سبینا فاروق ڈراما سیٹ پر شدید بیمار، سانس لینا بھی مشکل
اشاعت کی تاریخ: 23rd, June 2025 GMT
پاکستانی اداکارہ سبینا فاروق نے نئے پراجیکٹ کی شوٹنگ کے دوران شدید بیمار ہوجانے کا انکشاف کر کے فینز کو فکرمند کردیا۔
سبینا نے پاکستانی شوبز انڈسٹری میں اپنا منفرد مقام اس وقت بنایا کہ جب 2019 میں رمضان اسپیشل ڈرامہ ’سنو چندا ٹو‘ میں انہوں نے رومائینا خان عرف ’مینا‘ کا کردار نبھایا تھا اور اس کردار کو اپنی شوخ اداکاری سے منفرد بناتے ہوئے سب کی توجہ اپنی جانب مبذول کروالی۔
اداکارہ نے پاکستانی مقبول ترین ڈرامہ ’تیرے بن‘ میں وہاج علی یعنی مرتسم کی کزن ’حیا‘ کا کردار نبھایا تھا۔
’تیرے بن‘ کے بعد اب اداکارہ ایک ویب ڈرامے ’کابلی پلاؤ‘ میں اپنی بہترین اداکاری کے جوہر دکھا نظر آئیں اور اس ڈرامے میں ان کا کردار ’باربینا‘ بے حد پسند کیا گیا۔
اداکارہ نہ صرف اپنی بہترین اداکاری بلکہ نت نئے و دلکش لُکس کے سبب بھی عوام کی توجہ کا مرکز بنی رہتی ہیں۔
ہر وقت ہنستی مسکراتی نظر آنے والی سبینا فاروق نے انسٹاگرام پر ایک پوسٹ شیئر کر کے ایک ایسا واقعہ بتایا ہے جو حال ہی میں ایک ڈرامے کی شوٹنگ کے دوران انکے ساتھ پیش آیا۔
View this post on InstagramA post shared by Sabeena Farooq (@sabeena_farooq)
انہوں نے ہنستے ہوئے چہرے کے ساتھ ایک ویڈیو شیئر کی اور کیپشن میں لکھا کہ ‘سچ یہ ہے کہ میں 2 روز پہاڑی علاقے میں شوٹنگ کیلئے گئی جو واقعی ایک حسین مقام تھا، میری ٹیم نے وہاں میرا بہت اچھے سے خیال رکھا اور وہاں کچھ مزاحیہ اور اچھی کہانیاں سب کے ساتھ شیئر بھی کیں لیکن یہ سب بس کچھ منٹوں کیلئے تھا کہ میں نے وہاں خود کو صحیح محسوس کیا، کیونکہ بقیہ وقت میں بس روتی رہی، جملے صحیح سے ادا نہیں کرپارہی تھی، سانس لینے میں بھی دشواری محسوس کر رہی تھی اور عید سے ایک روز قبل مجھے شدید قسم کا پینک اٹیک آیا جس کے اثرات ابھی تک ظاہر ہورہے ہیں۔’
انہوں نے مزید لکھا کہ ‘ہم سب کیلئے زندگی یہی ہے، زندگی کو بہتر انداز میں جینے کیلئے روز بھرپور کوشش کرنا یا کچھ دن صرف سانس بھی لینے کیلئے محنت کرنا لیکن ہم ہمت نہیں ہارتے، یہ اس لیے شیئر کر رہی ہوں تاکہ آپ کو معلوم چلے کہ کوئی بھی شخص پرفیکٹ زندگی نہیں گزار رہا کیونکہ یہی زندگی کی خوبصورتی ہے۔’
کمنٹ سیکشن میں سوشل میڈیا صارفین سبینا فاروق کی جانب سے انکا تجربہ شیئر کیے جانے پر خوب تعریفیں کرتے دکھ رہے ہیں اور متعدد صارفین انکی باتوں سے ریلیٹ کرتے دکھ رہے ہیں اور سبینا کے ان الفاظ کو پڑھ کر انہیں ایسی صورتحال سے لڑنے کا حوصلہ ملا اس کا اعتراف بھی کر رہے ہیں۔
