راولپنڈی میں عجیب و غریب واقعہ، قبر سے بزرگ کی میت غائب
اشاعت کی تاریخ: 20th, June 2025 GMT
راولپنڈی:
راولپنڈی میں ایک عجیب و غریب واقعہ پیش آیا ہے جہاں مقامی قبرستان سے 60 سالہ بزرگ کی میت غائب ہو گئی۔
پولیس کے مطابق تھانہ گوجرخان کی حدود میں واقع علاقے چنگا میرا میں کامران نامی شہری نے ایمرجنسی نمبر 15 پر اطلاع دی کہ اس کے سسر محمد اشفاق تین ماہ قبل انتقال کر گئے تھے، صبح جب قبرستان گیا تو دیکھا سسر کی قبر کھلی ہے اور قبر میں سسر کی میت بھی موجود نہیں۔
واقعے کی اطلاع پر پولیس حکام فوری طور پر موقع پر پہنچے اور شواہد اکٹھے کیے۔ ایس پی صدر نبیل کھوکھر کے مطابق قبر سے تقریباً ایک میٹر کے فاصلے پر تازہ مٹی پائی گئی، کسی نے میت کو قبر سے نکال کر تقریباً 100 میٹر دور کسی اور جگہ منتقل کر دیا۔
پولیس کا کہنا ہے کہ واقعے کی ہر پہلو سے تحقیقات جاری ہیں اور جلد حقائق سامنے لانے کی کوشش کی جا رہی ہے۔ اس غیر معمولی واقعے نے علاقے میں خوف و ہراس پھیلا دیا ہے۔
.ذریعہ: Express News
پڑھیں:
راولپنڈی: جرگہ کے حکم پر سدرہ عرب کے قتل میں بڑی پیش رفت، ویڈیو بھی سامنے آگئی
راولپنڈی کے تھانہ پیر ودھائی کے علاقہ فوجی کالونی میں جرگے کے حکم پر 19 سالہ شادی شدہ لڑکی سدرہ عرب کے قتل کے کیس میں اہم پیش رفت سامنے آئی ہے، پولیس نے قتل میں ملوث 3 مرکزی ملزمان کو گرفتار کر لیا ہے۔
تحقیقات کے مطابق، سدرہ عرب کو اس کے 3 بھائیوں اور دیگر افراد نے غیرت کے نام پر قتل کیا۔ گرفتار کیے گئے ملزمان میں عرب گل (سدرہ کا بھائی)، سسر محمد صالح عرف سلیم اور چچا مانی گل شامل ہیں۔
یہ بھی پڑھیے راولپنڈی میں جرگہ کے حکم پر لڑکی کے قتل کی تفتیش میں اہم پیشرفت، کپڑے اور اسلحہ برآمد
تفتیشی ذرائع کے مطابق، تینوں ملزمان نے مانی گل کے کمرے میں لڑکی کے منہ پر تکیہ رکھ کر گلا دبا کر قتل کیا۔
پولیس نے ملزمان کی نشاندہی پر قتل میں استعمال ہونے والا تکیہ، بیڈ شیٹ اور غسل میں استعمال کی گئی اشیاء بھی برآمد کر لی ہیں۔
قتل کی منصوبہ بندی جرگے میں ہوئیتفتیشی ذرائع کے مطابق، سدرہ عرب کو قتل کرنے کا فیصلہ ملزم عصمت اللہ کی بیٹھک میں ہونے والے جرگے میں کیا گیا، جس کی سربراہی بھی عصمت اللہ نے کی۔
ذرائع کا کہنا ہے کہ سدرہ کو برادری کے افراد کی موجودگی میں کمرے میں لے جاکر قتل کیا گیا۔
پولیس کے مطابق، جرگے کے سربراہ عصمت اللہ کو گرفتار کر لیا گیا ہے، جس نے نہ صرف قتل کا حکم دیا بلکہ سدرہ کا جنازہ بھی خود پڑھایا۔
اس کے علاوہ سدرہ کے دوسرے شوہر عثمان نے بھی خود کو پولیس کے حوالے کر دیا ہے۔
مقتولہ کو قبرستان لے جانے کی سی سی ٹی وی فوٹیج بھی سامنے آ گئی ہے۔
یہ فوٹیج 17 جولائی کی ہے، جس دن راولپنڈی میں شدید بارش ہو رہی تھی۔ ویڈیو میں دیکھا جا سکتا ہے کہ سدرہ عرب کی لاش ایک لوڈر رکشہ میں لائی گئی اور بارش سے بچانے کے لیے سرخ ترپال میں لپیٹی گئی۔
یہ بھی پڑھیے: راولپنڈی میں جرگے کے حکم پر قتل کی گئی لڑکی کی قبر کشائی، عدالتی حکم پر کارروائی مکمل
قبرستان میں 10 سے 15 افراد کی موجودگی بھی فوٹیج میں دیکھی جا سکتی ہے، اور ایک موقع پر ترپال کو اٹھاتے ہوئے بھی دکھایا گیا ہے۔
مجموعی طور پر 14 افراد ملوث، 8 تاحال گرفتار نہیںپولیس ذرائع کے مطابق، قتل اور اس کی منصوبہ بندی میں 14 افراد (مرد و خواتین) ملوث تھے جن میں سے 8 ابھی تک گرفتار نہیں ہو سکے۔
پس منظر: نکاح، دھمکیاں اور پھر قتلسدرہ عرب نے 12 جولائی کو مظفر آباد میں عثمان نامی شخص سے نکاح کیا تھا۔ اس نے جوڈیشل مجسٹریٹ کے سامنے بیان دیا تھا کہ وہ اپنی مرضی سے نکاح کر رہی ہے اور اس کا پہلا شوہر اسے زبانی طلاق دے چکا ہے۔
یہ بھی پڑھیے: راولپنڈی میں غیرت کے نام پر خاتون کا قتل، لرزہ خیز تفصیلات سامنے آگئیں
عثمان کے والد کے مطابق نکاح کے 4 دن بعد بعض مسلح افراد نے دھمکیاں دیں اور کہا کہ لڑکی واپس کرو، ہم اسے باقاعدہ رخصت کریں گے۔ تاہم بعد ازاں سدرہ کو لے جایا گیا اور قتل کر دیا گیا۔
پولیس کا مؤقفپولیس کے مطابق، یہ غیرت کے نام پر ایک منصوبہ بند قتل ہے، جس میں جرگہ اور برادری کی مکمل سرپرستی شامل تھی۔ مزید ملزمان کی گرفتاری کے لیے چھاپے جاری ہیں اور کیس کو دہشتگردی کی دفعات کے تحت بھی آگے بڑھایا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
راولپنڈی پیرودھائی سدرہ عرب غیرت کے نام پر قتل
سیاحت کے شوقین ہو جائیں تیار! سری لنکا نے پاکستان سمیت 40 ممالک کیلیے ویزا فیس ختم کردی