چیمپیئنز ٹرافی کی کامیابی کو 8 سال مکمل، سابق کپتان سرفراز احمد نے سوشل میڈیا پر کیا پیغام دیا؟
اشاعت کی تاریخ: 18th, June 2025 GMT
قومی کرکٹ ٹیم کے سابق کپتان سرفراز احمد نے چیمپیئنز ٹرافی 2017 کی تاریخی فتح کی یاد تازہ کرتے ہوئے کہا ہے کہ یہ کامیابی ان کے دل کے قریب ترین لمحات میں سے ایک ہے۔
چیمپیئنز ٹرافی جیتنے کے 8 برس مکمل ہونے پر سوشل میڈیا پر اپنے ایک پیغام میں سرفراز احمد نے کہاکہ انہیں اس نوجوان اور باصلاحیت ٹیم کی قیادت کا موقع ملا جس نے ہر میچ مکمل جذبے، عزم اور یقین کے ساتھ کھیلا۔
یہ بھی پڑھیں چیمپیئنز ٹرافی: پاک بھارت میچ انڈیا کی تاریخ میں سب سے زیادہ دیکھے جانے والا میچ قرار
سرفراز احمد نے سوشل میڈیا پر اپنے پیغام میں کہاکہ چیمپیئنز ٹرافی 2017 ہمیشہ میرے دل کے قریب رہے گی۔ میں خوش قسمت تھا کہ مجھے ایک نوجوان اور باصلاحیت ٹیم کی قیادت کا موقع ملا، جس نے ہر میچ مکمل جوش اور یقین کے ساتھ کھیلا۔ ہر لمحہ پاکستان کے لیے تھا۔ جو عزت ملی، وہ صرف اللہ پاک کے کرم اور آپ سب کی دعاؤں کا نتیجہ تھی۔ پاکستان زندہ باد!
یاد رہے کہ 18 جون 2017 کو اوول (لندن) کے تاریخی میدان میں پاکستان نے روایتی حریف بھارت کو 180 رنز سے شکست دے کر پہلی بار آئی سی سی چیمپیئنز ٹرافی جیتنے کا اعزاز حاصل کیا تھا۔
اس فائنل میچ میں اوپنر فخر زمان نے شاندار سینچری (114 رنز) اسکور کی، جبکہ محمد عامر نے بھارتی ٹاپ آرڈر کو تباہ کرکے میچ کا پانسہ پلٹا۔ حسن علی نے پورے ٹورنامنٹ میں سب سے زیادہ وکٹیں حاصل کرکے پلیئر آف دی ٹورنامنٹ کا اعزاز بھی حاصل کیا تھا۔
سرفراز احمد کی قیادت میں پاکستانی ٹیم نے نہ صرف ناقابل یقین انداز میں فائنل تک رسائی حاصل کی بلکہ بھارت جیسی مضبوط ٹیم کو فیصلہ کن مقابلے میں عبرتناک شکست دی، جسے آج بھی پاکستان کرکٹ کی تاریخ کی سب سے یادگار فتوحات میں شمار کیا جاتا ہے۔
یہ بھی پڑھیں بھارتی دعویٰ جھوٹ، چیمپیئنز ٹرافی کے انعقاد سے پاکستان کو 3 ارب روپے کا منافع ہوا، پی سی بی
سرفراز احمد کے اس جذباتی پیغام نے ایک بار پھر پاکستانی عوام کو 2017 کی خوشیوں، فخر اور اتحاد کے لمحات کی یاد دلا دی ہے۔ مداحوں نے بھی سوشل میڈیا پر ان کے اس پیغام پر خیرمقدمی ردعمل دیا اور قومی ہیرو کو خراجِ تحسین پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews چیمپیئنز ٹرافی سابق کپتان سرفراز احمد فائنل میچ قومی کرکٹ ٹیم وی نیوز.ذریعہ: WE News
کلیدی لفظ: چیمپیئنز ٹرافی سابق کپتان فائنل میچ قومی کرکٹ ٹیم وی نیوز چیمپیئنز ٹرافی سوشل میڈیا پر
پڑھیں:
ایران اسرائیل کشیدگی، سوشل میڈیا پر فیک نیوز کا بازار گرم ہوگیا
اسلام آباد (اُردو پوائنٹ اخبارتازہ ترین - این این آئی۔ 16 جون2025ء)ایران اور اسرائیل کی جنگ کے دوران سوشل میڈیا پر فیک نیوز اور فیک وڈیوز کا بازار گرم ہوگیا جس میں بھارتی میڈیا حسبِ روایت اپنا بھرپور کردار ادا کر نے لگا ۔ایسی ہی ایک جھوٹی خبر اور اے آئی سے بنائی گئی ویڈیو زیرِ گردش ہے، جسے ایک ایرانی عہدیدار سے منسوب کیا جارہا ہے۔سوشل میڈیا پر گردش کرنے والی مذکورہ ویڈیو میں دعویٰ کیا جارہا ہے کہ پاکستان نے ایران کو یقین دہانی کروائی ہے کہ اگر اسرائیل نے ایران پر نیوکلیئر بم سے حملہ کیا تو جواب میں پاکستان اسرائیل پر نیوکلیئر بم گرائے گا تاہم پاکستانی وزارت اطلاعات کے ذرائع نے واضح کیا کہ ایسی تمام زیرِ گردش خبریں جھوٹی اور بے بنیاد ہیں اور اس خبر کے ساتھ جو ویڈیوز شیئر کی جا رہی ہیں وہ ویڈیوز اے آئی کے ذریعے بنائی گئی ہیں۔(جاری ہے)
اس حوالے سے وزیرِ دفاع خواجہ محمد آصف نے بھی سوشل میڈیا پر پوسٹ شیئر کرتے ہوئے دنیا کو اسرائیلی جوہری صلاحیت سے خبرادار کیا ہے اور کہا ہے کہ اسرائیل کسی بین الاقوامی جوہری نظم و ضبط کا پابند نہیں ہے اور نہ ہی این پی ٹی یا کسی دوسرے معاہدے کا پابند ہے۔انہوںنے کہاکہ پاکستان تمام بین الاقوامی جوہری معاہدوں کا پابند ہے، ہماری جوہری صلاحیت ہمارے عوام کے فائدے اور دشمنوں کے عزائم سے اپنے ملک کے دفاع کے لیے ہے۔
مقبوضہ کشمیر سے خاتون شادی کیلئے بارڈر کراس کرکے آئیں تو کیا کیا؟ پاک فوج کے کیپٹن نے دلچسپ قصہ سنا دیا