ایران پر اسرائیلی حملہ: عالمی امن کیلیے خطرہ!
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
اسرائیلی حملے کے بعد ایران کا جوابی ردعمل ہنوز جاری ہے اور نہیں معلوم کہ یہ سلسلہ کب تک جاری رہے۔ 13 جون کی صبح اسرائیل نے ایران کے خلاف بڑے پیمانے پر فضائی حملے کیے اور اس کا جوازیہ پیش کیا کہ اسرائیل ایران کے جوہری پروگرام کو اپنی قومی سلامتی کے لیے سب سے بڑا خطرہ سمجھتا ہے۔ بن یامین نیتن یاہو نے دعویٰ کیا کہ ایران چند ماہ یا ایک سال کے اندر جوہری ہتھیار بنا سکتا ہے، جس کی روک تھام کے لیے فوری کارروائی ضروری تھی۔ حملوں کا بنیادی ہدف ایران کی جوہری تنصیبات، خاص طور پر نطنز میں یورینیم افزودگی کی سہولت اور خنداب و خرم آباد کی جوہری سائٹس تھیں۔ اسرائیل کا یہ بھی الزام ہے کہ ایران حماس، حزب اللہ، اور یمنی حوثیوں جیسے عسکریت پسند گروہوں کی مالی اور عسکری مدد کرتا ہے، جو اسرائیل کے خلاف حملوں میں ملوث ہیں۔ اس حملے میں اسرائیل نے ایرانی فوجی قیادت کو نشانہ بنایا، جن میں پاسداران انقلاب کے کمانڈر حسین سلامی اور ایرانی مسلح افواج کے چیف آف اسٹاف میجر جنرل محمد باقری شامل تھے۔ نطنز میں یورینیم افزودگی کی سہولت، جو ایران کی سب سے اہم جوہری تنصیب ہے، کو تباہ کیا گیا۔ اس کے علاوہ اصفہان کی یورینیم کنورژن سہولت اور دیگر جوہری تنصیبات بھی نشانہ بنیں، تہران اور دیگر علاقوں میں فوجی اڈوں اور ایرانی عسکری قیادت کے ٹھکانوں کو نشانہ بنایا گیا، جس سے کئی اعلیٰ فوجی افسران شہید ہوئے۔ اسرائیل نے ایران کے اندر سے ڈرونز اور میزائل استعمال کر کے ایرانی فضائی دفاع کو ناکارہ بنایا، جس سے حملوں کی کامیابی ممکن ہوئی۔ ایرانی سپریم لیڈر آیت اللہ علی خامنہ ای نے اسرائیلی حملوں کے جواب میں سخت ردعمل کا اعلان کیا۔ انہوں نے قوم سے خطاب میں کہا کہ اسرائیل نے ’’گھناونا جرم‘‘ کیا اور رہائشی علاقوں کو نشانہ بنا کر اپنی ’’بدنما فطرت‘‘ کا اظہار کیا۔ خامنہ ای نے خبردار کیا کہ اسرائیل کو ’’سخت سزا‘‘ کا سامنا کرنا پڑے گا اور ایرانی مسلح افواج ’’کاری ضربیں‘‘ لگائیں گی۔ انہوں نے یہ بھی کہا کہ اسرائیل نے اپنے لیے ’’تلخ اور تکلیف دہ قسمت‘‘ کا انتخاب کیا ہے، اور ایران اسے ’’بے اثر اور بے بس‘‘ کر دے گا۔ ان کے بیانات کے ساتھ ایران نے ’’وعدہ صادق ‘‘ کے نام سے جوابی کارروائی شروع کی، جس میں سیکڑوں بیلسٹک میزائل داغے گئے جس کے نتیجے میں متعدد صہیونی ہلاک اور تین سو سے زاید زخمی ہوئے، ایران نے اسرائیلی جوہری تنصیبات ڈیمونا کو بھی نشانہ بنایا۔ دوسری جانب ایران نے برطانوی بحری جہاز کو بھی روک لیا ہے، جب کہ ایران آبنائے ہرمز کی بندش پر بھی غور کر رہا ہے۔ ایرانی صدر کا کہنا ہے کہ تمام مسلم ممالک کی ذمے داری ہے کہ وہ اسرائیل کے خلاف اٹھ کھڑے ہوں۔ حقیقت یہ ہے کہ عالمی طاقتوں کی سازشوں اور ریشہ دوانیوں کی وجہ سے مشرقِ وسطیٰ نصف صدی سے آگ میں جل رہا ہے، مغربی طاقتوں نے اپنے مقاصد کے لیے اسرائیل نامی جو خنجر عالم ِ اسلام کے سینے میں پیوست کیا ہے اس سے آج بھی خون رس رہا ہے، امریکا اور مغربی طاقتیں اسرائیل کو خطے کی سب سے مضبوط عسکری قوت بنانے کی خواہش مند ہیں، انہیں محسوس ہوتا ہے کہ ایران اس راہ کی سب سے بڑی دیوار ہے، اس لیے کوشش کی جاتی رہی ہے کہ کسی طرح ایران کو کمزور کیا جائے تاکہ اسرائیل کو خطے میں مکمل طور پر کھل کھیلنے کا موقع ملے۔ 13 جون کو ایران پر اسرائیل کا حملہ پہلا حملہ نہیں اسرائیل ایران کو اپنے وجود کے لیے سب سے بڑا خطرہ سمجھتا ہے اور اس کی پوری کوشش ہے کہ کسی طرح ایران کو غیر مسلح کردیا جائے تاکہ وہ گریٹر اسرائیل کے خاکے پر رنگ بھر سکے، اسرائیل اپنے قیام سے لے کر اب تک ایران کے خلاف براہ راست بھی اور بالواسطہ حملے بھی کیے ہیں، جس میں ہدف ایران کا جوہری پروگرام، فوجی تنصیبات اور سائنسدان رہے ہیں، خفیہ یا بالواسطہ نوعیت کے ان حملوں میں ایران کے متعدد جوہری سائنسدانوں کو چن چن کر نشانہ بنایا گیا۔ ایران نے اسرائیلی حملے کے جواب میں جس ردعمل کا اظہار کیا ہے، وہ صہیونی قیادت کے وہم وگمان میں بھی نہیں تھا۔ ایران پر اسرائیلی جارحیت کے ضمن میں پاکستانی دفترخارجہ کا یہ کہنا بجا ہے کہ ایران کو اقوامِ متحدہ کے چارٹر کے تحت اپنے دفاع کا حق حاصل ہے۔ یوں تو اسرائیل نے حملے کا جواز ایران کے جوہری پروگرام کو قراردیا ہے مگر اصل حقیقت یہ ہے کہ جوہری پروگرام اور تنصیبات تو محض ایک بہانہ ہے صہیونی قیادت اور اس کے مغربی سرپرستوں کا اصل ہدف رجیم کی تبدیلی کا تھا، اپنے اصل عزائم کا اظہار خود نیتن یاہو بھی کرچکے ہیں مگر محسوس ہوتا ہے کہ اسرائیل اور مغربی طاقتیں اپنے ان عزائم میں کامیاب نہیں ہوسکیں گی۔ اس امر میں کوئی شبہ نہیں کہ مشرقِ وسطیٰ جو پہلے ہی آگ میں جل رہا ہے، ایران پر اسرائیلی حملے نے جلتی پر تیل کا کام کیا ہے، یہ کشیدگی خطے کے لیے خطرناک ثابت ہوسکتی، اقوامِ متحدہ اور عالمی برادری نے اسرائیل کے جنگی جنون کو قابو میں کرنے کے لیے ٹھوس اور سنجیدہ اقدامات نہ کیے تو جنگ میں مزید شدت آنے کے امکانات ہیں اور اگر آگ کی شدت پھیلے تو صرف مشرقِ وسطیٰ ہی نہیں پوری دنیا کا امن خطرے سے دوچار ہوسکتا ہے۔
.ذریعہ: Jasarat News
کلیدی لفظ: ایران پر اسرائیل جوہری پروگرام نشانہ بنایا کہ اسرائیل اسرائیل کے اسرائیل نے نے اسرائیل اور ایران کہ ایران ایران نے ایران کو ایران کے کے خلاف کیا ہے رہا ہے کے لیے
پڑھیں:
اسرائیل نے ایئرفورس کو ایران پر حملے کی مکمل آزادی دے دی‘ دوجنرل‘ 3 جوہری سائنسدان اور20 بچوں سمیت 65 شہری شہید
تل ابیب/تہران(اردوپوائنٹ اخبارتازہ ترین-انٹرنیشنل پریس ایجنسی۔14 جون ۔2025 )اسرائیل نے کہا ہے فضائی فوج کو ایران پر حملے کی مکمل آزادی دے دی ہے جبکہ ایران کی جانب سے اب تک تقریباً 200 بیلسٹک میزائل اسرائیل پر داغے گئے ہیں تازہ اسرائیلی حملے میں ایرنی فوج کے دو جنرل، 3 جوہری سائنسدانوں اور20 بچوں سمیت 65 ایرانی شہری شہید ہوگئے ہیں.(جاری ہے)
اسرائیلی جریدے ٹائمز آف اسرائیل کے مطابق اسرائیلی فوج ( آئی ڈی ایف) نے دعویٰ کیا ہے کہ اس نے ایران کی اصفہان نیوکلیئر سائٹ پر حملہ کر کے اہم تنصیبات اور لیبارٹریز کو تباہ کر دیا ہے، مزید دو ایرانی جنرل کو بھی مار دیا گیا ہے آئی ڈی ایف کے مطابق اصفہان میں سرگرمیاں واضح طور پر ظاہر کرتی ہیں کہ ایران ہتھیاروں کے لیے یورینیم افزودہ کر رہا تھا، تہران کے راستے کو صاف کر لیا ہے اور اب اسرائیلی فضائیہ تہران کی فضاﺅں میں آزادانہ کارروائیاں کرنے کے لیے تیار ہے.
