فرانسیسی وزیر اعظم ائیر شو کے دورے پر رافیل طیارے میں پھنس گئے
اشاعت کی تاریخ: 20th, June 2025 GMT
data-id="863a0a8" data-element_type="widget" data-widget_type="theme-post-content.default">
پیرس ایئر شو کے دوران ایک دلچسپ اور غیر متوقع واقعہ اس وقت پیش آیا جب فرانسیسی وزیر اعظم فرنسوا بایرو فرانسیسی ساختہ جنگی طیارے “رافیل” کے کاک پٹ میں پھنس گئے۔
وزیر اعظم نے شو کے دوران مختلف طیارہ ساز کمپنیوں کے اسٹالز کا دورہ کیا، جہاں انہوں نے جدید ٹیکنالوجی سے آراستہ طیاروں اور ہیلی کاپٹروں کا جائزہ لیا۔ جب وہ مشہور کمپنی داسو ایوی ایشن کے اسٹال پر پہنچے تو انہیں خصوصی طور پر رافیل فائٹر جیٹ کے کاک پٹ میں بیٹھنے کی دعوت دی گئی۔ وزیر اعظم نے طیارے میں بیٹھ کر دلچسپی کے ساتھ اس کی تکنیکی خصوصیات اور صلاحیتوں سے متعلق بریفنگ بھی لی۔
تاہم یہ بریفنگ ایک مزاحیہ موڑ اختیار کر گئی جب وزیر اعظم کاک پٹ سے باہر نکلنے لگے۔ طیارے کے محدود اور پیچیدہ ڈھانچے کی وجہ سے انہیں سخت مشکل کا سامنا کرنا پڑا۔ ان کی پوزیشن ایسی ہو گئی کہ خود سے باہر آنا ممکن نہ رہا، جس کے بعد شو میں موجود ایوی ایشن عملے کو فوری طور پر مداخلت کرنا پڑی۔
کئی منٹ کی کوشش کے بعد وزیر اعظم کو باحفاظت طیارے سے نکالا گیا۔ اس غیر معمولی منظر نے ایئر شو میں موجود شرکاء اور میڈیا کی توجہ حاصل کر لی، اور دیکھتے ہی دیکھتے یہ واقعہ سوشل میڈیا پر بھی وائرل ہو گیا۔
یہ واقعہ جہاں ایک سنجیدہ شو میں ہلکا پھلکا مزاح بن کر ابھرا، وہیں لوگوں کے لیے یادگار لمحہ بھی بن گیا۔ وزیر اعظم نے بعد ازاں مسکراتے ہوئے اسے ایک “دلچسپ تجربہ” قرار دیا۔
.ذریعہ: Jasarat News
پڑھیں:
وزیراعظم سے گلگت بلتستان کے وزیراعلیٰ اور گورنر کی الگ الگ ملاقاتیں
وزیرِ اعظم محمد شہباز شریف نے گلگت بلتستان کے دورے کے موقع پر وزیرِ اعلیٰ گلبر خان اور گورنر سید مہدی شاہ سے علیحدہ علیحدہ ملاقاتیں کیں۔ وزیرِ اعلیٰ گلبر خان نے حالیہ شدید بارشوں اور سیلابی صورتحال پر وزیرِ اعظم کو بریفنگ دی اور ریسکیو و امدادی سرگرمیوں کے حوالے سے حکومتی اقدامات سے آگاہ کیا۔ انہوں نے گلگت بلتستان میں دانش اسکولوں کے قیام کے فیصلے پر وزیرِ اعظم کو خراجِ تحسین بھی پیش کیا۔ ملاقات میں جی بی میں امن و امان کی صورتحال اور جاری ترقیاتی منصوبوں پر بھی تفصیلی تبادلہ خیال کیا گیا۔ وزیرِ اعظم سے گورنر گلگت بلتستان سید مہدی شاہ نے بھی ملاقات کی ۔ گورنر نے بھی بارشوں کے نتیجے میں پیدا ہونے والی سیلابی صورتحال اور جانی و مالی نقصانات کے بارے میں آگاہ کیا، ساتھ ہی جاری ترقیاتی منصوبوں کی رفتار اور امن و امان سے متعلق تفصیلات بھی پیش کیں۔ ملاقات کے دوران سیلاب میں جاں بحق ہونے والوں کے لیے دعا کی گئی اور ان کے اہلِ خانہ سے اظہارِ ہمدردی کیا گیا۔
علی امین گنڈاپور کا تیراہ فائرنگ واقعے کے متاثرین کیلئے مالی امداد کا اعلان