’کیا فوٹوگرافر ساتھ تھا؟‘، ٹیکسی کا ٹائر تبدیل کرتے ہوئے عمر ایوب کی ویڈیو وائرل
اشاعت کی تاریخ: 18th, June 2025 GMT
قومی اسمبلی میں قائد حزب اختلاف عمر ایوب کی ایک ویڈیو سوشل میڈیا پر وائرل ہو رہی ہے جس میں انہیں سڑک پر گاڑی کا ٹائر تبدیل کرتے ہوئے دیکھا جا سکتا ہے۔
صارفین کا کہنا ہے کہ اسلام آباد کے ریڈ زون میں ایک ٹیکسی کا ٹائر پنکچر ہو گیا جس پر عمر ایوب اپنی گاڑی سے اترے اور ٹیکسی کا ٹائر تبدیل کیا۔
????????????
اسلام آباد کے ریڈ زون میں ٹیکسی کا ٹائر پنکچر ہوگیا تو اپوزیشن لیڈر عمر ایوب نے ٹیکسی ڈرائیور کا ٹائر خود تبدیل کردیا٫ ویڈیو وائرل@OmarAyubKhan pic.
— Sheraz Ahmad Sherazi (@Sherazi_Silmian) June 18, 2025
ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے۔ پاکستان تحریک انصاف سندھ کے صدر حلیم عادل شیخ نے ویڈیو شیئر کرتے ہوئے کہا کہ جیسا کپتان ویسے کھلاڑی۔ ان کا مزید کہنا تھا کہ آج ایک غریب ٹیکسی ڈرائیور کو پنکچر ٹائر بدلتے ہوئے مشکل میں دیکھ کر قومی اسمبلی میں اپوزیشن لیڈر عمر ایوب خان خود گاڑی سے اُترے اور اس کا ٹائر بدلنے میں مدد کی۔
حلیم عادل شیخ کا مزید کہنا تھا کہ ایسے ہوتے ہیں اصل عوامی لیڈر جو عوام کے درمیان عوامی انداز میں رہتے ہیں۔ ہر چھوٹی بڑی مشکل میں غریب عوام کے ساتھ کھڑے ہوتے ہیں یہی طرزعمل عمران خان کی ٹیم کی پہچان ہے۔
جیسا کپتان ویسے کھلاڑی !
سلام ہے ! عُمرایوب خان صاحب ❤️
آج ایک غریب ٹیکسی ڈرائیور کا پنکچر ٹائر بدلتے ہوئے مشکل میں دیکھ کر قومی اسمبلی میں اپوزیشن لیڈر عمر ائوب خان صاحب خود گاڑی سے اُترے اور اپنے ہاتھوں سے اُس کا ٹائر بدلنے میں مدد کی۔
ایسے ہوتے ہیں اصل عوامی لیڈر —
جو عوام… pic.twitter.com/yjK5HKrUG1
— Haleem Adil Sheikh (@HaleemAdil) June 18, 2025
صحافی حامد میر نے ویڈیو پر تبصرہ کرتے ہوئے کہا ’ویلڈن عمر ایوب خان‘۔
ویل ڈن عمر ایوب خان https://t.co/JEln3M4dXu
— Hamid Mir حامد میر (@HamidMirPAK) June 18, 2025
اویس یوسفزئی نے طنزاً لکھا کہ شکر ہے آج کی اس وڈیو سے پتہ چل گیا کہ عمر ایوب صاحب کو ٹائر بدلنا آتا ہے۔ ہم تو سمجھتے تھے کہ وہ صرف پارٹیاں بدلنے میں ہی ماہر ہیں۔
شکر ہے آج کی اس وڈیو سے پتہ چل گیا کہ عمر ایوب صاحب کو ٹائر بدلنا آتا ہے۔ ہم تو سمجھتے تھے کہ صرف پارٹیاں بدلنے میں ہی ماہر ہیں
pic.twitter.com/2V93b5NfdW
— Awais Yousaf Zai (@awaisReporter) June 18, 2025
جہاں پی ٹی آئی کے حامی صارفین نے عمر ایوب کے اس اقدام کو سراہا وہیں کئی صارفین ان کو تنقید کا نشانہ بناتے نظر آئے کہ ان کے ساتھ فوٹو گرافر بھی تھا جو گاڑی کا ٹائر تبدیل کرنے کی ویڈیو بنا رہا تھا۔
ساتھ ایک کیمرہ مین بھی ہے
— JUI Answers Back (@JUIAnswersBack) June 18, 2025
عرفان خان لکھتے ہیں کہ نیکی کرو تو ایسے کہ دوسرے ہاتھ کو بھی خبر نہ ہو مگر یہاں کیمرہ مین کو 21 توپوں کی سلامی۔ انہوں نے مزید کہا اللہ سبحانہ و تعالیٰ عمر ایوب کو اس کار خیر کا اجر دے، آمین۔
نیکی کرو تو ایسے کہ دوسرے ہاتھ کو بھی خبر نہ ہو مگر یہاں کیمرہ مین کو 21 توپوں کی سلامی
اللہ سبحانہ و تعالیٰ عمر ایوب کو اس کار خیر کا اجر دے، آمین https://t.co/ccmUOwHWEG
— Irfan Khan (@irfijournalist) June 18, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد عمر ایوب گاڑی کا ٹائرذریعہ: WE News
کلیدی لفظ: اسلام اباد عمر ایوب گاڑی کا ٹائر ٹیکسی کا ٹائر کا ٹائر تبدیل کرتے ہوئے ایوب خان عمر ایوب