اسرائیل کا کہنا ہے کہ وہ ایرانی جوہری سائنسدانوں، فوجی حکام اور میزائل لانچنگ سسٹمز کو بھی نشانہ بنا رہا ہے اور کارروائیاں جاری رکھے گااسرائیلی وزیردفاع اسرائیل کاٹز نے ایران کے سپریم لیڈر کو دھمکی دی ہے کہ اگر اسرائیل پر جوابی میزائل حملے جاری رہے تو تہران جل کر راکھ ہو جائے گا. صیہونی وزیردفاع نے آئی ڈی ایف کے چیف آف اسٹاف لیفٹیننٹ جنرل ایال زامیر، موساد کے ڈائریکٹر ڈیوڈ برنیع اور دیگر اعلیٰ فوجی حکام کے ساتھ ایک جائزہ اجلاس کے دوران کہا کہ ایرانی آمر ایران کے شہریوں کو یرغمال بنا رہا ہے اور ایک ایسی صورتِ حال پیدا کر رہا ہے جس میں خاص طور پر تہران کے رہائشیوں کو اسرائیلی شہریوں پر مجرمانہ حملے کی بھاری قیمت چکانی پڑے گی کَاٹز نے خبردار کیا کہ اگر خامنہ ای نے اسرائیلی شہری علاقوں پر میزائل داغنے کا سلسلہ جاری رکھا تو تہران جل جائے گا. آئی ڈی ایف کے چیف آف اسٹاف لیفٹیننٹ جنرل ایال زامیر اور اسرائیلی ایئر فورس کے سربراہ میجر جنرل تومر بار نے ایک جائزہ رپورٹ میں کہا ہے کہ تہران تک جانے والا راستہ ہموار ہو چکا ہے اسرائیلی فوج کے حکام نے کہا کہ منصوبے کے مطابق ایئر فورس کے لڑاکا طیارے تہران میں اہداف پر حملے شروع کریں گے. یہ بیان اس کے بعد سامنے آیا جب فوج نے کہا کہ گزشتہ رات اسرائیلی فضائیہ کے طیاروں نے تہران میں فضائی دفاعی نظام کو نشانہ بنایا جس سے ایرانی دارالحکومت کے اوپر فضائی کارروائی کی آزادی میں اضافہ ہوا ایرانی ذرائع ابلاغ کے مطابق تہران کے مہرآباد ہوائی اڈے پر 2 میزائل گر نے اور آگ لگنے کی اطلاعات دی ہیں، یہ ہوائی اڈہ ایرانی قیادت کے اہم مقامات کے قریب واقع ہے اور یہاں ایک ایئر فورس بیس بھی موجود ہے جہاں لڑاکا طیارے اور ٹرانسپورٹ طیارے تعینات ہیں. ایران نے اعلان کیا ہے کہ ملک کی فضائی حدود مزید احکام تک بند کر دی گئی ہیں ایران نے خبردار کیا ہے کہ امریکی فوجی اڈوں سمیت جو ممالک اسرائیل کا دفاع کریں گے انہیں بھی نشانہ بنایا جائے گا اسرائیلی فوج کے مطابق ایرانی حملوں میں استعمال ہونے والے متعدد ڈرونز کو فضائیہ اور بحریہ نے تباہ کر دیا اسرائیلی فضائیہ نے ایران کے درجنوں بیلسٹک میزائل لانچرز کو تباہ کرنے کی ویڈیوز جاری کی ہیں غزہ سے دو راکٹ داغے گئے، جو کھلے میدان میں گرے اور کسی نقصان کی اطلاع نہیں ملی یہ صورتحال خطے میں بڑے پیمانے پر جنگ کے خدشات کو بڑھا رہی ہے. ایرانی کے سرکاری میڈیا نے رپورٹ کیا ہے کہ تہران پر تازہ ترین اسرائیلی حملوں کے نتیجے 60 شہری شہید ہوئے ہیں، شہید ہونے والوں میں 20 بچے بھی شامل ہیں قبل ازیں رپورٹ میں بتایا گیا تھا کہ اسرائیل کی جانب سے ایران پر جنگ مسلط کرنے والا اسرائیل جواب ملنے پر بوکھلا گیا ہے صہیونی افواج نے دوسرے روز بھی ایران کے مختلف شہروں پر بمباری کی ہے مہر آباد ایئرپورٹ اور زنجان میں فوج چھاﺅنی سمیت کئی مقامات