جنوبی افریقہ: طوفانی بارشوں اور سردی سے درجنوں افراد ہلاک
اشاعت کی تاریخ: 12th, June 2025 GMT
اسلام آباد (اُردو پوائنٹ ۔ DW اردو۔ 12 جون 2025ء) جنوبی افریقہ میں حکام نے بدھ کے روز بتایا کہ ملک میں شدید بارشوں کی وجہ سے مشرقی کیپ صوبے میں زبردست سیلابی صورتحال کے سبب کم از کم 49 افراد کے ہلاک ہونے کی اطلاع ہے۔
مشرقی کیپ صوبے کے انتظامی سربراہ لوبابالو آسکر مابویان کا کہنا ہے کہ متاثرین کی، تعداد گھنٹوں کے حساب سے بڑھ رہی ہے۔
زمین پر صورتحال بہت خراب ہے۔ اس حساب سے ہلاکتوں کی تعداد میں مزید اضافے کا خدشہ ہے۔جنوبی افریقہ میں بحر ہند سے لے کر اندرون ملک میں بلند پہاڑوں تک پھیلا ہوا ہے وسیع تر دیہی خطہ، ہفتے کے اواخر سے شدید بارش اور برف باری کی زد میں ہے۔ اس کی وجہ سے جنوبی افریقہ کا بیشتر حصہ سیلاب اور شدید سردی کی لپیٹ میں ہے۔
(جاری ہے)
لوبابالو آسکر مابویان نے نامہ نگاروں کو بتایا کہ "ہم نے سردیوں کے موسم میں بھی برف باری اور طوفانی بارشوں کا اس طرح کا منظر کبھی نہیں دیکھا۔
" ہلاک ہونے والوں میں اسکولی بچے بھی شاملصوبائی حکام نے بتایا ہے کہ ہلاک ہونے والوں میں اسکول جانے والے منی بس میں سوار چار بچے بھی شامل ہیں، جو پانی میں بہہ گئے۔
مابویان نے کہا، "افسوس کی بات ہے کہ منی بس کے ڈرائیور اور کنڈکٹر سمیت چار افراد کے مرنے کی تصدیق کی گئی ہے، جبکہ ابھی تک دیگر چار اسکولی بچے لاپتہ ہیں اور ان کی تلاش جاری ہے۔
" انہوں نے مزید کہا کہ تین دیگر افراد بچا لیے گئے ہیں۔حکام نے یہ کہتے ہوئے دیگر متاثرین کے بارے میں اضافی معلومات فراہم نہیں کیں کہ صورت حال تیزی سے بدل رہی ہے۔
مشرقی کیپ نے ایسی آفات کا 'کبھی تجربہ نہیں کیا'جنوبی افریقہ میں موسمیات سے متعلق محکمے نے خبردار کیا ہے کہ ابھی چند مزید روز تک شدید موسم اور شدید سردی کے جاری رہنے کی توقع ہے۔
مابویان کا کہنا تھا، "اب ہم ریسکیو آپریشن میں مصروف ہیں۔ اس لیے ہم اعداد و شمار حاصل کرنے کی کوشش کر رہے ہیں۔ اپنے لوگوں کو اس صورت حال سے، مردہ یا زندہ، نکالا جائے۔"
انہوں نے کہا کہ ہمیں مزید وسائل کی ضرورت ہے۔ مابویان نے مزید کہا کہ "ہم نے کبھی اس طرح کی آفات کا تجربہ نہیں کیا لیکن اب یہ موسمیاتی تبدیلی اور گلوبل وارمنگ کے ساتھ ناگزیر ہے۔
" سینکڑوں افراد پناہ گاہوں میںدور دراز کے علاقے سے لی گئی تصاویر میں بہت سی دیہی بستیوں کو پانی میں غرقاب دیکھا جا سکتا ہے۔ حکام کے مطابق اس قدرتی آفت نے گھروں میں زیر آب کر دیا ہے، جبکہ رہائشی بے گھر ہو گئے ہیں۔
صوبائی حکام نے بجلی اور پانی کی فراہمی سمیت بنیادی ڈھانچے کو ہونے والے نمایاں نقصان کی اطلاع دی ہے۔
سینکڑوں خاندانوں نے کمیونٹی سینٹرز میں پناہ لے رکھی ہے۔
جنوبی افریقہ کے صدر سیرل رامافوسا نے ایک بیان میں خبردار کیا کہ سخت سردیوں کے حالات "جان لیوا ہیں۔" انہوں نے مزید کہا کہ ہنگامی خدمات، بشمول نیشنل ڈیزاسٹر مینجمنٹ سینٹر، "بحرانوں سے نمٹنے کے لیے ضروری توجہ دے رہے ہیں۔"
ادارت: جاوید اختر
.
ذریعہ
ذریعہ: UrduPoint
کلیدی لفظ: تلاش کیجئے جنوبی افریقہ حکام نے کہا کہ
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار