بنگلہ دیشی وزارت خارجہ میں اہم تبدیلی، اسد عالم سیام نئے سیکرٹری خارجہ مقرر
اشاعت کی تاریخ: 20th, June 2025 GMT
بنگلہ دیشی حکومت نے امریکا میں تعینات موجودہ سفیر اسد عالم سیام کو نیا سیکریٹری خارجہ مقرر کیا ہے۔
جمعرات کو وزارت خارجہ کی جانب سے جاری کردہ ایک اعلامیے کے مطابق، اسد عالم سیام جو اس وقت وزارت میں سیکریٹری کے عہدے پر فائز ہیں، 20 جون سے بطور سیکریٹری خارجہ اپنی ذمہ داریاں سنبھال لیں گے۔
وزارت کے ایک اہلکار نے تصدیق کی ہے کہ وہ اتوار کے روز باضابطہ طور پر اپنا عہدہ سنبھال لیں گے۔
یہ بھی پڑھیں:اقوامِ متحدہ کا بنگلہ دیش میں سیاسی جماعتوں پر پابندیوں پر گہری تشویش کا اظہار
سیام نے محمد جاسم الدین کی جگہ لی ہے، جنہیں ستمبر 2024 میں 27واں سیکریٹری خارجہ مقرر کیا گیا تھا اور حال ہی میں ان کی مدت مکمل ہوئی ہے، 23 مئی سے سیکرٹری محمد روحالعالم صدیقی عبوری طور پر معمول کے امور انجام دے رہے تھے۔
اسد عالم سیام ایک تجربہ کار کیریئر ڈپلومیٹ ہیں، جنہوں نے 1995 میں بنگلہ دیش فارن سروس جوائن کی۔ ان کے پاس بی یو ای ٹی سے آرکیٹیکچر کی ڈگری اور نیدرلینڈز کی ماسٹریخت اسکول آف مینجمنٹ سے ایم بی اے کی ڈگری ہے۔
سیام کو عالمی سطح کے کئی اداروں میں تربیت حاصل کرنے کا اعزاز حاصل ہے، جن میں کٹھمنڈو میں سارک سیکریٹریٹ، ہوائی میں ایشیا پیسیفک سینٹر فار سیکیورٹی اسٹڈیز، سیول میں انسٹیٹیوٹ آف فارن افیئرز اینڈ نیشنل سیکیورٹی اور ڈھاکہ میں نیشنل ڈیفنس کالج شامل ہیں، وہ بنگلہ دیش کے متعدد تربیتی اداروں میں مہمان لیکچرر بھی رہے ہیں۔
مزید پڑھیں:چین، بنگلہ دیش اور پاکستان کے سہ فریقی اجلاس کا آغاز، تعاون کے نئے دور کی بنیاد
وزارت خارجہ میں سیام نے مختلف کلیدی عہدوں پر خدمات انجام دی ہیں جن میں وزیر خارجہ کے دفتر میں ڈائریکٹر، یورپ اور یورپی یونین ونگ کے ڈائریکٹر جنرل، چیف آف پروٹوکول، فارن سروس اکیڈمی کے ریکٹر اور انسپکٹر جنرل آف مشنز شامل ہیں۔
سیام کی بیرون ملک تعیناتیاں بینکاک، جکارتہ، اور مانچسٹر جیسے مقامات پر رہی ہیں۔ وہ میلان میں بنگلہ دیش کے پہلے قونصل جنرل تھے اور فلپائن، آسٹریا، ہنگری، سلووینیا، اور سلوواکیہ میں بطور سفیر خدمات انجام دے چکے ہیں۔ وہ ویانا میں اقوام متحدہ کے دفاتر اور اوپیک فنڈ میں بنگلہ دیش کے مستقل نمائندے بھی رہے ہیں۔
انہوں نے دو طرفہ، علاقائی اور کثیرالطرفہ سطح پر بنگلہ دیش کی نمائندگی کی ہے، وہ انٹرنیشنل اٹامک انرجی ایجنسی کے بورڈ میں گورنر، اقوام متحدہ کے نارکوٹک ڈرگز کمیشن کے 67ویں اجلاس میں وائس چیئر، اور کولمبو پلان اسٹاف کالج کے بورڈ چیئرمین بھی رہ چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسد عالم سیام امریکا بنگلہ دیش سفیر سیکریٹری خارجہ وزارت خارجہ.
ذریعہ
ذریعہ: WE News
کلیدی لفظ: اسد عالم سیام امریکا بنگلہ دیش سفیر سیکریٹری خارجہ سیکریٹری خارجہ اسد عالم سیام بنگلہ دیش
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
تحریکِ تحفظِ آئینِ پاکستان کا پارلیمنٹ ہائوس سے دھرنا ختم