ایران اسرائیل کیخلاف عالم اسلام کی فرنٹ لائن ہے، عراقی وزیر
اشاعت کی تاریخ: 24th, June 2025 GMT
عراق کے وفاقی وزیر برائے اعلی تعلیم نے اعلان کیا ہے کہ اسلامی جمہوریہ ایران، قابض صیہونی رژیم کیساتھ مقابلے میں اسلامی ممالک کی صفِ اول ہے لہذا ایران کے ہاتھوں اس قابض رژیم کی شکست کا مطلب "پورے علاقے کی فتح" ہے! اسلام ٹائمز۔ عراق کے وفاقی وزیر برائے اعلیٰ تعلیم اور عراقی مزاحمتی تحریک الصادقون کے سربراہ سیاسی بیورو نعیم العبودی نے اعلان کیا ہے کہ موجودہ جنگ خطے کا نقشہ بدل کر رکھ دے گی۔ عراقی چینل العہد کے پروگرام "نصف دائرہ" میں گفتگو کرتے ہوئے نعیم العبودی کا کہنا تھا کہ قابض صیہونی رژیم ایران کے خلاف اپنی فوجی جنگ ابھی سے ہار چکی ہے۔ یہ بیان کرتے ہوئے کہ آج کی دنیا میں صرف طاقت کی منطق ہی غالب ہے اور بین الاقوامی قوانین کا کوئی احترام نہیں کیا جاتا، انہوں نے تاکید کی کہ ایران، غاصب صیہونی رژیم کے مقابلے میں اسلامی ممالک کی صفِ اول ہے لہذا ایران کے ہاتھوں اس قابض رژیم کی شکست "خطے بھر کی فتح" ہے۔ اس بات پر زور دیتے ہوئے کہ غاصب صیہونی رژیم پر فتح انتہائی قریب ہے، عراق کے وزیر برائے اعلی تعلیم نے کہا کہ عراق کے مفادات کا تقاضا ہے کہ ایران مضبوط رہے۔ عراقی مزاحمتی تحریک عصائب اہل الحق کے ساتھ وابستہ الصادقون کے سربراہ سیاسی بیورو نے تاکید کی کہ مزاحمتی گروہوں نے کبھی بھی اپنی حکومت کے خلاف ہتھیار نہیں اٹھائے، اور زور دیتے ہوئے کہا کہ صادقون اور حشد الشعبی، ایک ہی وجود کے دو پیکر ہیں۔ انہوں نے تاکید کی کہ شیخ الخزعلی کردوں پر ظلم و ستم کو کبھی قبول نہیں کرتے اور کہا کہ کُردوں کے مفادات کا تقاضا ہے کہ کردستان، عراق کے ایک حصے کے طور پر باقی رہے۔ اپنی گفتگو کے آخر میں انہوں نے شام کی عدم تقسیم پر بھی زور دیا اور واضح کیا کہ شام میں اہل تشیع کی اکثریت کو بے گھر کر دیا گیا ہے!
ذریعہ: Islam Times
کلیدی لفظ: صیہونی رژیم عراق کے
پڑھیں:
اسلام آباد میں بارش کے بعد سیلابی صورتحال، وزیرِ اعظم شہباز شریف نے ہنگامی اقدامات کا حکم دے دیا
اسلام آباد(نیوز ڈیسک) وزیرِ اعظم محمد شہباز شریف نے وفاقی دارالحکومت کے مختلف علاقوں میں حالیہ بارشوں کے بعد نالوں سے ملحقہ نشیبی علاقوں میں پیدا ہونے والی سیلابی کیفیت کا سختی سے نوٹس لیتے ہوئے فوری امدادی اقدامات کی ہدایت جاری کر دی ہے۔
وزیرِ اعظم نے ضلعی انتظامیہ اور سی ڈی اے کو حکم دیا ہے کہ متاثرہ علاقوں میں رہنے والے شہریوں کو فوری طور پر ریسکیو کیا جائے اور نکاسیٔ آب کے مؤثر انتظامات یقینی بنائے جائیں تاکہ جانی و مالی نقصان سے بچا جا سکے۔
انہوں نے ندی نالوں کے اطراف نشیبی علاقوں میں بسنے والی آبادیوں کے لیے حفاظتی اقدامات پر زور دیتے ہوئے کہا کہ ان علاقوں میں پیشگی الرٹ جاری کیے جائیں اور ممکنہ خطرات سے بچاؤ کے لیے مؤثر حکمت عملی اپنائی جائے۔
وزیرِ اعظم نے پانی سے پھیلنے والے امراض کے ممکنہ خطرات کو دیکھتے ہوئے شعبہ صحت کو بھی ہائی الرٹ پر رہنے اور ضروری طبی اقدامات فوری شروع کرنے کی ہدایت دی ہے۔
سیلابی صورتحال سے مؤثر طور پر نمٹنے اور امدادی سرگرمیوں کی نگرانی کے لیے وزیرِ اعظم نے ایک خصوصی کمیٹی قائم کرنے کا فیصلہ بھی کیا ہے، جو فوری طور پر صورتحال کا جائزہ لے کر متعلقہ اداروں سے رابطہ رکھے گی اور رپورٹ پیش کرے گی۔
حکومتی ذرائع کے مطابق وزیرِ اعظم شہباز شریف کی ہدایت پر تمام متعلقہ محکموں کو الرٹ کر دیا گیا ہے تاکہ شہریوں کی جان و مال کے تحفظ کو یقینی بنایا جا سکے۔
Ask ChatGPT
Post Views: 7
بلوچستان: لیویز کا پولیس میں انضمام کیوں کیا جا رہا ہے؟