Post Views: 4.ذریعہ: Daily Mumtaz
کلیدی لفظ: سبینا فاروق
پڑھیں:
27 ویں آئینی ترمیم ، نواز شریف کے بغیر ہم سانس بھی نہیں لیتے، پرویز رشید
اسلام آباد(نیوز ڈیسک )مسلم لیگ ن کے سینئر رہنما اور سینیٹر پرویز رشید نے 27 ویں آئینی ترمیم کے حوالے سے اظہارِ خیال کیا ہے۔
انہوں نے پارلیمنٹ ہاؤس میں میڈیا سے گفتگو کرتے ہوئے کہا کہ 27ویں آئینی ترمیم کو پیش کرنے کا فیصلہ پارلیمانی لیڈرز اور سیاسی قیادت کرے گی، اطلاع کے مطابق آئندہ ہفتے سے اس عمل کو شروع کر دیا جائے گا۔
پرویز رشید کا کہنا ہے کہ آرٹیکل 243 میں تبدیلیاں ہوں گی یا نہیں، اس کی تفصیلات مجھے نہیں معلوم، نظام کو بہتر کرنے کے لیے اگر تبدیلیوں کی ضرورت ہوئی تو ترمیم کر لینی چاہیے، ریاست، عوام اور حکومت کی ضروریات پورا کرنے کے لیے تبدیلیاں کرنی پڑتی ہیں تو کر لینی چاہئیں۔
ان کا کہنا ہے کہ اس وقت پاکستان کو استحکام ملا ہے، معیشت بہتر ہے، دنیا اس کی تعریف کرتی ہے، استحکام اور معیشت میں بہتری مضبوط بنانے کے لیے ترامیم یا اضافے کی ضرورت ہے تو کرنی چاہیے، جو بھی کچھ کرنا ہے پارلیمنٹ نے ہی کرنا ہے۔
سینیٹر پرویز رشید نے کہا کہ پارلیمنٹ میں اس وقت پاکستان کی تمام سیاسی سوچ موجود ہے، جو دھرنے اور یلغار کی سیاست کرتے ہیں وہ بھی پارلیمنٹ میں موجود ہیں، ہر ایک کی تعداد اتنی ہے کہ ان کو نظر انداز کر کے کچھ نہیں کر سکتے۔
انہو ں نے کہا کہ پارلیمانی پارٹیوں کو پارلیمنٹ میں کوئی تجویز یا ترمیم پر پارلیمانی قوت استعمال کرنی چاہیے، سڑکوں پر قوت کے اظہار سے آپ اپنا اور ملک کا نقصان کر سکتے ہیں کوئی بہتری نہیں لا سکتے۔
پرویز رشید نے کہا کہ اگر ہر پارٹی اپنا پارلیمانی کردار ادا کرے تو آپ کو کسی ترمیم سے کوئی خوف یا خطرہ نہیں ہو گا، اگر تجاویز کے بجائے شرطیں عائد کریں تو اتفاقِ رائے نہیں ہو سکے گا، اٹھاون ٹو بی کے خاتمے کے لیے اختلافات ہونے کے باوجود سب نے اتفاقِ رائے کیا۔
ایک صحافی نے پرویز رشید سے سوال کیا کہ کیا 27 ویں آئینی ترمیم سے متعلق نواز شریف سے بھی مشاورت کی گئی ہے؟
سینیٹر پرویز رشید نے جواب دیا کہ نواز شریف کے بغیر ہم سانس بھی نہیں لیتے، ہماری سانس ان کے نام کے ساتھ چلتی ہے، شہباز شریف نے جس طرح بھائی کا کردار ادا کیا دنیا دعا کرتی ہے، ایسا بھائی اللّٰہ سب کو دے، دیگر سیاسی جماعتیں بھی نواز شریف کی عزت کرتی ہیں۔
ان کا کہنا ہے کہ میثاقِ جمہوریت کی روح کو برقرار رکھنے کے لیے سب سیاسی جماعتیں ان سے مشورہ کرتی ہیں، نواز شریف کی اجازت، مشاورت، تجاویز اور رہنمائی سے ساری سیاست کرتے ہیں
پرویز رشید
تجدید وتجدّْد