پر آگ و خون کی ہولی کھیلی گئی رپورٹ میں بتایا گیا ہے کہ مغربی کرمان شاہ صوبے میں ایک فوجی اڈے پر دھماکا ہوا ہے جس کے قریب دھوئیں کے بادل بلند ہوتے دیکھے گئے ہیں . ادھرفرانسیسی نشریاتی ادارے کے مطابق ایرانی سرکاری ٹیلی ویژن کا کہنا ہے کہ اسرائیلی حملوں میں ایران کے 2 سینئر جنرل شہید ہو گئے ہیں جب کہ اسرائیل نے ایران کی فوجی اور جوہری صلاحیتوں پر اپنے حملے جاری رکھے ہوئے ہیں شہید ہونے والوں میں مسلح افواج کے جنرل اسٹاف کی انٹیلی جنس کے نائب سربراہ جنرل غلام رضا محرابی اور آپریشنز کے نائب سربراہ جنرل مہدی ربانی شامل ہیں. برطانوی ادارے’ ’رائٹرز“ بتایا کہ مزید 3 ایرانی ایٹمی سائنسدان اسرائیلی حملوں میں شہید ہو گئے ہیں ایرانی خبررساں ادارے”تسنیم“ کے حوالے سے رپورٹ میں بتایا گیا کہ ہلاک ہونے والے سائنسدانوں کی شناخت علی بقائی کریمی، منصور عسگری اور سعید برجِی کے طور پر ہوئی ہے ایران کی ایٹمی توانائی تنظیم کے ترجمان نے کہا ہے کہ اسرائیل کے حملے میں فردو اور اصفہان میں واقع ایران کی جوہری تنصیبات کو زیادہ نقصان نہیں پہنچا بہروز کمالوندی کے مطابق حملوں کی پیشگی اطلاع کے بعد دونوں تنصیبات سے اہم سازوسامان کو منتقل کر دیا گیا تھا. انہوں نے بتایا کہ اصفہان کی تنصیب میں ایک شیڈ میں آگ لگی لیکن فردو کے مقام پر ہونے والے نقصان کی وضاحت نہیں کی گئی انہوں نے کہا کہ کوئی تابکاری کا کوئی خطرہ نہیں ہے شمالی ایران کے شہر قم کے قریب پہاڑوں کے اندر واقع فردو فیول ان رچمنٹ پلانٹ جدید سینٹری فیوجز پر مشتمل ہے جہاں یورینیم کو اعلیٰ سطح کی خالصیت تک افزودہ کیا جاتا ہے دوسری جانب اسرائیلی فوج اور فضائیہ نے ایران میں اہداف پر حملے جاری رکھے ہوئے ہیں. رپورٹ کے مطابق تہران سے موصول ہونے والی اطلاعات کے مطابق شہر کے مختلف حصوں میں اب بھی دھماکوں اور فضائی دفاعی سرگرمیوں کی آوازیں سنی جا رہی ہیں رپورٹ میں بتایا گیا ہے کہ وردآورد کے علاقے میں ایک ریڈار سائٹ کو نشانہ بنایا گیا ہے جنوبی ایران کے علاقے عبدانان سمیت بعض دیگر مقامات پر بھی ریڈار سائٹس کو نشانہ بنائے جانے کی اطلاعات ہیں. ایرانی میڈیا نے اطلاع دی ہے کہ مشرقی تہران کے علاقوں حکیمیہ اور تہران پارس میں بھی دھماکوں کی آوازیں سنی گئیں”اسنا“ کے مطابق حکیمیہ میں امدادی ٹیمیں روانہ کر دی گئی ہیں سرکاری ذرائع نے مہرآباد کے علاقے میں ایک بڑے دھماکے کی تصدیق کی ہے جہاں ایئرپورٹ کو نشانہ بنانے کی کوشش کی گئی ویڈیوز میں علاقے میں آگ اور دھویں کے بادل دیکھے جا سکتے ہیں تاہم کچھ ذرائع نے مہرآباد کے قریب واقع آزادی ٹاور کو نقصان پہنچنے کی خبروں کی تردید کی ہے تازہ ترین اطلاعات کے مطابق اصفہان میں پاور اسٹیشن کے قریب دھماکے کے بعد دھویں کے بادل اٹھتے ہوئے دیکھے گئے ہیں.
بھارتی آبی جارحیت، بجٹ میں جنگی بنیاد پر آبی ذخائر میں اضافے کا اعلان