہائشی ہیں۔
انہوں نے کہا کہ مقتول فہیم اور ملزم اشتیاق کی موٹر سائیکلیں آپس میں ٹکرائی تھیں جس پر جھگڑا ہوا اور اس دوران اشتیاق اپنے گھر چلا گیا اور کچھ دیر بعد بھائی آصف کے ہمراہ اسلحہ لے کر آیا اور فہیم پر فائرنگ کر دی جس کے نتیجے میں وہ سینے پر گولی لگنے سے موقع پر ہی دم توڑ گیا۔
ایس ایچ او مومن آباد نے بتایا کہ مقول کے سینے سے پار ہونے والی گولی ان کے دوست اور محلے دار انس کی ٹانگ پر جا کر لگی جس سے وہ بھی زخمی ہوگیا۔
معراج انور نے مزید بتایا کہ فائرنگ کرنے والا ملزم اشتیاق پولیس اہلکار ہے اور عزیز آباد تھانے میں تعینات ہے جو کہ موقع سے اپنے بھائی سمیت فرار ہوگیا تاہم پولیس دونوں بھائیوں کی تلاش میں چھاپے مار رہی ہے جنھیں جلد گرفتار کرلیا جائے گا۔
انہوں نے کہا کہ واقعے کے بعد علاقہ مکینوں کی جانب سے شدید غم و غصے کا اظہار کیا گیا اور انہوں نے ملزمان کی فوری گرفتاری کا مطالبہ کیا اور پولیس نے ضابطے کی کارروائی کے بعد لاش ورثا کے حوالے کر دی۔
.ذریعہ: Express News
کلیدی لفظ: پولیس اہلکار
پڑھیں:
ہنگو میں پولیس قافلے پر ریموٹ کنٹرول دھماکا، ایس ایچ او سمیت دو اہلکار زخمی
ہنگو کے علاقے دوآبہ میں پولیس قافلے پر ریموٹ کنٹرول بم حملہ کیا گیا، جس کے نتیجے میں ایس ایچ او عمران الدین سمیت 2 پولیس اہلکار شدید زخمی ہو گئے۔
ایس پی انوسٹی گیشن عبدالصمد خان کے مطابق، پولیس افسران کربوغہ میں امن کمیٹی کے ساتھ میٹنگ کے بعد دوآبہ واپس آ رہے تھے کہ راستے میں روڈ کنارے نصب بم سے ان کے قافلے کو نشانہ بنایا گیا۔
یہ بھی پڑھیے: ہنگو میں گیس پلانٹ پر دہشتگردوں کا حملہ، 6 سیکیورٹی اہلکار شہید ہوگئے
دھماکے میں زخمی اہلکاروں کو ٹی ایچ کیو اسپتال دوآبہ منتقل کر دیا گیا ہے، جہاں انہیں طبی امداد دی جا رہی ہے۔
ایس پی انوسٹی گیشن، ڈی ایس پی اور ایس ایچ او ایک ہی قافلے میں سفر کر رہے تھے جب دھماکا پیش آیا۔
یاد رہے کہ چند روز قبل بھی ہنگو میں ایس پی آپریشنز زبیر کی گاڑی کو نشانہ بنایا گیا تھا، جس میں ایس پی زبیر اور 2 اہلکار شہید ہو گئے تھے۔
سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس حملہ ہنگو
پاکستان کا بھارت سے ملنے والی اپنی فضائی حدود 2 روز کیلیے بند کرنے کا فیصلہ