(سندھ بلڈنگ ) اوپل ایکسی لینسی پروجیکٹ کو غیر قانونی تعمیر کی چھوٹ
اشاعت کی تاریخ: 19th, June 2025 GMT
ناظم آباد نمبر 1 فردوس کو آپریٹیوہاؤسنگ سوسائٹی رہائشی پلاٹ نمبر 10/3 پر کمر شل تعمیرات
ڈائریکٹر وسطی سید ضیا ء نے ناجائز تعمیرات کی رکھوالی کرنے میں دھوم مچا دی ، حکام خاموش
بلند عمارتوں کے خلاف محکمہ جاتی دعووں کی قلعی کھل گئی ، انہدامی کارروائیوں سے اجتناب
سندھ بلڈنگ ناظم آباد میں ناجائز تعمیرات کے غیر قانونی دھندے جاری ڈائریکٹر وسطی سید ضیا کی کرپشن کے چرچے عام رہائشی پلاٹ نمبر 10/3 ناظم آباد نمبر 1 فردوس کوآپریٹو ہاسنگ سوسائٹی اوپل ایکسیلینسی نامی پراجیکٹ کی تیاری حفاظتی پیکج میں جاری جرآت سروے ٹیم کی موقف لینے کی کوشش ناکام ۔ گزشتہ دنوں ڈائریکٹر وسطی تعینات ہونے والے سید ضیا کے چرچے عام ہیں موصوف نے دھواں دھار انہدامی کاروائیوں میں درجنوں خلاف ضابطہ بننے والی عمارتوں کو منہدم کیا اور ساتھ ہی ساتھ انہدام سے محفوظ رکھنے کا حفاظتی پیکج بھی متعارف کروایا جسے حاصل کرنے والی بلند عمارتوں کو انہدام سے محفوظ رکھنے کی ضمانت دی گئی ایسی بلند عمارتیں سندھ بلڈنگ کنٹرول اتھارٹی کی زیرو ٹالرنس پالیسی پر بھی کئی سوالات اٹھا رہی ہیں جرآت سروے ٹیم کی حاصل کردہ زیر نظر تصویر میں واضح طور پر دیکھا جا سکتا ہے کہ ناظم آباد نمبر 1 فردوس کوآپریٹو ہاسنگ سوسائٹی کے رہائشی پلاٹ نمبر 10/3 پر اوپل ایکسیلینسی نامی کمرشل پراجیکٹ کی تیاری کی جارہی ہے جاری تعمیرات کو انہدام سے محفوظ رکھنے کی ضمانت دی گئی ہے جاری خلاف ضابطہ تعمیرات پر جرآت سروے ٹیم کی جانب سے موقف لینے کی کوشش کی گئی مگر رابطہ نہ ہو سکا۔
.
ذریعہ
ذریعہ: Juraat
پڑھیں:
ارکان پارلیمنٹ کی رہائش کیلیے فیملی سوٹس؛ بجٹ میں ڈیڑھ ارب روپے مختص کرنے کی تجویز
وفاقی حکومت نے آئندہ مالی سال کے بجٹ میں پارلیمنٹ لاجز کی توسیع اور اراکین پارلیمنٹ کے اہل خانہ کے لیے اضافی رہائش گاہوں کی تعمیر کی غرض سے ڈیڑھ ارب روپے مختص کرنے کا فیصلہ کیا ہے۔
نجی ٹی وی کی رپورٹ میں سرکاری دستاویزات کے حوالے سے بتایا گیا ہے کہ اس ترقیاتی منصوبے کے تحت اسلام آباد کے سیکٹر جی فائیو ٹو میں رہائشی سہولیات فراہم کی جائیں گی۔
اس منصوبے کا مرکزی حصہ اضافی فیملی سوٹس کی تعمیر ہے، جس میں 500 کے قریب سرونٹ کوارٹرز بھی شامل کیے گئے ہیں تاکہ عوامی نمائندوں کی رہائشی ضروریات کو بہتر انداز میں پورا کیا جا سکے۔
منصوبے کی مجموعی لاگت کا تخمینہ 7 ارب 40 کروڑ روپے لگایا گیا ہے۔ حکومتی دستاویز میں واضح کیا گیا ہے کہ 30 جون 2026 تک اس منصوبے پر 2 ارب 29 کروڑ روپے کے اخراجات متوقع ہیں۔ یہ منصوبہ پارلیمنٹ لاجز کی موجودہ گنجائش میں خاطر خواہ اضافے کا باعث بنے گا۔
علاوہ ازیں موجودہ پارلیمنٹ لاجز سے ملحقہ اراکین کے لیے 104 فیملی سوٹس پہلے ہی تعمیر کیے جا رہے ہیں۔ حکام نے بتایا کہ ان سوٹس کی تعمیر کا کام اپنے آخری مراحل میں ہے اور اس وقت وہاں فنشنگ کا کام تیزی سے جاری ہے، جس سے ممبران کو فوری رہائشی سہولت میسر ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