اردنی فورسز نے اسرائیل کی سمت آنے والا ڈرون تباہ کر دیا
اشاعت کی تاریخ: 14th, June 2025 GMT
data-id="863a0a8" data-element_type="widget" data-widget_type="theme-post-content.default">
عقبہ: اردن کی فضائیہ نے اسرائیل کی جانب پرواز کرنے والے ایرانی ڈرون کو عقبہ ریجن میں کامیابی سے مار گرایا، یہ کارروائی اردنی فضائی حدود کی خلاف ورزی روکنے کے لیے کی گئی۔
عرب میڈیا کے مطابق اردنی حکام نے تصدیق کی ہے کہ ایران سے اسرائیل کی جانب لانچ کیے گئے ڈرونز میں سے ایک ڈرون اردن کی فضائی حدود میں داخل ہوا، جس پر ائیر ڈیفنس سسٹم کو فوری طور پر فعال کر کے کارروائی کی گئی اور ڈرون کو مار گرایا گیا۔ اردنی مسلح افواج کے مطابق یہ اقدام شہری علاقوں میں کسی بھی ممکنہ جانی نقصان سے بچنے کے لیے کیا گیا۔
بیان میں کہا گیا کہ اردن کی افواج ملک کی زمینی، فضائی اور سمندری سرحدوں کے دفاع کے لیے مکمل الرٹ ہیں اور کسی بھی حالت میں اپنی فضائی حدود کی خلاف ورزی کی اجازت نہیں دی جائے گی۔
واضح رہے کہ گزشتہ روز بھی اردن کی فوج نے متعدد میزائلوں اور ڈرونز کو اپنی فضائی حدود میں داخل ہونے سے پہلے ہی تباہ کر دیا تھا۔ ادھر امریکی میڈیا نے دعویٰ کیا ہے کہ مشرق وسطیٰ کے کئی ممالک نے اسرائیل پر ایرانی حملے کو روکنے میں اس کی خفیہ معاونت کی ہے، جس میں اردن بھی پیش پیش رہا۔
.ذریعہ: Jasarat News
کلیدی لفظ: اردن کی
پڑھیں:
پاکستان کی فضائی حدود موثر طور پر فعال ہے، پاکستان ایئرپورٹس اتھارٹی
اسرائیل کے ایران پر حملوں کے بعد عراق، اردن اور شام کی جانب سے اپنی فضائی حدود کو بند کرنے کے احکامات سامنے آئے ہیں. تاہم پاکستان کے فضائی راستے مکمل طور پر فعال ہیں اور موجودہ صورتحال کے باعث پاکستان کی حدود میں آنے والے اضافی ایئر ٹریفک کو بھی منظم انداز میں کنٹرول کیا جا رہا ہے۔خطے میں سیکیورٹی صورتحال کے باوجود پاکستان کی فضائی حدود مؤثر طور پر استعمال ہو رہی ہیں۔ پاکستان ایئرپورٹس اتھارٹی کے مطابق اضافی فضائی ٹریفک کو معمول کے مطابق پیشہ ورانہ انداز میں سنبھالا جا رہا ہے۔اتھارٹی کا کہنا ہے کہ بین الاقوامی پروازوں کو پاکستان کی فضائی حدود سے گزرنے میں کوئی رکاوٹ درپیش نہیں. بہترین ایئر اسپیس مینجمنٹ کے ذریعے اضافی فضائی نقل و حرکت سے نمٹا جا رہا ہے۔
خیال رہے کہ اسرائیل کی جانب سے ایران پر تازہ حملوں میں سربراہ پاسدارانِ انقلاب، ایرانی آرمی چیف اور 6 جوہری سائنسدانوں کے علاوہ 5 شہری شہید جبکہ 50 سے زائد زخمی ہوئے ہیں۔
ایک رات میں سب کچھ تبدیل نہیں کیا جاسکتا، وفاقی وزیر خزانہ