اتحاد امت وقت کی اہم ضرورت ہے،علماء اپنا کردار ادا کریں،اسد اللہ بھٹو
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)ملی یکجہتی کونسل سندھ کے صدر وسابق ایم این اے اسداللہ بھٹوکی زیرقیادت ایک وفد نے آستانہ عالیہ بھیج پیر جٹا پر پہنچ کر چیئرمین علما مشائخ فیڈریشن آف پاکستان سفیر امن پیر صاحبزادہ احمد عمران نقشبندی مرشدی کی عیادت وجلدصحت یابی کی دعاکی جو حالیہ بیماری کے باعث مقامی اسپتال میں زیر علاج تھے تاہم اب وہ ربصحت ہوکراپنی رہائش گاہ منتقل ہوگئے ہیں۔ وفدمیںسابق امیر جماعت اسلامی سندھ محمد حسین محنتی،سیکرٹری اطلاعات مجاہد چنا ،ضلع ائرپورٹ کے ناظم علاقہ رفاع عام سوسائٹی عتیق احمد،مقامی ناظم ڈاکٹر خالد یاسین شامل تھے جبکہ گلشن غزالی باغ رفیع کوآرڈینٹریو سی 4اور محمد علی رندھاوا، خلیفہ عبدالرحمن و دیگر بھی اس موقع پرموجود تھے۔اسداللہ بھٹو نے کہاکہ اتحاد امت وقت کی اہم ضرورت ہے ،منبرومحراب اورعلما ومشائخ کو اپنا بھرپور کردار ادا کرنا ہوگا۔دشمن ہمیں زبان رنگ ونسل کی بنیاد پرتقسیم کرکے اتحاد امت کو پارا پارا اوراپنے مذموم مقاصد حاصل کرنا چاہتا ہے۔صہیونی ریاست کا ایران پرنہیں یہ پوری امت پرحملہ تصورکیا جائے،ایران کو اپنے دفاع کا مکمل حق حاصل ہے۔پاکستان سمیت مسلم ممالک نہ صرف صہیونی جارحیت کی مذمت بلکہ عالم اسلام کو ایران کی پشت پرکھڑا ہونا چاہیے۔امریکی سرپرستی میں غزہ سے تہران تک امت کے خون سے ہولی کھیلنے والی دہشت گردریاست کے خونخوار ہاتھوں کو نہ روکا گیا تو پھر اگلی باری کسی اورمسلمان ملک کی ہوسکتی ہے۔آستانہ عالیہ بھیج پیر جٹا کی طرف سے کہا گیا ہے کہ پیر صاحبزادہ احمد عمران نقشبندی جلد مکمل طور پر صحت یاب ہو کر اپنے ملی، دینی اور اصلاحی کاموں کو جاری رکھیں گے اور اللہ تعالیٰ کی رحمت سے ملک و قوم کے لیے قابل قدر خدمات سر انجام دیں گے۔ اس موقع پر جماعت اسلامی کے رہنماؤں اور علما ومشائخ نے ایران اور فلسطین کے مظلوم مسلمانوں کے لیے دعا کی اور عالمی برادری سے مطالبہ کیا کہ وہ اس تنازعے کو فوری طور پر ختم کرائیں تاکہ امن قائم ہو اور انسانیت کا وقار بحال رہے۔پیر صاحبزادہ احمد عمران نقشبندی نے ملی یکجہتی کونسل کے صدر اورجماعت اسلامی کے رہنمائوں کا مزاج پرسی کے لیے گھرآمد پرشکریہ ادا کیا ۔
.ذریعہ: Jasarat News
پڑھیں:
مقتدر حلقے سیاسی تناؤ ختم کرنے کیلئے کردار ادا کریں: بیرسٹر گوہر
پشاور (نوائے وقت رپورٹ) پاکستان تحریک انصاف (پی ٹی آئی) کے چیئرمین بیرسٹر گوہر علی خان نے کہا ہے کہ ملک میں سیاسی تناؤ مسلسل بڑھ رہا ہے، ملک کی ترقی کے لیے اس سیاسی تناؤ کو ختم کرنا ہو گا اور اس کے لیے مقتدر حقلے اپنا کردار ادا کریں۔ بونیر میں پی ٹی آئی کے 5 اگست کو احتجاج کے سلسلہ میں جلسے سے خطاب کرتے ہوئے بیرسٹر گوہر علی خان نے کہا کہ 9 مئی واقعات کے بعد ملک بھر میں سیاسی تناؤ بڑھ گیا۔ ہمارے لوگوں پر مقدمات بنائے گئے، سزائیں دی گئیں اور نااہل کیا گیا۔ پی ٹی آئی کے ارکان صوبائی اور قومی اسمبلی اور سینیٹرز کو نااہل قرار دیا جا رہا ہے، جس سے تناؤ میں مزید اضافہ ہو رہا ہے۔ بیرسٹر گوہر نے کہا کہ ہمارے لوگوں نے مقدمات سہے، نااہلیاں سہہ لیں اور بھاری قیمت ادا کی، اب مقتدر حلقوں کی باری ہے کہ وہ بھی اپنی ذمہ داری ادا کریں، وہ اس میں کردار ادا کریں اور ملک میں بڑھتے ہوئے تناؤ کو ختم کریں کیونکہ جب عوام میں تناؤ بڑھتا ہے تو جہموریت خطرے میں پڑ جاتی ہے۔ اب اگر جمہوریت کو آگے بڑھنا ہے تو مقتدر حلقوں کو کردار ادا کرنا ہو گا۔ لوگ پہلے یہ پوچھتے تھے کہ بانی پی ٹی آئی کا کیس کب لگے گا، اب صبح شام لوگ یہی پوچھتے ہیں کہ بانی پی ٹی آئی کب رہا ہوں گے اور جب تک وہ رہا نہیں ہوں گے ہر طرف سے یہی آواز آئے گی کہ بانی چیئرمین کو رہا کرو۔ بیرسٹر گوہر نے کہا کہ اب ہوش کے ناخن لو، کچھ آسانیاں پیدا کرو، مزید مقدمات اور نااہلیوں سے باز آ جاؤ، بانی چیئرمین کو رہا کرو کیونکہ ایسی صورت حال سے سیاسی تناؤ مزید بڑھے گا، اس سے عوام میں غصہ بڑھے گا اور بدامنی بڑھنے کا بھی خدشہ ہے اور عوام کا اداروں پر عدم اعتماد مزید بڑھے گا۔ انہوں نے کہا کہ ملک ایسے سیاسی تناؤ کا مزید متحمل نہیں ہو سکتا، اس لیے سب سے درخواست کرتا ہوں کہ ایسا سیاسی تناؤ ختم کرنے کے لیے اپنا کردار ادا کریں تاکہ ملک ترقی کرے۔
آزادکشمیر میں دلخراش واقعہ: تیندوا گھر سے 8 سالہ بچی کو اٹھا کر لے گیا، بچی مردہ حالت میں برآمد