اچھی نیند صرف آرام نہیں، صحت، خوبصورتی اور ذہنی سکون کی ضامن ہے
اشاعت کی تاریخ: 22nd, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: نیند ہماری روزمرہ زندگی کا ایک ایسا اہم جزو ہے جسے اکثر نظرانداز کر دیا جاتا ہے حالانکہ نیند نہ صرف جسمانی بلکہ ذہنی صحت کے لیے بھی انتہائی ضروری ہے۔
میڈیا رپورٹس کےمطابق ماہرین صحت کاکہنا ہےکہ اگر آپ ہر رات 7 سے 8 گھنٹے کی معیاری نیند لیتے ہیں تو یہ آپ کی مجموعی صحت پر مثبت اثرات مرتب کرتی ہے، نیند کی کمی صرف تھکن یا سستی کا باعث نہیں بنتی، بلکہ یہ دل، دماغ، جِلد، ہارمونی نظام، قوتِ مدافعت اور ذہنی کارکردگی سمیت کئی اہم جسمانی نظاموں پر منفی اثر ڈالتی ہے۔
نیند کےبے شمار فوائد ہیں جس میں خوبصورت جِلد کا ہونا، نیند مکمل ہونے کی صورت میں دماغی کارکردگی میں بہتری آتی ہے، وزن میں توازن بھی رہتا ہے اور دل کے امراض سے بھی بچاجاسکتا ہے۔
خوبصورت جِلد (Beauty Sleep):
نیند کے دوران جسم خود کو بحال کرتا ہے، خاص طور پر جِلد کی مرمت کا عمل تیز ہو جاتا ہے۔ 7 سے 8 گھنٹے کی نیند کے بعد چہرہ تروتازہ اور جلد زیادہ صاف نظر آتی ہے۔ یہی وجہ ہے کہ نیند کو “بیوٹی سلیپ” بھی کہا جاتا ہے۔
دماغی کارکردگی میں بہتری:
نیند دماغ کی فائلنگ سسٹم کی طرح کام کرتی ہے۔ جب ہم سوتے ہیں تو دماغ یادداشت کو ترتیب دیتا ہے، نئی معلومات کو محفوظ کرتا ہے اور جذبات کو متوازن رکھنے میں مدد دیتا ہے۔ نیند کی کمی ذہنی دباؤ، چڑچڑاہٹ اور ڈپریشن کا باعث بن سکتی ہے۔
قوتِ مدافعت میں اضافہ:
نیند کے دوران جسم مدافعتی نظام کو مضبوط بناتا ہے، جس سے ہم بیماریوں سے بہتر طریقے سے لڑ سکتے ہیں۔ نیند کی کمی نزلہ، زکام اور دیگر وائرل انفیکشنز کا خطرہ بڑھا سکتی ہے۔
وزن میں توازن:
تحقیق سے ثابت ہوا ہے کہ جو افراد نیند کی کمی کا شکار ہوتے ہیں، ان میں بھوک کے ہارمونز کا توازن بگڑ جاتا ہے، جس سے وزن بڑھنے کا خطرہ ہوتا ہے۔
دل کی صحت بہتر:
نیند دل کی دھڑکن، بلڈ پریشر اور ہارمونی توازن کو منظم رکھنے میں مدد دیتی ہے۔ کم نیند لینے والے افراد میں دل کے امراض کا خطرہ زیادہ پایا جاتا ہے۔
.ذریعہ: Jasarat News
کلیدی لفظ: نیند کی کمی جاتا ہے نیند کے
پڑھیں:
پاکستان سعودیہ معاہدہ پوری دنیا میں امن کا ضامن بنے گا: طاہر اشرفی
لاہور (نوائے وقت رپورٹ) چیئرمین پاکستان علماء کونسل علامہ طاہر محمود اشرفی کا کہنا ہے کہ سعودی عرب کے ساتھ معاہدہ پوری دنیا میں امن کا ضامن بنے گا۔ ہماری فوج سعودی عرب کے ساتھ مل کر حرمین شریفین کا دفاع کریگی۔ لاہور میں تقریب سے خطاب کرتے ہوئے علامہ طاہر محمود اشرفی کا کہنا تھا کہ یہ اعزاز اللہ نے صرف پاکستان کو دیا ہے، یہ معاہدہ بہت واضح ہے اگر پاکستان پر حملہ ہوگا تو سمجھا جائے گا کہ حملہ سعودی عرب پر ہوا ہے۔ جن لوگوں کو اس معاہدے سے تکلیف ہورہی ہے ان کو کیا مسئلہ ہے، وہ اس قوم کو ایک ہوتا ہوئے دیکھ نہیں سکتے۔ کسی نے سوچا بھی نہیں تھا کہ قطر پر بھی بمباری ہو جائے گی، جب بھارت نے ہم پر حملہ کیا تو دنیا خاموش تھی، پاکستان پر بھارت اور اسرائیل نے مل کر حملہ کیا تھا۔ علامہ طاہر محمود اشرفی نے کہا کہ وزیر اعظم فلسطین کانفرنس میں امت کا موقف پیش کریں گے، فلسطین کا وفد امریکا نہیں جا سکتا تو شہباز شریف فلسطین کا وفد ہے۔ انہوں نے مزید کہا کہ افغانستان ہمارا بھائی ہے لیکن اس سے شکوہ تو کرنا بنتا ہے، افغانستان کی سرزمین سے آکر کوئی خون بہائے تو گلہ تو بنتا ہے۔
سپریم کورٹ نے ریٹائرڈ ججز کی بیواؤں کو سیکیورٹی دینے کا اپنا فیصلہ واپس لے لیا