پڑھیں:
اسرائیلی وزیر کی ہاتھ بندھے، اوندھے منہ لیٹے فلسطینی قیدیوں کو قتل کی دھمکی؛ ویڈیو وائرل
اسرائیل کے دائیں بازو کے سخت گیر وزیر بن گویر کا ایک ویڈیو پیغام وائرل ہو رہا ہے جس میں انسانی حقوق کی دھجیاں بکھیر دی گئی ہیں اور صیہونی ریاست کا مکروہ چہرہ بے نقاب ہوگیا۔
عالمی خبر رساں ادارے کے مطابق اسرائیل کے دائیں بازو سے تعلق رکھنے والے قومی سلامتی کے وزیر ایتامار بن گویر نے یہ ویڈیو خود اپنے سوشل میڈیا اکاؤنٹ پر جاری کی ہے۔
ویڈیو میں اسرائیلی وزیر اُن فلسطینی قیدیوں کے سامنے کھڑے ہیں جن کے ہاتھ پشت پر بندھے ہوئے ہیں اور انھیں اوندھا فرش پر لٹایا ہوا ہے۔
اسرائیلی وزیر نے اس مقام پر کھڑے ہوکر ان فلسطینی قیدیوں کو سزائے موت دینے کا مطالبہ کرتے ہوئے کہا کہ یہ لوگ ہمارے بچوں اور خواتین کو مارنے آئے تھے۔
Once again, Israel’s far-right National Security Minister Ben Gvir speaks about the Palestinian abductees and openly incites against them while they stand bound before him, saying: “Do you see them? This is how they are now — but one thing remains to be done, and that is to… pic.twitter.com/k9ylK5Fkvk
— غزة 24 | التغطية مستمرة (@Gaza24Live) October 31, 2025انھوں نے اپنے مخصوص نفرت آمیز لہجے میں مزید کہا کہ اب دیکھیں ان کا حال کیا ہے۔ اب ایک ہی چیز باقی ہے اور وہ ہے ان لوگوں کے لیے فوری طور پر سزائے موت۔
اسرائیلی وزیر بن گویر اپنی اشتعال انگیز بیانات کے لیے مشہور ہیں، انھوں نے انتباہ دیا ہے کہ اگر ان کی سزائے موت سے متعلق تجویز پارلیمنٹ میں پیش نہ کی گئی تو وہ وزیرِاعظم بنیامین نیتن یاہو کی حکومت کی حمایت ختم کر دیں گے۔
انھوں نے ویڈیو کے ساتھ ایک تفصیلی پیغام بھی جاری کیا جس میں کہا گیا کہ اسرائیل کی جانب سے حماس کے رہنماؤں کو ہلاک کرنے کے بعد تنظیم نے یرغمال بنائے گئے اسرائیلیوں کو تشدد کا نشانہ بنایا۔
اسرائیلی وزیر بن گویر نے فلسطینی قیدیوں پر سخت پابندیوں اور جیلوں میں خوف کی فضا پیدا کرنے کو اپنی کامیابی قرار دیتے ہوئے کہا کہ میں جیلوں میں انقلاب پر فخر کرتا ہوں۔ اب وہ تفریحی کیمپ نہیں بلکہ خوف کی جگہیں بن چکی ہیں۔ وہاں قیدیوں کے چہروں سے مسکراہٹیں مٹا دی گئی ہیں۔
بن گویر جو قومی سلامتی کے وزیر ہیں، نے یہ دعویٰ بھی کیا کہ ان کی پالیسیوں کے نتیجے میں دہشت گرد حملوں میں نمایاں کمی آئی ہے۔ جو بھی میرے جیل سے گزرا ہے وہ دوبارہ وہاں جانا نہیں چاہتا۔
حالیہ ہفتوں میں بن گویر نے سزائے موت کے قانون پر زور دیتے ہوئے کہا کہ جب تک دہشت گرد زندہ رہیں گے، باہر کے شدت پسند مزید اسرائیلیوں کو اغوا کرنے کی ترغیب پاتے رہیں گے۔
انھوں نے فلسطینیوں کو مخاطب کرتے ہوئے کہا تھا کہ اگر وہ کسی یہودی کو قتل کریں گے تو زندہ نہیں رہیں گے۔
یاد رہے کہ بن گویر ان چند وزیروں میں شامل تھے جنہوں نے غزہ میں جنگ بندی کے پہلے مرحلے کے معاہدے کے خلاف ووٹ دیا تھا۔
ان کی جماعت ’’اوتزما یہودیت‘‘ نے ماضی میں بھی قیدیوں کی رہائی کے معاہدے پر حکومت سے علیحدگی اختیار کر لی تھی۔
دوسری جانب اسرائیلی وزیرِ انصاف یاریو لیوین کا بھی کہنا ہے کہ وہ ایک خصوصی عدالت قائم کرنے کے لیے قانون سازی کر رہے ہیں۔
ان کے بقول یہ عدالتیں 7 اکتوبر 2023 کے حملوں میں ملوث غزہ کے جنگجوؤں پر مقدمہ چلائے گی اور مجرم ثابت ہونے والوں کو سزائے موت سنائی جا سکے گی۔
برطانیہ خلیجی ممالک کے ساتھ ترقی کے لیے مزید آگے بڑھے گا، چانسلر ریچل ریوز