سعودی عرب کی جانب سے نئے عمرہ سیزن کا اعلان
اشاعت کی تاریخ: 11th, June 2025 GMT
سعودی عرب کی وزارتِ حج و عمرہ نے ہجری سال 1447 کے نئے عمرہ سیزن کا باقاعدہ آغاز کر دیا ہے۔ وزارت کی جانب سے بتایا گیا ہے کہ بیرونی ممالک سے آنے والے عمرہ زائرین کے لیے ویزے جاری کرنے کا عمل آج 11 جون 2025 سے شروع ہو گیا ہے، جسے ’نسُک‘ ایپ کے ذریعے آسان بنایا گیا ہے۔
یہ بھی پڑھیں:حجاج کی وطن واپسی کا آغاز، پہلی پرواز اسلام آباد پہنچ گئی
میڈیا رپورٹ کے مطابق حکام نے بتایا ہے کہ جدید ڈیجیٹل نظام کے ذریعے عمرہ اجازت نامے کا حصول، رہائش اور نقل و حمل کی سہولتوں میں نمایاں بہتری لائی گئی ہے۔ اس عمل کا مقصد نہ صرف عمرہ کے زائرین کے لیے سہل اور پرسکون ماحول فراہم کرنا ہے بلکہ سعودی وژن 2030 کے تحت مذہبی سیاحت کے شعبے کو بھی مستحکم بنانا ہے۔
سعودی انتظامیہ نے پہلے ہی سے تکنیکی و عملی طور پر اس سیزن کی تیاری شروع کر دی تھی اور مختلف متعلقہ اداروں کے ساتھ ہم آہنگی کے ذریعے لازمی پیشگی اقدامات کیے گئے ہیں، تاکہ عمرہ زائرین کے لیے بہترین انتظامات یقینی بنائے جا سکیں۔
یہ بھی پڑھیں:حج کے کامیاب انعقاد کا اعتراف، پاکستان حج مشن کو ایکسی لینس ایوارڈ سے نوازا گیا
اس حوالے سے حکومت نے متعدد زبانوں میں ڈیجیٹل آگاہی مہمات چلانے کے ارادے کا اعلان کیا ہے، جس سے زائرین کو صحت، حفاظت، سہولت اور رہنمائی سے متعلق افہام و تفہیم میں مدد ملے گی۔
یاد رہے کہ رواں برس حج سیزن جو 9 جون 2025 کو مکمل ہوا، میں دنیا بھر سے 16 لاکھ سے زائد زائرین نے شرکت کی تھی، اور بہتر انتظام کاری کی وجہ سے یہ حج تمام پہلوؤں سے کامیاب رہا ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حج حج سیزن عمرہ.ذریعہ: WE News
کلیدی لفظ: کے لیے
پڑھیں:
27ویں آئینی ترمیم کے ذریعے صوبوں کے کون سے اختیارات وفاق کو مل سکتے ہیں؟ فیصل واؤڈا نے بتا دیا
سابق وفاقی وزیر فیصل واؤڈا نے کہا ہے کہ پہلے ملک میں ’تاریخ پہ تاریخ‘ چلتی تھی، اب ’ترمیم، ترقی، ترمیم، ترقی‘ چلے گی۔
نجی ٹی وی پروگرام میں گفتگو کرتے ہوئے فیصل واؤڈا نے کہا کہ بلاول بھٹو زرداری ہمیشہ جمہوریت کی بات کرتے ہیں، آصف زرداری بھی جمہوریت کے بڑے کھلاڑی مانے جاتے ہیں، ان دونوں کے ہوتے ہوئے نہ جمہوریت ڈی ریل ہونے جارہی ہے اور نہ 27ویں آئینی ترمیم اتنی آسانی سے پاس ہونے جارہی ہے۔
یہ بھی پڑھیں: کوئی آئے نہ آئے آئینی ترمیم پاس ہونے جا رہی ہے،آئیں گے تو عزت بچ جائے گی، فیصل واوڈا
فیصل واؤڈا نے کہا کہ بلاول بھٹو زرداری نے اچھا اقدام کیا ہے کہ 27ویں ترمیم کی بات سب کے سامنے رکھ دی، پہلے 26ویں ترمیم کی ضرورت تھی، اب 27ویں کی ضرورت پڑ گئی، آگے بھی ترامیم آتی رہیں گی، 27ویں ترمیم پر پارلیمان میں بحث بھی ہوجائے گی۔
انہوں نے کہا کہ 27ویں ترمیم سے 18ویں ترمیم پر کوئی خاص اثر نہیں پڑے گا، صرف تعلیم اور پلاننگ وفاق کو دینے کی بات کی جارہی ہے، میرے خیال میں تعلیم تو پورے ملک میں ایک ہونی چاہیے، سیکیورٹی کے معاملات بھی وفاق کو ملنے چاہئیں۔
یہ بھی پڑھیں: وزیراعظم کی قیادت میں لیگی وفد کی آصف زرداری اور بلاول بھٹو سے ملاقات، 27ویں ترمیم پر حمایت کی درخواست
انہوں نے کہا کہ وفاق کے پاس کچھ چیزوں کو ایڈریس کرنے کے لیے پورے پیسے بھی نہیں ہوتے، وہ قرضے لیتے ہیں اور بھکاری بن جاتے ہیں، جبکہ صوبے خود مختار ہو جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ویں ترمیم we news آئین پاکستان پیپلز پارٹی صوبے فیصل واوڈا وفاق
آزاد کشمیر، تحریکِ عدم اعتماد آج بھی پیش نہیں کی جا سکی