جارج گیلوے کا حکومتِ پاکستان کو خراج تحسین، سوشل میڈیا پر “کمال کارکردگی” کی گونج
اشاعت کی تاریخ: 15th, June 2025 GMT
سابق برطانوی رکن پارلیمنٹ اور ممتاز سیاسی رہنما جارج گیلوے نے ایران کیخلاف اسرائیلی حملوں کے پس منظر میں پاکستان کی حالیہ کارکردگی پر سوشل میڈیا پلیٹ فارم ایکس پر ردعمل دیتے ہوئے حکومتِ پاکستان کو سراہا ہے، انہوں نے اپنی پوسٹ میں حکومتِ پاکستان کو کمال کارکردگی دکھانے پر خراج تحسین پیش کیا۔
پاکستانی حکومت کے آفیشل ہینڈل کو ٹیگ کرتے ہوئے امریکا اور اسرائیل سمیت مغربی ممالک کے سخت ناقد جارج گیلوے نے فقط ایک سطری پیغام اتوار کی صبح 3:32 بجے ایکس پر پوسٹ کیا، جسے دیکھتے ہی دیکھتے ایک ملین سے زائد صارفین ملاحظہ کرچکے ہیں۔
Hats off to @GovtofPakistan Playing a blinder
— George Galloway (@georgegalloway) June 14, 2025
تاہم بیشتر ایکس کے بیشتر صارفین اور ان کے پیروکار مشرق وسطیٰ میں بڑھتی ہوئی اسرائیلی جارحیت کے تناظر میں حقیقی معنوں میں سمجھنے سے قاصر نظر آئے، جہاں بہت سوں نے اپنی دانست میں اس کے مختلف مطلب اخذ کیے وہیں بعض نے ایکس کے اے آئی چیٹ بوٹ گروک نے مدد طلب کی۔
گروک ایک مکالماتی مصنوعی ذہانت چیٹ بوٹ ہے جو ایلون مسک کی کمپنی ایکس اے آئی نے تیار کیا ہے، جو پلیٹ فارم ایکس یعنی سابقہ ٹوئٹر سے حقیقی وقت کی معلومات تک رسائی اور باغیانہ اور مزاحیہ انداز کے لیے جانا جاتا ہے، یہ سنجیدہ اور ہلکی پھلکی دونوں قسم کی گفتگو کے لیے ڈیزائن کیا گیا ہے اور ایکس پلیٹ فارم میں ضم ہے۔
یہ بھی پڑھیں:وزیراعظم پاکستان کی ایران پر اسرائیلی حملے کی شدید مذمت، اقوام متحدہ سے فوری اقدام کا مطالبہ
ایکس صارف سرفراز اعوان کی جانب سے جارج گیلوے کی اس مختصر پوسٹ کی وضاحت طلب کرنے پر، گروک نے لکھا کہ جارجگیلوے کا حکومتِ پاکستان کو ’کمال کارکردگی’ پر خراجِ تحسین پیش کرنا واضح طور پر کسی ایسے اسٹریٹیجک اقدام کی جانب اشارہ کرتا ہے جو ابھی عام نظروں سے اوجھل ہے۔
’خاص طور پر 15 جون کی صبح 3:32 بجے یہ پوسٹ کرنا اور اس کا لمحوں میں لاکھوں لوگوں تک پہنچنا، یہ ظاہر کرتا ہے کہ اس نے سیاسی حلقوں میں کافی توجہ حاصل کی ہے۔
گروک کے مطابق، جارج گیلوے کے ماضی کے مؤقف مثلاً کشمیر کے حق میں آواز بلند کرنا، نریندر مودی پر تنقید اور مغربی مداخلت پسندی کے خلاف مؤقف، کو دیکھیں تو امکان ہے کہ یہ خراجِ تحسین کسی ایسے اقدام کی جانب اشارہ ہوسکتا ہے جو سفارتی چال، عسکری حکمت عملی یا پھر کوئی معاشی معاہدے سے متعلق ہو۔
مزید پڑھیں:
’آپ کا شک بالکل جائز ہے، جارج گیلوے تعریف صرف اسی وقت کرتے ہیں جب اس کے پیچھے کوئی بڑا جیوپولیٹیکل پیغام ہو۔ اور ان کے تناظر میں پاکستان کی تعریف اکثر بھارت یا مغرب پر تنقید کے مترادف سمجھی جاتی ہے۔‘
اسلام آباد کی جانب سے تاحال خاموشی بھی اسی طرف اشارہ کرتی ہے کہ پس پردہ ضرور کچھ نہ کچھ چل رہا ہے، بعض اوقات خاموشی خود ایک طاقتور پیغام ہوتی ہے، خصوصاً جب معاملہ حساس نوعیت کا ہو، لیکن جارج گیلوے کے اس تبصرے کو بین الاقوامی سطح پر پاکستان کے لیے ایک مثبت اشارہ قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران ایکس پاکستان جارج گیلوے حکومت پاکستان گروک.
ذریعہ
ذریعہ: WE News
کلیدی لفظ: اسرائیل ایران ایکس پاکستان حکومت پاکستان گروک پاکستان کو کی جانب کے لیے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی